1 Jon 2:12 - Hano Niu Testamen

¹² Ira nituku, nam ravae geki lalai kimiu, bwatuna be vuromiu nu binihi kaburainia la ihan Kraes.

1 Jon 2:12 ပူးပေါင်းရင်းမြစ်များ

Leo Tavuha gabe Luk nu Ravae 24:47

i lol ihana roroi huri binihi leahi, i tugu kaburai vuro vi toretore huria vataha vanua duluai vi tau bwatuna Jerusalem.

Leo Tavuha gabe Luk nu Ravae 5:20

Jisas mwa ḡita batoi nora binihimasigi garagusi, mwa bevea lalai atatu gea be, “Noḡu buluana vuromwa mwa binihi kaburaiana.”

Lalaḡova 10:43

Haḡe ira atatun vevsera duluai ran vevea huria be, atatu duluai be ram binihimwasigi aluna vi binihi kaburai vurora alun muramura lol ihana.”

Lalaḡova 13:38

Ira tua kimiu ira Jius, roroi huri tugu kaburai vuro lalai kimiu mwa mai n̄ano sivi Jisas, i atatu duluai gabe ram binihimwasigi aluna, mwa dugura nin vurora ninia gabe silo non Moses nu hav tugua te dum ninigo.

Lalaḡova 4:12

Vi habweana na varahuva sivinia n̄an gaituvwa i lol ureure duluai atatu vwat mulei sigai gabe God nu horae be vi varahu dum gida.”

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 4:32

Gov tavuha i gov mwemwearu mai atatu dodolua, goi binihi kaburai vuron atat dodolua kunia gabe God nu binihi kaburai vuromwa sivi Kraes.

Kolosi 1:14

Nituna mwa bol vuroda i alolona haḡea tam haḡo binihiv kaburai vuro.

1 Jon 1:4

Gam ravae geki be gamen vev seserai ginau kera geki lalai kimiu, bwatuna be geki mwa lol kamai gam samsamwara mwasigi.

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

1 Jon 1:9

Be tas seserai lua vuroda lalai God, gida tai vinihi mwasigi be kea vi binihi kaburai vuroda.

1 Jon 2:1

Ira nituku nam ravae geki huria be gisav vuroga tehe. Take be tas vuroga, Jisas Kraes atat vavtutu mwa du la lolmatan God huri gida. Kraes kea nonda tataroi gabe mwa lai dagai vuroda i vuron sinombu duluai lol ureure.

1 Jon 2:21

Nam hav ravae tehe lalai kimiu bwatuna be gim hav ilo te mwasigi, ta nam ravae lalai kimiu bwatuna be gim ilo mwasigi. I gim iloe be tenteneana mwa mai nin mwasigi.

1 Jon 2:7

Ira noḡu buluana, nam ravae geki mwa hav vora te gin binihiva be nam lai silo gara lalai kimiu. Ta kea n̄an haḡea radu be nan laia lalai kimiu la bwativuna, i roroi haḡea be gin ron̄oe.