1 Jon 1:7 - Hano Niu Testamen

⁷ Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

1 Jon 1:7 ပူးပေါင်းရင်းမြစ်များ

Matiu 6:12

Goi binihi kaburai vuromai, kun kamai gam binihi kaburai vurora hei be ram lolia lalai kamai.

Leo Tavuha gabe Jon nu Ravae 1:29

Haḡe gubwen̄ dolua Jon mwa ḡita Jisas mwa mai huria, mwa bevea be, “Kea ha kahaḡa be Nitui Sipsip bilan God, gabe mwa lai dagai vuron ureure!

Leo Tavuha gabe Jon nu Ravae 12:35

Jisas mwa bwaliura be, “Gigita vi togo mai kimiu huri mahavana vwelvwele. Giv van rahurahu la halamiu mahavana be gigita mai kimiu, huri be ute meto sihav mai te ḡoro kimiu; bwatuna be atatu gabe mwa lago lol ute meto mwa hav iloe tehe be mwa bano vai behe.

Leo Tavuha gabe Jon nu Ravae 5:4

Gubwen̄ rituai enjel non God vi hiv lol waitogo ba sabwaria. Muan harova, be mwa hivo muana ataguna be waitogo nu sabwariana, kea mwa rahu darihou.

Ravrava non Pol lalai ata Rom 13:12

“Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 5:8

Tuai huba kimiu gin togo; lol ute meto, take kadogaha kimiu gim dogo lol ute rani lol Ratahigi. Haḡe giv togo kun ira nitun ute rani.

1 Timoti 6:16

Kea n̄an gaituvwa be mwa hav mate tehe. Mwa dogo lol gigita be nu sarisari be atatu sihav van te dum sosoria. Atatu vwate nu hav gita te God, sa ta sav gita te dumwia. Tataro be gogonai i muramura non God vai tuai tuai. Amen.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Jemes 1:17

Lalaḡov tavuha duluai i hogoi tavuha duluai ram mai nin God. Ginau tavtavuha keragea ram mai nin God be nu lol alo, vula, ira visiu, i kea mwa hav leahi tehe kun gigitan ginau keragea be ram leahi.

1 Pita 1:19

take mai dagan Kraes, gabe nu vora kun sipsip mwalkeloi.

1 Jon 1:3

Gam bev ginau lalai kimiu be gam ron̄oe i gam ḡitae. Huria be kimiu giv bulu mai kamai lol rahuana. I gam bulu maia lol Tata i mai Nituna Jisas Kraes.

1 Jon 1:5

Jisas nu vevea lalai kamai be God kea gigita i ute meto mwa hav tu te ḡoroe. Geki gam bevea lalai kimiu.

1 Jon 5:6

Jisas Kraes haḡea atatu gabe nu mai mai wain garuhisabuga i dagan mateanana. Take nu hav mai te n̄an mai wai, take wai i daga. Vui sibona mwa bev seserai ginau geki be mwasigi bwatuna be Vui kea mwasigi.

1 Jon 5:8

Ginau gaitolu kera geki Vui, wai, i daga, i ginau gaitolu kera geki ram bulu n̄an ute gaituvwa.

2 Jon 1:4

Nam samsamwara maragai be nam iloe be ira nitumiu rituai ram huri halan mwasigi, kunia be tamanda mwa vevea lalai gida.

3 Jon 1:4

Ginau vwate mwa hav lai te samwarana liu lalaiau ninia be namen ron̄oe be ira nituku ram huri halan mwasigi.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 12:11

Ira tuada ran muramura ḡorora gin dagan nitui sipsip i gin mwasigi gabe ran seserai luae; i ran muramura bwatuna be ran hav sinsinei te rahura, take ran samsamwara be rai mate.

Visirai 7:14

“Nam bwaliua be, ratahigi nam hav iloe tehe, giḡo gom iloe.” Kea mwa bevea lalaiau be, “Geki haḡea sinombu gabe ran ron̄ ḡagarasi i ram wehira huri nora binihimwasigi. Mwa bwaga melmeloinira gin dagan nitui sipsip.