ZEPHANIA 3:2 - Pathien Lekhabu Inthieng (BSI)

² Ama chun râwl chu a pawisa naw a, sukdikna chu a pawm naw a, Lalpa khawm chu a ring naw a; a Pathien khawm chu a hung hnai bawk naw a.

ZEPHANIA 3:2 ပူးပေါင်းရင်းမြစ်များ

NEHEMIA 9:26

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.

INPÂKNA HLABU 10:4

Mi rilo chun chapo hmêl putin, “Iengkhawm mi ti hliek naw ni,” a ti hlak a, A ngaituona po po chu “Pathien hrim a um nawh,” ti ruok hi a nih.

INPÂKNA HLABU 50:17

Thunun i theida a, Ka thuhai hi i hnungtieng i dehâwn pei si a.

INPÂKNA HLABU 73:28

Keia ta ding chun Pathien hnai hi a ṭha a nih; Lalpa Pathien chu kân humhimna dingin ka hmang a, I sinthaw po po thu ka hril theina dingin.

INPÂKNA HLABU 78:22

Pathien an ring naw a A sandamna khawm an ring naw leiin.

THUVARHAI 1:7

Lalpa ṭina chu hrietna bul a nih: Amiruokchu, invêt chun varna le inchûktirna chu an hmusit a.

THUVARHAI 5:12

Chun, “Iengtiziea inchûktirna kha ka lo theida a, Ka lungrilin kâwkna kha a lo ngainêp am a ni aw!

ISAI 1:5

Iengdinga hel zuol deu deu a, vuoka la um rawp ding am in ni a? Lu chu a pumin a na a, lungril khawm chu a pumin a châu tah.

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 31:1

Aigupta rama ṭhangpuina zawnga zu fe a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israelhai Mi Inthieng tieng en si lova, Lalpa khawm râwn si lohai chu an chung a rik ie!

ISAI 43:22

Nisienlakhawm, aw Jakob, nangin i mi ko si naw a, aw Israel, i mi nghawk ta lem a ni hi.

ISAI 9:12

Saktieng Suria mihai, thlangtieng Philistin mihai chun bau kain Israelhai chu fa zo an tih. Chuong ang lâwma a thaw khawm chun a lunginsen chu a la bo chuong si naw a; a kut chu a lân let ta rawp a.

JEREMIA 13:25

Hi hi i chan tâwk, keima kuoma inthawka, i chan dinga ruot chu a nih; Lalpa chun a tih; kei i mi theinghil ta a, thil dik lo chu i lo ring ta lei khan.

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 22:21

I vângneinaa chun i kuomah thu ka hril a; amiruokchu, nang chun, “Ngai naw ning,” i ti a. I naupang laia inthawk tah hi hi i khawsak dân a ni hrim a; ka râwl hi i ngai ngai nawh.

JEREMIA 32:33

Chun, kei chu hmatieng ni lovin, hnungtieng an mînnghat a, inhmataka thoa anni inchûktirin, anni chu ka lo inchûktira chu, inchûktirna chu hre dingin an ngai si naw a.

JEREMIA 35:13

“Sipaihai Lalpa Israel Pathien chun hieng hin a tih: Fe la, Juda ram mihai le Jerusalem hluotuhai kuoma chun hi hi va hril rawh: ‘Ka thuhai chu ngai dingin, inchûktirna chu in pawm naw ding am a nih?’ Lalpa chun a tih.

JEREMIA 35:17

chuleiin, Lalpa, Sipaihai Pathien, Israel Pathien chun hieng hin a tih: Ngai ta u, Juda ram chunga le Jerusalem hluotuhai po po chunga chun, an chunga thil ṭha naw tlung ding ka hril ta kha ka hung intlungtir ding a nih; an kuomah thu ka hril a, an ngai naw leiin, anni chu ka ko a, an mi dawn naw leiin,” tiin.

JEREMIA 5:3

Aw Lalpa, i mit chun thudik chu a hmu a ni naw am a nih? Anni chu i vuok a, amiruokchu, an lungngai naw a; anni chu i fâk zo a, anachu, sukdikna chu an dangkîr si a, an hmêlhai chu lungpui nêka ngarin an siem a, hungkîr chu an nuom naw a nih.

EZEKIEL 22:24

“Mihriem naupa, amanu kuoma chun hril la; Ram thienglo le, lunginsenna nia a chunga ruo tlâk nawna ang chu i nih, ti rawh.

EZEKIEL 24:13

I pawrchenaa chun hurna a um a; ka sukfai che a, sukfaia i um naw leiin, i pawrchenaa inthawkin sukfai ni ngai ta hrim hrim naw ti ni, ka lunginsenna hi i chunga ka suklungâwi hmakhat chun.

ZEPHANIA 1:6

Lalpa zuinaa hnungkîrtuhai le, Lalpa chu zawng ngai lo a, ama chanchin khawm indawn ngai lohai chu sukbohmang ka tih.”

2 TIMOTHE 3:16

Pathien Lekha Thu tinrêng hi Pathien inthuok khuma pêk a ni a; inchûktir kawnga dâm, thiemnaw inchangtir kawnga dâm, kâwk kawnga dâm, felna inchûktir kawnga dâm a ṭhahnem bawk a nih;

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.