ZEPHANIA 2:8 - Pathien Lekhabu Inthieng (BSI)

⁸ Moab mihai hrilsietna le, Ammon thlahaiin an chierkhumnahai, ka mihai an hrilsieta an ramrihai ngeiah an vân suklien thu chu ka lo hriet a.

ZEPHANIA 2:8 ပူးပေါင်းရင်းမြစ်များ

INṬANNA 19:37

A upa lem chun naupasal a nei a, a hmingah Moab a sak a: ama chu tulaia Moab mihai thlatu a nih.

INṬANNA 19:38

A naupang lem khawm chun naupasal a nei ve a, a hmingah Ben-ammi a sak a; ama chu tulaia Ammon mihai thlatu a nih.

ISAI 15:1

Moab ram phurrik chu. Zân khat kârin Moab rama Ar khuo chu suksietin a um a, iengkhawm ni lova siemin a um ta si a; zân khat kârin Moab rama Kir khuo chu suksietin a um a, iengkhawm ni lova siemin a um ta si a.

ISAI 16:6

Moabhai chapona thu, an chapo êm êm a ni ti ei lo hriet a, an ṭawng mingemzie le an chapozie le, an lunginsenzie thu chu, an uongnahai chu iengkhawm a ni nawh.

JEREMIA 12:14

Ka tuolbâwm rilohai po po, ka mi Israelhai hluo dinga ka ti lo tâwksetu chunga chun Lalpa chun hieng hin a tih: Ngai ta u, an rama inthawk chun anni chu hmalthlâng ka ta, anni laia inthawk chun Juda sûngkuo chu hmalthlâng ka tih.

JEREMIA 48:1

Moab chungthu chu, Sipaihai Lalpa, Israel Pathien chun hieng hin a tih “Nebo chu a chung a rik! suksiet a ni ta si a; Kiriathaim chu sukzakin a um a, lâkin a um ta a; Misgab chu sukzakin a um a, sukchimin a um ta bawk a.

JEREMIA 49:1

Ammon mihai chungchâng thu chu: Lalpa chun hieng hin a tih: “Israel hin naupasal a nei naw a ni maw? Rohluotu ding a nei naw maw? Chuong a ni si chun ieng dinga Milkom hin Gad hi a nei a, a mihai chu khawpuia hai chun chêng am an ni a?

ṬAP HLA 3:61

Aw Lalpa, nangin an kâwknahai le, ka chunga an thiltum po po chu i hriet a.

EZEKIEL 21:28

“Chun, nang mihriem naupa, thu hril la, Ammon thlahai le anni vaulâwkna, chungthua chun Lalpa Pathien chun hieng hin a tih, ti rawh: Kâwlhnâm, kâwlhnâm chu thatna dingin phawi a ni a, kâwlinlep ang ela tle zawr zawr dinga nâwt tlêt a nih.

EZEKIEL 25:1

Lalpa thu chu ka kuomah a hung tlung a:

EZEKIEL 35:12

Chuongchun, ‘Suksietin an um ta a, ei kuomah fâk zo el dingin pêkin an um ta a ni hi,’ tia Israel tlânghai chunga thu i lo hril a, anni i lo demnahai po po chu kei Lalpa hin ka hriet vawng a nih, ti hre tâng i tih.

EZEKIEL 36:2

Lalpa Pathien chun hieng hin a tih; Hmêlma chun i chunga chun, ‘I hi! tienlaia bâwlhmunhai chu ei ta a ni tah,’ an ti khum che leiin;

AMOS 1:13

Lalpain hieng ang hin a tih, “Ammon nauhai bawsietna pathum leiin, anih, pali leiin, a hremna sukbo naw ning; an ram an suklien theina dingin, Gilead khaw nuhmei nau vawnhai an phirthlêr leiin;

AMOS 2:1

Lalpain hieng ang hin a tih, “Moab bawsietna pathum leiin, anih, pali leiin, a hremna sukbo naw ning; Edom lal ruhai chu chinai ang hiela a raw leiin,

ZEPHANIA 2:10

Sipaihai Lalpa mihai chunga chun anni chu an insuklienin, anni chu an lo hrilsiet ta leiin hi thil hi an chapopui dingin an hmu ding a nih.

JOSUA 5:9

Chun, Lalpain Josua kuomah, “Vawisûn hin Aigupta mihai hmusitna cheu hi kân hlum hmang tah,” a ta. Chuongchun, chu hmun chu tu chen hin Gilgal an lo ti a nih.