1 Jon 2:20 - Hano Niu Testamen

²⁰ Kraes mwa lol sabugainigo gin Vui Sabuga. I kadogaha kimiu duluai, gim iloe.

1 Jon 2:20 ပူးပေါင်းရင်းမြစ်များ

Matiu 13:11

Haḡe kea mwa avkorora be, “Mwa hogoi lalai kimiu be gimen ilo ginau ririhai huri Ute Lavoa atamare, take mwa hav hogoi tehe lalainira.

Leo Tavuha gabe Mak nu Ravae 1:24

“Gom doron havanau nin kamai, Jisas ata Nasaret? Matu gom mai teti be gomen lol kaburai kamai, nam ilogo be giḡo ihei, giḡo Horata Sabuga non God.”

Leo Tavuha gabe Luk nu Ravae 4:18

“Vui non Ratahigi mwa dogo aluku, bwatuna nu vurai luau be nai vev sera Roroi Tavuha lalai ira hiru. Nu horau be nai vev luae huri ribwesiva nora atat vauvauhi i huri lol i ba lol bugeri matara ira matagara, i mulei nav ribwesira ram dogo aten nora ivwalu

Leo Tavuha gabe Luk nu Ravae 4:34

“Ee! gom doron havanau mai kamai, Jisas ata Nasaret? Matu gom mai teti be gomen lol kaburai kamai? Nam ilogo; be giḡo horata sabuga non God!”

Leo Tavuha gabe Jon nu Ravae 14:26

Gaituramiu gabe Vui Sabuga, kea gabe Tata vi horae lol ihaku, vi vagahi kimiu alun ginau duluai i vi lol kimiu giv vinihi dum ginau duluai gabe nan vevea lalai kimiu.”

Leo Tavuha gabe Jon nu Ravae 16:13

Mahavana be Vui vi mai, vi lol bisirai mwasigi huri God i kea vi tomuai kimiu vai lol mwasigi duluai. Kea sihav avo te alun non roron̄o sibona, take vi avo alun ginau gabe nu ron̄oe i vi vev ginau lalai kimiu gabe rav mai radu.

Lalaḡova 10:38

Nu vano vataha ute duluai mwa lol lalaḡova tavuha, i mwa barahura gabe ram dogo vauhi halaten muramura non Vui hantai, bwatuna God bul maia.

Lalaḡova 3:14

Kea nu sabuga i nu vavtutu, take gim bev dagarae, vuvuri gim hudali Paelat be vi ribwes hantain lalaḡo lalai kimiu.

1 Korin 2:15

Atatu n̄ano be nu masiri gin Vui kea vi vevegi dum ginau duluai, take atatu vwate sihav vevegi te dumwia.

Hibru 1:9

Gom dabe vavtutu i gom barihai vahalana, i kunia inau, nom God nam ḡita luago. Nam uloi luago i nam loligo gin samwarana liu nin ira nom buluana.”

Hibru 8:11

Atatu vwate sigai be vi vagahi te tuana sage ata la vanuara, “Giv iloe huri God.” Bwatuna be kera ram iloau huba, be nu tau bwatuna la naturirigi mwa botui la lalavoa.

1 Jon 2:27

Kraes mwa batavuhai kimiu gin Vui Sabuga! I vui mwa dogo alolomiu, i gim hav mom doron te atatu mulei be men vagahi kimiu. Vui kea nu mwasigi i mwa bagahi kimiu huri ginau duluai. I giv tu wasigi nan alun Kraes, kun gabe vui mwa bagahi kimiu be giv tu wasigi aluna.

1 Jon 4:13

God nu lai non Vui Sabuga lalai gida. I bwatuna haḡea tam iloe be gida gaituvwa bul maia, kun gabe kea gaituvwa bul mai gida.

Ravrava nin Jud 1:5

Nam doronbe nav vasinerani kimiu gin ginau rituai be gim iloe huba: Giv vinihi dumwia be Ratahigi nu varahu non sinombu be nu lai luara nin ute Ijip, take ataguna nu lol kaburainira be ran hav binihi te mwasigi.

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.

Visirai 4:8

Ginau rahu gaivasi gabaura gaiononoi vatvatahara. I matara ivusi vatvatahara, alolora i avare mulei. I ram hav mambumambu tehe, ram lol iboi, rani i bon̄i, ram bevea be: “Sabuga, sabuga, sabuga, Ratahigi God Holomare Hae, gom dogo tuai huba, i garigi, i vi mai radu.”