ZEPHANIA 3:13 - Pathien Lekhabu Inthieng (BSI)

¹³ Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni si a,” a ta.

ZEPHANIA 3:13 ပူးပေါင်းရင်းမြစ်များ

2 CHANCHIN SUINA 20:30

Chuongchun, Jehosaphat ram huop sûng chu a re ṭawk ṭawk a; a Pathien chun a vêl po poa chun râlmuongna a pêk si a.

JOB LEKHABU (THE BOOK OF JOB) 11:19

Zâl i ta, tukhawma suklâu bawk naw ni hai che; Anih, mi tamtakin nangma le inremna hung siem an tih.

INPÂKNA HLABU 119:3

Anih, anni chun fel nawna hrim hrim an thaw naw a, A lampuihaia chun an fe hlak.

INPÂKNA HLABU 120:2

Aw Lalpa, hmûr khêlhliphai le, lei mi hlêm hmanghaia inthawk chun, Ka hringna hi sanhim rawh.

INPÂKNA HLABU 120:3

Nang lei mi hlêm hmang, I kuomah ieng am pêng an ti che a, ieng am belsâng an ti che a?

INPÂKNA HLABU 23:2

Ama chun hlohna hring dup hmunah a mîn bawktir hlak a, Châwlna tui pangahai a mi ṭhuoi hlak.

ISAI 17:2

Aroer khuohai chu tlânsanin a um tah; berâm ruolhai umna ding ni el a tih; chuong chu bawk an ta, tukhawma sukṭi naw ni hai.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 54:14

Felnaa sukdetin um i ta, nêksâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 63:8

Ama chun, “Ka mihai, nau a tehlêma thaw lo dinghai an ni ngei el,” a ti si a; chuongchun, anni sandamtuah a hung um ta a.

ISAI 65:10

Ka mi, a mi zawngtuhai ta ding chun, Saron chu berâm ruolhai huon nîng a ta, Akor ruom chu bâwng ruolhai bawkna hmun ding nîng a tih.

JEREMIA 23:4

Anni châwmtu ding berâmpu an chunga chun sieng ka ta; ṭit khawm ṭi ta naw ni hai a, beidawng ngai ta bawk naw ni hai a, tlâksam hrim khawm um ta naw ni, Lalpa chun a tih.

JEREMIA 30:10

Chuleiin, Aw Jakob, ka siehlaw, ṭi naw rawh, Lalpa chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni si a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, Lalpa chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

EZEKIEL 39:26

An rama chun himtakin an chêng a, tukhawma anni chu an sukṭi naw pha chun, an inzakna, an bawsietnahai po po, ka chunga an lo bawsietnahai chu phur an tih;

JOEL 3:17

Chuongchun, Lalpa in Pathien ka tlâng inthieng Ziona chêng ka nih ti hrieng in tih; chuongchun, Jerusalem khuo chu inthieng a ta, mikhuol tukhawm fethleng nâwk ta dêr naw ni hai.

JOEL 3:21

Chun, an thisen ka isâwpfai naw chu sâwpfai ka ta, Lalpa chu Ziona chun a chêng zing si a.”

LEVI DÂN 26:6

Hi ram hi râlmuongtakin inumtir ka ta, zâl ṭawk ṭawk in ta, tukhawma sukṭi naw nihai cheu a, ramsa suolhai chu hi rama inthawk hin hnawt hmang ka ta, kawlhnâmin in ram fe thleng naw bawk a tih.

MIKA 4:4

Mi tinhai chu an grêp hrui hnuoia le an theichang kûng hnuoiah ṭhung lem an ta, tukhawma sukṭi naw ni hai; sipaihai Lalpa bau chun a hril ta a.

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin Lalpa chun an chungah ro rêl a tih.

MIKA 7:14

Karmel tlâng kâra khawsâwttaka um i rochan berâm ruol, I mihai chu i hembâwk hmangin châwm la, inhma ang khan Basan le Gileada châwmin um tâwl raw hai se,

ZEPHANIA 2:7

Chu vakam hrûl chu Juda sûngkuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; Lalpa an Pathien chun anni chu hung sir a ta, an sal intângna chu a hlîppêk ta ding a ni si a.

ZEPHANIA 3:5

Ama sûnga chun Lalpa chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim naw a; amiruokchu, mi fel naw chun inzakna a hriet naw a nih.

ZEKARIA 8:12

Inremna chi chu a um ta ding a ni si a; grêphrui chun a ra insuong a ta, leihnuoi khawm chun a hlâwkna chu insuo bawk a ta, vânhai khawm chun daidaw chu hung pêng an ta; hi chi hlaa umhai hi chuong thilhai po po chu inhluotir ka tih.

ZEKARIA 8:16

Hienghai hi thil in thaw dinghai chu an nih: mi tinin mâni tuolbâwm kuomah thu indiktak hril raw se: in kul kawtkhârhaia chun inremna le indikna rorêlna chu suksuok unla,

ZEKARIA 8:3

Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.

MATTHAI 13:41

Mihriem Naupa hin a vântirkohai chu tir dawk a ta, a rama inthawka insuksuoltirtuhai le thil suksuoltuhai po po chu thlang dawk an ta,

JOHAN 1:47

Isûn Nathanael a kuoma hung ding chu a hmu a, a chanchin a lo hril a, “En ta u, Israel mi tak, rîtlona hrim hrim nei lo saw,” a ta.

KOLOSSA 3:9

Khêl inhril tuo naw ro, mihriem hlui chu a thilthawhai leh in hlîp thlâk ta a.

1 PETER 3:14

Nisienlakhawm, felna leia lo tuor ta dâm in ni chun, hamṭhâng in tih. An ṭitumna chu ṭi naw unla, lunginzîng bawk naw ro.

1 JOHAN 5:18

Tûkhawm Pathien inei chun thil a suk suol zing ngai nawh ti ei hriet; Pathien inei khan ama chu a hum zing a; Mi suol chun a tâwk thei nawh.

THUPUONGSUO 14:5

An baua khêl a suok hrim miin an hriet ngai nawh, sawisêlbo an ni si a.

THUPUONGSUO 21:27

Nisienlakhawm, thil inthiengnaw hrim lût dêr naw ni a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.