1 Jon 2:22 - Hano Niu Testamen

²² Ihei hangea tenteneana? Kera gabe ram bevea be Jisas kea mwa hav vora te Kraes. Ihei tehe gabe mwa bevea kungeki kea ivwalu non Kraes, i mwa siehira saraḡo Tata mai Nituna.

1 Jon 2:22 ပူးပေါင်းရင်းမြစ်များ

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Matiu 24:5

Bwatuna be atatu ivusi rav mai lol ihaku, rai vevea be, ‘Inau haḡea Kraes!’ i rav ruruhi sinombu ivusi.

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

1 Jon 1:6

Be gida tas vevea be gida tam lago alolon rahuan tavuha mai God take nonda lalaḡova mwa lol ute meto, gida tam dentene i nonda lalaḡova mwa hav vora te mwasigi.

1 Jon 2:18

Ira nituku, mwa abena be ureure men nogo. Gim iloe be ivwalu Kraes men mai kadogaha, ira ivwalu non Kraes ran mai huba. Bwatuna haḡea tam iloe be nogonan ureure mwa abena.

1 Jon 2:23

Be tas siehi naturigi tas siehi Tamana mulei. Take be tas vevea be tam dabe Nitui, tam dabe Tamana mulei.

1 Jon 2:4

Take be tas garoinia ba bevea be tam ilo God i tam hav tabea tehe, kunia tam dentene i mwasigi mwa hav togo tehe aloloda.

1 Jon 4:20

Take be tas vevea be tam dabe God. Take tam hav tabetabe te gida, i kunia tam dentene. Be tasav tabe te dum sinombu gabe tam hav gitara tehe? Kun hanigi be tav tabe God be tam hav gitae tehe?

1 Jon 4:3

Be atatu si vevea be Jisas nu hav vora te gi atatu, kea gin binihiva vui alolon gea mwa hav mai tehe nin God. Vui gea mwa mai nin ivwalu non Kraes. Gim iloe be ivwalu geki vi mai vai lol ureure, i kea teti kadogaha.

1 Jon 5:1

Be tas vinihi mwasigi be Jisas kea Kraes mwasigi, gida ira nitun God. Bwatuna be ira hei be ram dabe Tata, ram dabe Nitui mulei.

2 Jon 1:7

Ira vagahi dentene ivusi lol ureure kadogaha be ram hav vev te luae be Jisas Kraes nu mai lol ureure kun abe atatu. Ihei tehe be mwa hav vev te luae kunia kea vagahi dentene i ivwalu non Kraes.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.

Visirai 3:9

Giv roron̄tai! Huri tatan̄ana gea be bilan Setan, ira atat tentene gea be ram bevera be kera ira Jius, take ram dentene, inau nav lolira rav mai ba hiv bwaubwau lol bwalagemwa. I kera duluai rav iloe be, inau nam dabego.