1 Jon 2:27 - Hano Niu Testamen

²⁷ Kraes mwa batavuhai kimiu gin Vui Sabuga! I vui mwa dogo alolomiu, i gim hav mom doron te atatu mulei be men vagahi kimiu. Vui kea nu mwasigi i mwa bagahi kimiu huri ginau duluai. I giv tu wasigi nan alun Kraes, kun gabe vui mwa bagahi kimiu be giv tu wasigi aluna.

1 Jon 2:27 ပူးပေါင်းရင်းမြစ်များ

Matiu 13:11

Haḡe kea mwa avkorora be, “Mwa hogoi lalai kimiu be gimen ilo ginau ririhai huri Ute Lavoa atamare, take mwa hav hogoi tehe lalainira.

Leo Tavuha gabe Jon nu Ravae 14:16

Nav hudali Tata, i kea vi lai Turai dolua lalai kimiu, gabe kea vi togo mai kimiu vai tuai.

Leo Tavuha gabe Jon nu Ravae 14:17

Kea haḡea vui gabe vi seserai mwasigi huri God. Ureure sihav lai te ḡoḡo dumwia, bwatuna gabe mwa hav gitae tehe, sage mwa hav iloe tehe. Take kimiu gim iloe, bwatuna be mwa dogo mai kimiu i kea alolomiu.”

Leo Tavuha gabe Jon nu Ravae 14:26

Gaituramiu gabe Vui Sabuga, kea gabe Tata vi horae lol ihaku, vi vagahi kimiu alun ginau duluai i vi lol kimiu giv vinihi dum ginau duluai gabe nan vevea lalai kimiu.”

Leo Tavuha gabe Jon nu Ravae 16:13

Mahavana be Vui vi mai, vi lol bisirai mwasigi huri God i kea vi tomuai kimiu vai lol mwasigi duluai. Kea sihav avo te alun non roron̄o sibona, take vi avo alun ginau gabe nu ron̄oe i vi vev ginau lalai kimiu gabe rav mai radu.

Leo Tavuha gabe Jon nu Ravae 4:14

Take ihei tehe gabe vi mwin wai gabe inau nav laia lalainia sihav mandou te mulei. Wai uhu gabe nav laia lalainia vi mai lalainia gi matavuravuran wai alolona i kea vi laia ninia wain rahuana i rahuana vai tuai.”

Leo Tavuha gabe Jon nu Ravae 6:45

Ira atatun vevsera ran ravae be, ‘God vi vagahi atatu duluai.’ Ihei tehe gabe mwa ron̄ Tata i mwa huhui ginau ninia, kea vi mai vai abeku.

1 Korin 2:12

Kunia gida tam hav lai te Vui ata lol ureure; take tam lai Vui n̄ano be mwa mai nin God, huria be tav ilo dum havanau duluai be God mwa laia lalai gida.

1 Korin 2:13

Take avoana n̄oto be tam avo aluna Vui Sabuga non God nu vagahi gida aluna, take mwa hav vora te gin mataisao non atatu vuroi. Take Vui Sabuga n̄an mulei gea mwa bului gida be tam bagahi ginau Sabuga lalai atat Sabuga.

2 Korin 1:21

Giv iloe be, God gaituvwa be nu tau kimiu i kamai tam bulgaituvwa lol rahuana mai Kraes. God nu tau gida non ira sinombu gitalua,

Ifisas 4:21

Nam iloe be gin ron̄oe huria, i kimiu haḡea alolona, i kimiu gin lai silo vagahi huri mwasigi be mwa dogo alolon Jisas.

Kolosi 2:6

Kunia be gim lai Kraes Jisas gabe Ratahigi i giv bulgaituvwa maia.

1 Tesalonaeka 2:13

Mulei, gam avkari God bwatuna be batena be gin ron̄ non roroi nin kamai, gin lai ḡoḡoe kun be avoana non God, nu hav vora te avoana non atatu. I mwasigi be avoana non God, nu hav vora te avoana non atatu. I mwasigi be avoana non God be mwa lol rovoga alolomiu be gim binihimwasigi.

1 Tesalonaeka 4:9

Mwa hav tu tehe be gav ravae lalai kimiu huria be giv haḡo tabeana huri ira atatun Kraes duluai, bwatuna be God nu vagahi kimiu huba be giv tabetabe kimiu.

1 Timoti 2:7

Ran gita luau be nai vora hala be nav vagahi ira Lolobon̄i be rav binihimwasigi garagusi i rav ilo mwasigi. Nam hav tentene tehe; ta nam bev mwasigi!

1 Pita 1:23

Kimiu gin vora mulei, i rahuan gara geki nu hav mai tehe nin ginau be nu mate, take nin ginau be mwa hav mate te dumwi. Kimiu gin vora mulei sivi roroi non God be mwa du rahurahu.

1 Jon 2:28

Ira nituku, giv tu wasigi alun Kraes i mahavana be kea vi tabagilu, tav tu wasigi i tasav mom hili tehe mai nonda busbusiana.

1 Jon 3:24

Be gida tas tabe leohorai non God, Gida tav togo maia i Kea vi togo mai gida.

2 Jon 1:2

Gam dabe kimiu bwatun mwasigi be mwa dogo alolomai i vi togo mai kamai vai tuai.