1 Jon 2:13 - Hano Niu Testamen

¹³ Ira tama, nam ravae geki lalai kimiu, bwatuna be gim ilo wani gabe nu togo mai kimiu la bwativuna. Ira mwalaḡelo, nam ravae geki lalai kimiu huria be kimiu gim muramura ḡoro bwatigoro.

1 Jon 2:13 ပူးပေါင်းရင်းမြစ်များ

Matiu 11:27

“Tamaḡu nu lai ginau duluai lalaiau. Atatu vwate mwa hav ilo te Nitui, take Tata n̄an. Haḡe atatu vwate mwa hav ilo te Tata, take Nitui n̄an, i irahei Nitui mwa doron be vi lol bisirainia lalainira.

Matiu 13:19

Kera gabe ram ron̄ avoana huri be God vi vora Ratahigi lavoa ḡoro atatu duluai, take ram hav ilo te binihiva huria, ram ḡun biri be nu hovi la hala. Vui hantai vi mai, vi rais dagai hano nu gaburaiana alolora.

Matiu 13:38

Ute lolo ara kea haḡea sinombu gabe ram dabe God be kea Ratahigi ḡorora. Ta urute kera haḡea atat non Vui Hantai.

Matiu 5:37

Giv vevea be ‘Mwasigi’ sa ‘Sigai’, kunia nu dadariha. Gisav vev te avoan dolua mulei, bwatuna be avoan dodolua gea mwa mwalue nin vui hantai.

Leo Tavuha gabe Luk nu Ravae 10:22

“Tamaḡu nu lai ginau duluai lalaiau atatu vwate mwa hav iloe tehe, be Nitui ihei take Tata, n̄an. Haḡe atatu vwate mwa hav iloe te be Tata ihei, take Nitui n̄an, i irahei Nitui mwa doron be vi lol bisirainia lalainira.”

Leo Tavuha gabe Jon nu Ravae 14:7

Haḡe mwa bevea lalainira be, “Kadogaha be gim iloau, giv ilo Tamaḡu mulei, i mwa dau bwatuna haḡea kadogaha be gim iloe i gim ḡitae.”

Leo Tavuha gabe Jon nu Ravae 14:9

Jisas mwa bwaliua be, “Nam dogo mai kimiu duluai huri mahavana n̄ava huba; take gom hav iloau te radu, Vilip? Ihei tehe be nu gitau nu gita Tata. Hurihano gom bevea be, ‘Vagahi kamai gin Tata’?

Leo Tavuha gabe Jon nu Ravae 16:3

Sinombu rav lol ginau kungeki lalai kimiu bwatuna be ram hav ilo te Tata sa inau.

Leo Tavuha gabe Jon nu Ravae 16:33

Nan vev ginau geki lalai kimiu huribe, giv lai tamwata ginia, huribe be giv bul gaituvwa aluku. Ureure vi lol kimiu giv ron̄ ḡagarasi. Take giv tu wasigi! Nan rihu maragai nin ureure!”

Leo Tavuha gabe Jon nu Ravae 17:21

Nam dataro be kera duluai rai bul gaituvwa. Tata! Nam dataro be kera rav bulu alolodaru, kunia n̄an gabe giḡo aloloku i inau alolomwa. Nam dataro be rav bul gaituvwa, huribe ureure vi binihimwasigi be gon horau.

Leo Tavuha gabe Jon nu Ravae 17:3

Rahuana vai tuai gin binihiva be atatu vi ilogo, be giḡo n̄ano God mwasigi, i be atatu ramen ilo Jisas Kraes gabe gon horae.

Leo Tavuha gabe Jon nu Ravae 8:19

Haḡe ram hudalinia be, “Tamamwa kehibehe?” Haḡe Jisas mwa bwaliura be, “Gim hav iloau tehe i gim hav ilo te Tata mulei.” Mwa bevea be, “Be gis iloau kunia gis ilo Tamaḡu mulei.”

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

1 Timoti 5:1

Gosav avo te gin lolhoro lalai atat metuaga, take avo lalainia kun be kea tamamwa. Gov avo mai ira malaḡelo kun be ira tua.

Taetas 2:6

Kunia mulei giv av dura ira malaḡelo be rav mataisaoga.

1 Jon 1:1

Nomai roroi geki gam ravae lalai kimiu huri roroi huri rahuana, avoan mataisao. Avoana non God lalai kimiu mahavana be ureure sigai radu. Take avoan Mataisao non God gea nu togo huba. Bweromai nu ron̄oe i matamai nu gitae, i limamai nu sibweri avoana geki.

1 Jon 2:1

Ira nituku nam ravae geki huria be gisav vuroga tehe. Take be tas vuroga, Jisas Kraes atat vavtutu mwa du la lolmatan God huri gida. Kraes kea nonda tataroi gabe mwa lai dagai vuroda i vuron sinombu duluai lol ureure.

1 Jon 2:12

Ira nituku, nam ravae geki lalai kimiu, bwatuna be vuromiu nu binihi kaburainia la ihan Kraes.

1 Jon 2:14

Ira naturirigi kokolo, nam ravae geki lalai kimiu, bwatuna gabe gim ilo Tata. Kimiu ira tama, nam ravae geki lalai kimiu bwatuna be gim ilo wani gabe nu togo mai kimiu la bwativuna. Ira mwalaḡelo, nam ravae geki lalai kimiu, bwatuna be kimiu gin muramura. Roroi non God nu ḡata garagusi huba lol sibwen̄imiu, i kimiu gim muramura ḡoro bwatigoro.

1 Jon 3:12

Gisav vora te kun Ken gabe nu wehi bamate mwasin tuana. Huri hano be mwa wehia? Bwatuna be kea nu hantai i tuana nu hantai.

1 Jon 4:4

Ira nituku, kimiu ira nitun God, i gim muramura huba nin ivwalu. I Vui non God alolomiu, i nu muramura nin vui ata lol ureure.

1 Jon 5:18

Gida tam iloe be mwa hav vora te ira nitun God gabe ram buroga tagaro. Mwasin nitun God mwa du ḡorora, i setan sihav lol te dumwira.

1 Jon 5:20

Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.

Visirai 12:11

Ira tuada ran muramura ḡorora gin dagan nitui sipsip i gin mwasigi gabe ran seserai luae; i ran muramura bwatuna be ran hav sinsinei te rahura, take ran samsamwara be rai mate.

Visirai 2:7

“Atatu be bwerona abena na roron̄tai tavuhai avoana duluai be Vui Sabuga mwa bevea lalai uloilua duluai. I lalainira be ran muramuraga lol bwaloana, nav lai mahin̄ana lalainira be rav gan vwaigain rahuana be mwa mauri alolon ute loloara bilan God.”