ZEPHANIA 3:1 - Pathien Lekhabu Inthieng (BSI)

¹ Khawpui nêksâwra um, sukpawr- chea um le hela um chu a chung a va rik de!

ZEPHANIA 3:1 ပူးပေါင်းရင်းမြစ်များ

ISAI 30:12

Chu lei chun, Israelhai Mi Inthieng chun hieng ang hin a hril a, “Hi hi thu hi in hmusit lei le nêksâwrna le kâwmawsietna in ring a, a chunga in innghat leiin;

ISAI 5:7

Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

ISAI 59:13

kan bawsiet dâm, Lalpa kan inphatsan dâm, kan Pathien zui pei lova kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

ISAI 59:6

An aium rîl puon chu silfênahai hung inchang naw ni a, an thilthawhai chun inbel bawk naw ni hai; an thilthawhai chu khawhlona thilthawhai a na, thil nunsetaka thawna chu an kutah a um bawk a.

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni naw a.

JEREMIA 5:23

Amiruokchu, hi hnam hin lungril hel le, lungril inher an nei a, an hel a, an fe ta a.

JEREMIA 6:6

Sipaihai Lalpa chun hieng hin a lo ti ta si a: Thinghai chu phûr thlu unla, Jerusalem chunga chun pil dêngpâwnghai chu siem ro, hi hi khawpui hremna ding chu a na, a sûnga chun innêksâwrna ringawt el a nih.

JEREMIA 6:7

Tuisunsuo chun a tuihai a phusuok angin, a khawhlonahai chu a phusuok a; a sûnga chun inpâwngnêkna le suksietna hriet a na, ka hmaa chun natna le hliemnahai chu a um zing zing a nih.

EZEKIEL 22:29

Chu ram mipuihai chun nêksâwrna an hmang a, inrûk an chîng bawk a; anih, tlasamhai le mi rimsihai chu an suklungngai a; mikhuol chu indik lotakin an nêksâwr a.

EZEKIEL 22:7

I sûnga chun nu le pa chu hmusitin an um a; i sûnga chun mikhuolhai chu nêksâwrin an sawisa a; i sûnga chun pa neilohai le hmeithai chu an sukkhawhlo ta a.

EZEKIEL 23:30

Hieng thilhai hi i chungah thawin a um ding a nih; khawhri be mihai hnung chu châkin i lo hnawt ta a, an milimhai chun i lo insukpawrche ta si leiin.

LEVI DÂN 1:16

A awng chu a hmul le chun pei a ta, maichâm kâwl, saktieng panga vut siena hmuna chun pei a tih.

AMOS 3:9

Asdod lal inhaia le Aigupta ram lal inhaia chun hril unla, “Samari tlâng chunghaia chun inkhâwm unla, chun, chutaka buoina lientak umhai le nêksâwrna umhai chu en ro.

AMOS 4:1

Nangni Basan hmun sebâwngpui, Samari tlâng chunga um, rimsihai nêksâwr a, tlasamhai nêk a, an lalhai kuomah, “Hung la unla, dâwn ei tiu,” tituhai, hi thu hi lo hre ro.

MIKA 2:2

Mi lohai an inhnar a, an lâkpêk a, inhai an inhnar a, an lâk el bawk a; mi le an sûnghai, mi le an ro chenin an hnuoisie a.

ZEKARIA 7:10

hmeithai amanih, fahrâ amanih, mikhuol amanih, mi pasie amani khawm chu nêksâwr naw unla, chun, nangni tukhawma mâni unau chungah a lungrilin thil suol suongtuo naw raw se,” tiin.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.