1 Jon 2:18 - Hano Niu Testamen

¹⁸ Ira nituku, mwa abena be ureure men nogo. Gim iloe be ivwalu Kraes men mai kadogaha, ira ivwalu non Kraes ran mai huba. Bwatuna haḡea tam iloe be nogonan ureure mwa abena.

1 Jon 2:18 ပူးပေါင်းရင်းမြစ်များ

Matiu 24:11

Haḡe atatun vevsera tentene ivusi rav visirai i rav ruruhi sinombu ivusi.

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Matiu 24:5

Bwatuna be atatu ivusi rav mai lol ihaku, rai vevea be, ‘Inau haḡea Kraes!’ i rav ruruhi sinombu ivusi.

Leo Tavuha gabe Mak nu Ravae 13:6

Bwatuna be, atatu ivusi rav mai lol ihaku, rav vevea be, ‘Inau haḡea uhu!’ i rav ruruhi sinombu.

Leo Tavuha gabe Jon nu Ravae 21:5

Haḡe mwa hudalinira mwa bevea be, “Ira mwalmwalaḡelo, gin lai te dum ige?” Take ram bwaliua be, “Sigai len̄len̄a.”

Ravrava non Pol lalai ata Rom 13:11

Giv lol ginau kera geki bwatun be gim ilo didini taro haḡe geki be tam dogo alolona. Kadogaha taro vwate huri kimiu be giv mamata nin nomiu maturuva, bwatuna be kadogaha tarona be God vi varahu gida mwa sosori nin taro be gida tan siv binihimwasigi.

Ravrava non Pol lalai ata Rom 13:12

“Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

Hibru 1:2

Take la nogonana kadogaha, God nu hora Nituna be vi lai roroi lalai gida. God nu tau ginau duluai gin Nituna, i ginau duluai vai gubwen̄ vwate, vi vora non Nituna.

1 Pita 1:20

Kraes nu gita luana amua mwa siv tau ureure, take kea nu vagahiana lalai ureure lol nogonan taro geki huri kimiu.

1 Pita 1:5

Muramura non God mwa ḡitaḡorogo sivi nomiu binihimwasigi garagusi vaivotu be giv gita nomiu varahuva lol nogonan gubwen̄.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

2 Pita 2:1

Tuai nu vora atatun vev sera dentene lol sinombu non God, kunia n̄an be kimiu ira vagahi tentene rituai abena lol nomiu tatan̄ana. Kera rav hili ba bagahi ginau be ran hav vavtutu tehe---vagahi be rav lol atatu rav sala. Kera mulei rav varihai didi lai Ratahigi Jisas, Be nu vol mulei nora togoan mwaribwesi. Kera rav lol hantai vilvilehi nira sibora.

2 Pita 3:3

Nu tavuha maragai huri kimiu be giv ilo tavuhai havanau be vi loli lol ira nogonan gubwen̄i. Atatu rav manuhi kimiu. Kera rav rahu ba lol ira bwatigoro kun be ram doroni.

1 Jon 2:22

Ihei hangea tenteneana? Kera gabe ram bevea be Jisas kea mwa hav vora te Kraes. Ihei tehe gabe mwa bevea kungeki kea ivwalu non Kraes, i mwa siehira saraḡo Tata mai Nituna.

1 Jon 4:1

Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.

1 Jon 4:3

Be atatu si vevea be Jisas nu hav vora te gi atatu, kea gin binihiva vui alolon gea mwa hav mai tehe nin God. Vui gea mwa mai nin ivwalu non Kraes. Gim iloe be ivwalu geki vi mai vai lol ureure, i kea teti kadogaha.

2 Jon 1:7

Ira vagahi dentene ivusi lol ureure kadogaha be ram hav vev te luae be Jisas Kraes nu mai lol ureure kun abe atatu. Ihei tehe be mwa hav vev te luae kunia kea vagahi dentene i ivwalu non Kraes.

Ravrava nin Jud 1:18

Ran vevea lalainigo be, “La nogonan taro, vi vora atatu be ram manuhi God, ram huri nora doroniva sibora be nu vahala la silo non God.”