ZEPHANIA 2:3 - Pathien Lekhabu Inthieng (BSI)

³ Nangni a rorêlnahai anga thawtu, hnuoi chunga zainêm po pohai, Lalpa chu zawng ro; felna chu zawng unla, zainêmna chu zawng ro; Lalpa lunginsenna nia chun thupa in um theina dingin.

ZEPHANIA 2:3 ပူးပေါင်းရင်းမြစ်များ

2 SAMUEL 12:22

Chun, ama chun, “Naupang kha a la dam lai khan bu dâm ka ngheiin ka ṭap luo a, ‘Naupang chu a dam theina dingin Lalpa chun a mi lunginsiet rawi mawh, tuin am hrieng ei ta?’ ka ti a na.

INPÂKNA HLABU 105:4

Lalpa le a hrâtna chu zawng unla, A hmêl chu zawng rawp ro.

INPÂKNA HLABU 149:4

Lalpa chu a mihai chungah a lâwm si hlak a, Thuhnuoirawlhai chu sandamin sukmawi a tih.

INPÂKNA HLABU 22:26

Thuhnuoirawlhai chun fâng an ta, tlai an tih: Ama zawngtuhai chun Lalpa chu inpâk an ta, An lungril chu kumkhuoin hringin um raw se.

INPÂKNA HLABU 31:20

Anni chu mihriem phiernaa inthawk chun i humhimna mithmuah thuphmang i ta, Hnuoi sêlhrâtnaa inthawk chun bûktêah sie rûng i tih.

INPÂKNA HLABU 45:4

Thutak le thuhnuoirawlna le felna leiin, I mawina inbelin, aitluongtakin sakawr chunga chuongin fe pei rawh. Chuongchun, i kut changtieng chun thil râpthlâktakhai ân chûktir ding che a nih.

INPÂKNA HLABU 57:1

Aw Pathien, mi lunginsiet rawh: Ka hringna hi nangmaa chun a hung tlulût si a: Anih, i thla hnuoia chun himna zawng ka tih, Vângduoinahai hi ân kieng hmakhat chun.

INPÂKNA HLABU 76:9

Hnuoia mi thuhnuoirawlhai po po sandam dinga, Pathien chu rorêl dinga a tho lai khan.

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

FESUOKNA 12:27

‘Aigupta mihai a sukhlum a, ei inhai a sanhim laia, Aigupta rama Israel mihai inhai fekântu, Lalpa Fekân inthawina chu a nih,’ tîng in tih,” a ti a. Mipui chun an lu an suk a, chibai an bûk ta a.

THUVARHAI 18:10

Lalpa hming chu kulbîng dettak a na, Mi fel chu chutaka chun a tlân lût a, a him hlak.

ISAI 1:17

rorêlna fel zawng unla, nêksâwrna tuorhai chu ṭhangpui unla, pa bohai chu ro rêlpêk unla, hmeithaihai chu hrilpui ro,” ti hi.

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei lovin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

JEREMIA 39:18

Sandam ngei ngei ka ti che a, kâwlhnâmah i tlu naw ding a ni si a; amiruokchu, i hringna chu nangma ta dinga sanhim nîng a tih; i ringna chu keimaa hin i sie leiin, Lalpa chun a tih,” tiin.

JEREMIA 45:5

Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭhanaw ka hung intlungtir ding a ni si a, Lalpa chun a tih; chun, i hringna ruok chu i fena tieng tiengah sanhim ka ti che,” tiin.

EZEKIEL 13:5

A âwnga chun in hang fe naw a, Lalpa nia indonaa ngîrna dingin Israel sûngkaw ta ding chun paldâi in siem bawk naw a.

HOSEA 10:12

Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, Lalpa chu a hunga in chunga felna ân sûrtir chenin Ama chu zawng hun a ni si a.

HOSEA 7:10

Israel chapona chun ama thiemnawzie ân hriettir a, Nisienlakhawm, hieng po poa khawm hin, Lalpa an Pathien tieng chu an ngha naw a, Ama chu an zawng bawk nawh,

JONA 3:9

Ei bohmang nawna dingin, Pathien chu ngha kîrin, a lungril inlêtin, a lunginsenna nasataka inthawk chun inlêt naw ni ti tuin am a hriet a?” tiin.

ZEKARIA 8:19

“Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.

MATTHAI 5:5

“Zainêmhai chu an hamṭha; hnuoi ro hi an la hluo ding a ni si a.

1 THESSALONIKA 4:1

Chuongchun, unauhai, a tâwp taka chun, in um dân ding le Pathien in suklâwm dân ding (tuta in um dân hi) kan kuoma inthawka in lâk ang khan in hau nâwk zuolna dingin Lalpa Isua chun kan ngênin kan infui cheu a nih.

1 THESSALONIKA 4:10

Makedonia ram pumpuia unau umhai po po chunga chun chu chu in thaw ngei bawk a nih: nisienlakhawm, unauhai, thaw nâwkzuol deu deu dingin kan infui cheu a nih.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 PETER 3:4

lungrila mihriem thupa um, lungril thuhnuoirawl le nuninnêm silfên se thei lova inthuom ni lem raw se, chu chu Pathien mithmu chun a hlu bêk bêk a nih.

2 PETER 3:18

Amiruokchu, ei Lalpa le Sandamtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.