ZEPHANIA 3:7 - Pathien Lekhabu Inthieng (BSI)

⁷ Ama chungthua ka lo ruot ta ang po poin, a chêngna chu sâtthlâk a ni nawna dingin. “Matheilovin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik naw a.

ZEPHANIA 3:7 ပူးပေါင်းရင်းမြစ်များ

INṬANNA 6:12

Chun, Pathienin hnuoi hi a en a; chun, ngai ta, a se zo tah: tisa po poin hnuoia hin an umdân an suksiet zo ta si a.

2 CHANCHIN SUINA 33:11

Chuleiin, Lalpain Assuria lal sipai hotuhai chu a hung ṭhuoi a, Manasse chu khaidietin an khit a, thîr kawl an inbuntir a, Babulonah an fepui ta a.

JOB LEKHABU (THE BOOK OF JOB) 36:10

Inchûktirna tieng chun an na chu a sukvarpêk a, Suolnaa inthawka kîr dingin thu a pêk hlak.

INPÂKNA HLABU 32:8

I fena ding lampui chu inchûktirin, kâwkhmûng ka ti che a, Ka mita en zing pum chein rem ruotpêk ka ti che.

THUVARHAI 19:20

Thurâwn chu ngai la, inchûktirna chu pawm rawh, I hihnung tâwp tienga i hung var theina dingin.

ISAI 5:4

Ka grêp huona hin ka thaw ta ang bâk khan chu a chungah ieng am thaw nâwk chuong ding a la um ta rawp a? Grêp raa ra dinga ka beisei vei le khan ieng leia grêp suoka a hung ra el am a ni aw?

ISAI 63:8

Ama chun, “Ka mihai, nau a tehlêma thaw lo dinghai an ni ngei el,” a ti si a; chuongchun, anni sandamtuah a hung um ta a.

JEREMIA 17:23

nisienlakhawm, an ngai naw a, an na khawm an sit naw a, an rîng an sukngar a, an hriet nawna ding le inchûktirna chu an pawm nawna dingin.

JEREMIA 25:5

‘Mi tin el chu tuhin in thilthaw indik nawhaia inthawk le, mâni lampui suola inthawk chun kîr seng unla; nangni le in thlatuhai kuoma inhma le kumkhuoa dinga, Lalpain ram a pêk cheua chun chêng ro;

JEREMIA 36:3

An chunga thil ṭha naw thaw ka tum chu Juda sûngkuohai chun an hrietin, an suolna chu ka ngaidam theina dingin mi tin chu mâni um dân suola inthawk chun an hung kîr rawi mawh,” tiin.

JEREMIA 38:17

Chun, Jeremia chun Zedekia kuoma chun, “Sipaihai Pathien, Israel Pathien Lalpa chun hieng hin a tih; Babulon lal rorêltuhai kuomah în pêk chun, i hringna chu hlain um a ta, hi khawpui khawm hi meiin kâng naw ni; nang chu hring i ta, i sûnghai leh;

JEREMIA 6:8

Aw Jerusalem, vaulâwkna hi lo pawisa rawh, chuong naw chun, nghatsan ka ti che a, râusan le ram hluo loah siem râwi ka ti che.

JEREMIA 7:7

in thlatuhai kuoma ram ka i pêk tah, inhmaa inthawka kumkhawtluong elin, hi hmuna hin inchêngtir ka ti cheu.

JEREMIA 8:6

Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr naw a, mi tin chun mâni lampui seng an hraw a, indonaa sakawr tlân bingbilet ang chun.

HOSEA 9:9

Gibea khuoa umlai nihai ang khan, Nasatakin anni le anni an insukkhawhlo a; An rîtlona chu hre zing a ta, An suolnahai chu thung a tih.

ZEPHANIA 3:2

Ama chun râwl chu a pawisa naw a, sukdikna chu a pawm naw a, Lalpa khawm chu a ring naw a; a Pathien khawm chu a hung hnai bawk naw a.

DÂN PAHNINA 4:16

milim dâm insiem fâwmin, insukse hlau rawi in tih, a chal ang amanih, a pui ang amanih,

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

2 PETER 3:9

Mi ṭhenkhatin muonga an ruot angin, Lalpa chu a thutiem kawnga chu a muong nawh; tukhawm bohmang lova mi po po sim ditpuiin, nangni tiengah a dâwthei a ni lem.