1 Jon 1:4 - Hano Niu Testamen

⁴ Gam ravae geki be gamen vev seserai ginau kera geki lalai kimiu, bwatuna be geki mwa lol kamai gam samsamwara mwasigi.

1 Jon 1:4 ပူးပေါင်းရင်းမြစ်များ

Leo Tavuha gabe Jon nu Ravae 15:11

“Nam bev ginau geki huribe noḡu samwarana vi togo dum alolomiu i be nomiu samwarana vi haraharai dum.

Leo Tavuha gabe Jon nu Ravae 16:24

Take kadogaha gim hav hudaligi te huri havanau tehe lol ihaku; giv hudaligi i giv lai dumwia, huri be nomiu samwarana vi haraharai.”

Leo Tavuha gabe Jon nu Ravae 3:29

Vavine be mwa lagi, kea ha tasalan ahoana; take buluana non ahoana, mwa du n̄an mwa roron̄tai silon non buluana, mwa ron̄ mwandavuha gin silon non buluana.

2 Korin 1:24

Gam hav lol te ron̄oe be gav lol ḡoro nomiu binihimwasigi; gam iloe be gim du wasigi lol nomiu binihimwasigi garagusi. Take kamai atatun rovoga mai kimiu huri nomiu ron̄ mwandavuha.

Ifisas 3:19

Lolotabetabe non Kraes gaivua liu ninia be ihei tehe mwa iloe, take nam dataro be giḡo gov ilo dum huri lolotabetabe gea, i giv masiri gin alen̄an God.

1 Jon 2:1

Ira nituku nam ravae geki huria be gisav vuroga tehe. Take be tas vuroga, Jisas Kraes atat vavtutu mwa du la lolmatan God huri gida. Kraes kea nonda tataroi gabe mwa lai dagai vuroda i vuron sinombu duluai lol ureure.

2 Jon 1:12

Inau nam dogo mai ginau ivusi be nav ravae lalainigo, take nam hav doron te didi lolia la pepa mai uli; ninia gea nam doronhohov be nav mai abemwa, i nav avo lolmatamwa i giḡo lol mataku bwatuna be tav masiri gin samwarana.