ZEPHANIA 3:19 - Pathien Lekhabu Inthieng (BSI)

¹⁹ Ngai ta, chu pha chun nangma sukrimsituhai che chu keiin sawisâng ka ta: A ngîr chu sandam ka ta, hnawt hmanga um chu kei khâwm ka tih; Hnuoi chung po poa an hmaimâwkna lo um ta chu, Hming le inpâkna siempêk ka tih.

ZEPHANIA 3:19 ပူးပေါင်းရင်းမြစ်များ

ISAI 26:11

“Lalpa, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭhahnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 33:1

Nang rawk tuok ngai si lova, rawktu, vervêktaka thaw tuok ngai si lova, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêktakin thâwng an tih.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

ISAI 60:18

Nunsetaka thil thaw ri chu i ramah hriet ni ta naw ni a, râusanna le sietna rihâu khawm i ramri sûngah hriet ni ta naw ni; i kul chu, “Sandamna,” ti lem i tih, i kawtkhârhai khawm, “Inpâkna” ti bawk i tih.

ISAI 61:7

An muolpho aiah a let hniin hmûng an ta; an inzak aiah an chanvoah hlimin hla sak an tih: chuleiin, an rama chun a let hni hluong an ta, kumkhaw hlimna an kuomah um a tih.

ISAI 62:7

ama khawm chu inumtir ṭawk ṭawk naw ro: Jerusalem hi a sukdet a, hnuoia hin inpâkuma a siem hmakhat chun.

JEREMIA 30:16

Chuong lei chun nangma fazotu po pohai chu fâkzoin um an ta; i hmêlmahai po po chu, anni mi tin el chu salah intâng an tih; chun, nangma suksetu che chu suksietin um a ta; râllâka latu che po po chu râllâkah pe bawk ka tih.

JEREMIA 30:19

Annia inthawk chun lâwmthu hrilnahai siem a ta, hlimna siemtuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

JEREMIA 31:8

Ngai ta u, hmârtieng rama inthawk chun anni chu hung ṭhuoi ka ta, chun, hnuoi hmun hlatakhaia inthawk chun, anni le mitdel dâm, ke inbai dâm, nuhmei nau pawmlai dâm, nauhase nat tuor lai dâm chu hung ṭhuoi khâwm ka tih; chuongchun, pâwl ropuitak chu hitieng hin hung kîr an tih.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

JEREMIA 46:28

Aw ka siehlaw Jakob, ṭi naw rawh, Lalpa chun a tih; i kuomah ka um si a, nang ka hnawt hmangna che tienga hnamhai po po chu suktâwp vawng ka ta, nang ruok chu suktâwp letdêr naw ning che a; rorêlnain sukdik lem ka ti che a, ieng kawnga khawm hrem lovin mâksan naw ning che,” tiin.

EZEKIEL 16:27

Chuleichun, ngai ta, i chungah ka kut kân let a, i bu pângngai chu ka suktlâwm ding a nih, chun, Philistin naunuhai, i lampui tirdakum inzapuituhai, nangma theidatuhai duthusâmah pe suok ka ti che.

EZEKIEL 16:57

i rîtlona suklang a ni hma khan? Tuhin amanu angin Suria naunuhmeihai le a vêla umhai po po le, Philistin naunuhai i kîmvêla hmusittuhai che hrilsiet i hung ni ta hi.

EZEKIEL 34:16

A lo inhmang ta chu zawng ka ta, hnawt hmanga lo um ta khawm chu hung ṭhuoikîr nâwk ka tih; sukthlieka um ta chu tuom ka ta, damnawa um khawm chu sukhrât bawk ka tih; a thâu le a hrât chu suksieng ka ta; anni chu rorêlnain châwm ka tih.

EZEKIEL 39:13

Anih, chu rama mihai po po chun phûm an ta, chawimawia ka um nia chun anni ta ding chun hriet zing tlâk nîng a tih, Lalpa Pathien chun a tih.

EZEKIEL 39:26

An rama chun himtakin an chêng a, tukhawma anni chu an sukṭi naw pha chun, an inzakna, an bawsietnahai po po, ka chunga an lo bawsietnahai chu phur an tih;

MIKA 7:10

Chuongchun, ka hmêlma ka kuoma, “Khâwlai am Lalpa i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

ZEPHANIA 3:15

Lalpa chun i chungthu rêlna chu a lâk hmang ta a, I hmêlma khawm chu a hnawt dawk tah a nih; Israel Lal, Lalpa ngei chu nangmaa chun a um a, Thil ṭha naw hril ṭi ta dêr naw ti nih.

ZEKARIA 8:23

Sipaihai Lalpa chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet si a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

DÂN PAHNINA 26:19

a lo hril ta anga Lalpa in Pathien ta dinga mi inthieng in ni theina ding le hnam a siem po po laiah a bîka inpâk dâm, hming ṭhat dâm, chawimawi dâm hlaw dingin Lalpain a thlang cheu a nih,” tiin.

HEBRAIHAI 12:13

chun, kebai chu sukpelsawl lova, sukdama a um lemna dingin, in kehai ta dingin lampui tlûnhai siem ro.

THUPUONGSUO 20:9

Chun, hnuoi khang tieng dâpin a tungin an fe a, mi inthienghai le khuo ditumtak chu an inhuol ta a, chun, vâna inthawkin mei a hung tla a, anni chu a kânghmang ta a.

RORELTUHAI 1:7

Adoni-bezek chun, “Lal sâwmsari kutpui le kepui tan bawnga umhai chun ka dawkân hnuoia bumal an rût hlak a, ka thaw ang chiein Pathien chun a mi hung thung ve an ta hi,” a ti a. Chun, Jerusalemah an ṭhuoi a, chutaka chun a thi ta a.