ZEPHANIA 3:17 - Pathien Lekhabu Inthieng (BSI)

¹⁷ Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

ZEPHANIA 3:17 ပူးပေါင်းရင်းမြစ်များ

INṬANNA 1:31

Chun, Pathienin a thilsiem tinrêng chu a en a, ngai ta, ṭha a ti êm êm a. Chuongchun, zântieng a um a, zîngtieng a um bawk a, chu chu a ni rukna a nih.

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 18:14

Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

INṬANNA 2:2

Chun, Pathienin ni sari nia chun a thilsiem chu a thaw zo a; ni sari nia chun a thilsiem po po chu a châwlsan ta a.

INPÂKNA HLABU 147:11

Lalpa chun ama ṭituhai chunga chun lâwmna a nei hlak, A ngilneina beiseituhai chunga chun.

INPÂKNA HLABU 149:4

Lalpa chu a mihai chungah a lâwm si hlak a, Thuhnuoirawlhai chu sandamin sukmawi a tih.

INPÂKNA HLABU 78:65

Chuong lai chun Lalpa chu,mi an in an har angin, a har ta a, Mi hrât uoin leia khêk ang hin.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 18:4

Lalpa chun ka kuomah hieng ang hin a hril a nih, “Um ṭawk ṭawk ka ta, ka umnaa hin thlîr zing ka tih; nisa sat laia khaw lum inthieng vel vul ang le, bu sîk khaw lum laia daidaw sûmhu ang hin,” tiin.

ISAI 63:1

Edom rama inthawka hung, Bozra khuoa inthawka silfên suksen sil saw tu am a na? A puon sila ropuitak, a hrâtna a nasatzie anga hung saw? Keima, feltaka thu hril a, sandam kawnga mi hrâttak kha ka nih.

ISAI 63:12

A bân ropuitak Mosie changtienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

ISAI 65:19

Jerusalem chunga chun hlim ka ta, ka mihai chunga khawm lâwm ka tih; a sûnga chun ṭap ri chu hriet ni ta naw ni a, inrûm ri khawm hriet ni ta naw ni;.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

HOSEA 14:4

An hnungtawlna hi sukdam ka ta, Annia inthawka ka lunginsenna chu ân kieng ta leiin, Anni chu ka hmangai hrim hrim ding a nih.

JOEL 2:21

Aw ram, ṭi naw la, hlimin lâwm rawh, Lalpa chun thil ropuitakhai a thaw ta si a.

ZEPHANIA 3:15

Lalpa chun i chungthu rêlna chu a lâk hmang ta a, I hmêlma khawm chu a hnawt dawk tah a nih; Israel Lal, Lalpa ngei chu nangmaa chun a um a, Thil ṭha naw hril ṭi ta dêr naw ti nih.

ZEPHANIA 3:5

Ama sûnga chun Lalpa chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim naw a; amiruokchu, mi fel naw chun inzakna a hriet naw a nih.

NAMBAR 14:8

Ei chunga hin Lalpa a lâwm chun, chu rama chun mi ṭhuoi a ta, mi pêng a tih; nênêtui le khuoizu luongna ram chu.

LUKA 15:32

Hlimtak le lâwmtaka um ding a ni hrim annâwm; hi i sang hi a thi a, a hung hring nâwk ta a; ân hmang a, ei hmu nâwk tah a ni si a,’ a ti a,” a ta.

JOHAN 13:1

Chun, Fekân Ruoiṭhe hmain Isûn hi khawvêl hi suok sana, Pa kuoma a fe hun a tlung tah ti a hriet a. Amaa mi khawvêla um a hmangai hlakhai chu, a tâwp chen khawmin a hmangai zing a.

JOHAN 15:11

Ka lâwm nangnia a um zingna ding le, in lâwm a kimna dingin hieng thu hi in kuomah ka hril hi.

DÂN PAHNINA 23:15

“Siehlaw, in kuoma an pu hung tlânsuoksan chu in pêk lêt nâwk ding a ni nawh.

DÂN PAHNINA 30:9

Lalpa in Pathien chun in kutsuok po po hai, in rila rahai, in bâwng ruol punghai, in hnuoi rahaiah nasatakin sukpung a ti cheu a, in pi le puhai chunga a lâwm ang khan in chungah Lalpa lâwm nâwk a tih;

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.