ZEPHANIA 3:4 - Pathien Lekhabu Inthieng (BSI)

⁴ A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche ta a, dâna chun inpâwngnêkna chu an hmang ta a nih.

ZEPHANIA 3:4 ပူးပေါင်းရင်းမြစ်များ

ISAI 9:15

Upa le mi inzaumhai chu a lu chu an na, khêl inchûktir hlak zâwlneihai chu a mei chu an nih.

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, Lalpa chun a tih; anni chu ka tir naw a, thu khawm ka pêk naw a; hi hnam hi suksâwt chuong dêr bawk naw ni hai, Lalpa chun a tih.”

JEREMIA 34:19

Juda ram lalhai, Jerusalema rorêltuhai, mi tillâkhai, thiempuhai le, rama mi po po chu bâwngtê tum hni inkâra lût thleng tahai chu;

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka inthawka a lien tak chenin, inîtthîknain an sip si a; zâwlneia inthawk thiempu chenin indik lotakin an thaw bawk a.

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk che a; I sal nina hung lakîr dingin, i suolna hlak an hmusuok thei si naw a. Nanga ta dingin hlêmna le, teplo thu mei mei chau chu an hmupêk che a.

EZEKIEL 22:26

A thiempuhai chun ka dâna chun thawluina an hmang a; ka thil inthienghai chu an sukpawrche a; thil pângngai le thil inthieng khawm chu an ṭhe hran naw a, chuongchun, mihai khawm chu thil inthieng le thienglo chu hre hran dingin an siem naw a; ka châwlnia inthawkin an mithai an hup a; anni laia chun sukhmingsiet ka ni tah a nih.

EZEKIEL 22:6

Ngai ta, Israel lalhai mi tin chu a thilthawtheina ang peia, thisen insuo dingin i sûnga chun a um a nih.

EZEKIEL 44:23

Ka mihai chu thil inthieng le thil narânhai inkâra danglamnahai chun inchûktir an ta, thil thieng le thieng naw chu an inhriet ṭhentir ding a nih.

HOSEA 9:7

Hremna nihai chu a hung tlung a, Thungna nihai chu a hung tlung ie! Israel chun chu chu hrieng a ta; I rîtlona chu a tamin intaina a tam leiin. Zâwlnei chu ân vêt a, thlarau mi chu ân hâi a nih.

MIKA 2:11

Mumal neilo le indik nawtaka, “Uoin le zu chungchang thu i kuomah hril ka tih,” tia miin khêl a hril chun hieng mihai zâwlnei hi ni chau a tih.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MALAKI 1:6

Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.

MALAKI 2:7

Thiempu hmûrhai chun hrietthiemna a vawng ding a na, a baua inthawk chun miin dân chu an zawng ding a ni si a: ama chu sipaihai Lalpa mitir chu a ni si a.

MALAKI 2:8

Amiruokchu, nangni chu lampuia inthawk chun in pêt hmang a, mi tamtak chu dâna chun in insuithlûktir a; Levi kuoma thuthlung chu in suksiet tah a nih, sipaihai Lalpa chun a tih.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

2 KORINTH 11:13

Mi chuong ang mi chu, Krista tirkoa insiem fâwm, tirko tehlêmhai, sinthawtu mi hlêm hmanghai an ni si a.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

RORELTUHAI 9:4

Chun, Baal-berith ina inthawkin tangka sâwmsari an pêk a, chu chun Abimelek chun mi hotak tak le mi rura tak takhai a ruoi a, anni chun ama chu an zui ta a.

1 SAMUEL 2:22

Eli chu a hung tar ta hle el a; Israel mihai po po chunga a nauhai thilthaw po po le inbiekna puon in kawtkhâr bula rawngbâwltu nuhmeihai an lo zâlpui hlak thu dâm a lo hriet a.