1 Jon 2:15 - Hano Niu Testamen

¹⁵ Gisav tabe te alen̄an ureure, sage ginau gabe non ureure. Be giv tabe ureure gisav tabe te dum Tata.

1 Jon 2:15 ပူးပေါင်းရင်းမြစ်များ

Matiu 4:8

Haḡe Vui hantai mwa laia mulei vai la vusi holomare, i mwa bagahia gin ute ratahigi duluai ata lol ureure mai sarisarira.

Matiu 6:24

“Atatu si hav vora te turin rovoga dum lalai ratahigi gairua. Bereva gim hun̄ai vwate i gim dabe vwate. Sage vi gogonai vwate i vi gita hantai vwate. Gisav haḡo te bul rovoga non God mai rovogan mwane.

Leo Tavuha gabe Luk nu Ravae 16:13

“Atatun rovoga sihav vora te turin rovoga dum lalai ratahigi gairua; kea vi varihai vwate i vi tabe vwate; kea vi binihi marahi vwate i vi varihai vwate. Gisav lalaḡo te dum lalai God mai homu vatuvwa.”

Leo Tavuha gabe Jon nu Ravae 15:19

Be gis vora bilan ureure, kunia ureure si tabe kimiu kun gabe bilana sibona. Take nan gita lua kimiu nin ureure geki, i kimiu gim hav vora te bilana; i bwatuna higea ureure mwa barihai kimiu.

Ravrava non Pol lalai ata Rom 12:2

Gosav leahigo te sibomwa be goi vora kun ata lol ureure geki, ta gov leahi la hal gara la halan binbinihi. Vuvuri gov vinihi dum hano be God mwa doronia hurigo, gov iloe be havanau nu tavuha i mwa lol dum binihina i havanau nu tavuha be giv lolia.

Kelesia 1:10

Gim binibe nam lol ron̄oe be namen lol atatu ba ramen ron̄ hano be nam bevea? Sigai, God haḡe gaituvwa be nam lol ron̄oe be namen lol samsamwarainia. Nam lol ron̄oe be namen lol samsamwarai atatu? Be nam doron radu be namen lol samsamwarai atatu, nasav vora te atatun rovoga non Kraes.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

1 Timoti 6:10

Doroniva huri homu mwa bwativugai lalan̄an Vui hantai duluai. Sinombu rituai ram lin̄ binihimwasigi garagusi, bwatuna be ram bwativugai taro ririhai i ron̄ mwahantai lalainira sibora.

Jemes 1:27

God mwa laiḡoḡo binihimwasigi be nu melmelo, i vahalana sigai binihimwasigi geki mwa domuai atatu be ramen gitaḡoro ira mandue, ira bwero be ram hahagavi huri buluiana i vi lolira rav melmelo dagai nin alen̄an rahuana ata lol ureure.

Jemes 4:4

Take gom hav mwasigi tehe lalai God! Gom iloe be doronivanan ginau ata lol ureure nuḡun atatu be mwa barihai God? Atatu be mwa doron be men mai gi tuan ureure kea mwa bora ivwalu non God.

1 Jon 3:17

Be gida nonda ginau abena i tam ḡita atat dodolua be nora sigai, ta be tam hav buluira tehe, tasav vev te dumwia be tam dabe God.

1 Jon 4:5

Ira ivwalu kera gea ram mai nin ureure, i ureure mwa roron̄tainira, bwatuna be ram avo la avoana ata lol ureure.

1 Jon 5:10

Be gida tav tau nonda binihimwasigi alun Nitun God. Geki gin binihiva be tam binihimwasigi alun havanau gabe God nu vevea alun Nituna, kea gin binihiva be gida tam bevea be God kea tenteneana.