ZEPHANIA 3:14 - Pathien Lekhabu Inthieng (BSI)

¹⁴ Aw Zion naunuhai, hla sak ro; aw Israel, khêk suok rawh; Aw Jerusalem naunu, lungril po poin hlimin lâwm rawh.

ZEPHANIA 3:14 ပူးပေါင်းရင်းမြစ်များ

NEHEMIA 12:43

Chu ni chun inthâwina nasatak an inhlân a, an hlim hle el a; Pathienin hlim namên lovin a sukhlim a nih; chun, nuhmeihai le naupanghai chen khawmin an hlim hle a; chuongchun, Jerusalem hlimna chu hlataka inthawk khawmin ân hriet a.

INPÂKNA HLABU 14:7

Israelhai sandamna chu Ziona inthawkin hung suok sienla chu aw! Lalpa chun a mihai sala an um chu a ṭhuoi kîr nâwk pha chun, Chu pha chun Jakob rawi hlim tâng an ta, Israel lâwm tâng an tih.

INPÂKNA HLABU 149:2

Israelhai chu anni siemtu chunga chun lâwm hai sienla, Zion nauhai chu an Laltak chunga chun hlim raw hai se.

INPÂKNA HLABU 97:8

Zion tlâng chun a hriet a, lâwmtakin a um a; Juda naunuhai chu hlimtakin an um bawk a, Aw Lalpa, i rorêlnahai leiin.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 29:19

Thuhnuoirawlhai khawmin Lalpaa chun an hlimna chu sukpung tâng an ta, mihriem laia rimsihai chu Israelhai Mi Inthienga chun lâwm tâng an tih.

ISAI 35:2

Pâr vul chûk a ta, hlasak le lâwmin hlim a tih; Lebanon ropuina chu a kuoma pêk nîng a ta, Karmel le Saron mawina leh; Lalpa ropuina hmûng an ta, ei Pathien mawina leh.

ISAI 37:22

hi hi a chungchâng thu Lalpain a hril chu a nih: Zion naunu nunghâk chun a hmusit che a, a nuisan che; Jerusalem naunu chun a lu a thin khum che.

ISAI 40:1

Thlamuon ro, ka mihai hi thlamuon ro, in Pathien chun a tih.

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; Lalpa chun a mihai chu a thlamuon ta si a, Jerusalem chu ân tlan tah a nih.

ISAI 54:1

“Aw ching, nau nei lo, nang, hlimtakin hla sak rawh; nang, nauhase ngai naw, hla sak suok phut la, khêk suok rawh: pasal nei mi nauhai nêk chun khawsâwtnu nauhai an tam lem si a,” Lalpain a tih.

JEREMIA 30:19

Annia inthawk chun lâwmthu hrilnahai siem a ta, hlimna siemtuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

JEREMIA 31:13

Chun, nunghâk inthienghai chu, tlangvâlhai le, upahai le chun lâmnaa chun hlim an ta; an lusûnna chu hlimnaah kân changtir ding a ni si a; chun, anni chu thlamuon ka ta, an lungngainaa inthawk chun sukhlim tâng ka tih.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai Lalpa kuoma chun lâwmthu hril ro, Lalpa chu a ṭha si a; a zainêmna chu kumkhuoin um zing a tih,’ tituhai râwl le, Lalpa ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni si a, Lalpa chun a tih.

JOEL 2:23

Nangni Zion nauhai, lâwm ro, Lalpa in Pathiena chun hlim ro; ruo hmasa chu inkhi chiein a pêk si cheu a, in ta dingin ruo ân sûrtir a, thla khatnaa ruo hmasa le ruo nuhnung chu.

MIKA 4:8

Aw nang, ran ruol kul, Zion naunu umna tlâng, i kuomah hung tlung a tih: anih, inlalna hmasa chu hung tlung a tih, Jerusalem naunu inlalna chu.

MATTHAI 21:9

Chun, mipui a hma tienga fe le a zuihai chun, “David naupa kuomah Hosanna! Lalpa hminga hung chu inpâkin um raw se! Achunghnungtaka khin, Hosanna!” tiin an khêk a.