ZEPHANIA 1:18 - Pathien Lekhabu Inthieng (BSI)

¹⁸ Lalpa lunginsenna nia chun an tangkain amanih, an rângkachakin amani khawm sansuok thei naw ni a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni si a.

ZEPHANIA 1:18 ပူးပေါင်းရင်းမြစ်များ

INṬANNA 6:7

Chuongchun, Lalpa chun, “Ka mihriem siem hi hnuoi chunga inthawk hin sukbohmang el ka tih, mihriem dâm, sa dâm, thilhring dâm, chunglêng vate dâm chen hin; ka lo siem ta leiin kân sîr a nih,” a ta.

1 LALHAI 14:22

Judahai chun Lalpa mithmua chun thil suol an thaw a; an puhai thilthaw po po khûma an suolnahai chun a thîkthu a chawktho pêk a.

JOB LEKHABU (THE BOOK OF JOB) 21:30

Mi suol chu suksietna nia dinga khêk a na, Ṭhuoihmangin an um a, lunginsenna nia dingin.

JOB LEKHABU (THE BOOK OF JOB) 3:15

Annawleh, lal nau rângkachak neituhai, An inhai tangkaruoa suksiptuhai le chun.

INPÂKNA HLABU 78:58

An hmun insânghaiin ama chu an suklungsen hlak si a, An milim siemhaiin an inthîktir bawk a.

INPÂKNA HLABU 79:5

Aw Lalpa, ieng chen am i lunginsen kumkhuo ding a na? I thîkna chu mei angin a chawk ding am a nih?

THUVARHAI 11:4

Lungsen nia chun hausakna chu a ṭhahnem chuong naw a, Felna ruok chun thinaa inthawkin a sansuok.

THUVARHAI 18:11

Mi hausa hausakna chu a khawpui dettak a na, Ama ngairuotnahaia ngei chun bang insâng ang a nih.

ISAI 1:24

Chuleiin, Lalpa, Sipaihai Lalpa, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêlmahai chungah phuba lâng ka tih:

ISAI 10:17

Chun, Israelhai êntu chu mei dingin nîng a ta, an Mi Inthieng chu meichawk dingin ni bawk a tih: chu chun ni khat thilah a hlohlingneihai le a buorhai chu sukkângin sukbohmang a tih, hmawlin thing ni lo mihriem ân let lem ang elin maw!

ISAI 10:3

Chuongchun, an hung kan nia cheu le hlataka inthawka râusanna hung tlung dinga inthawk ieng am thaw tâng in ta le? Ṭhangpuina hniin tu kuom âm tlân tâng in ta le? In ropuina chu khâw lai am mâksan tâng in ta le?

JEREMIA 7:20

Chuleiin, Lalpa Pathien chun hieng hin a tih: Ngai ta, ka lunginsenna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thinghai chunga le, hnuoia rahai chunga chun; chun, kâng a ta, ṭhel ni ngai naw ni.

JEREMIA 7:34

Chun, Juda khawpuihaia inthawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni si a.

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

EZEKIEL 16:38

Chun, nuhmei inneina dân bawse le, mâni nau thisen insuo chunga rorêl angin i chungah rorêl ka tih; i chunga chun îtthîkna le lunginsenna thisen chu hung intlungtir ka tih.

EZEKIEL 23:25

I chunga chun ka îtthîkna chu sieng ka ta, i chunga chun lunginsen pumin thâwng an tih; i hnâr le i nâhai chu la hmang an ta; i la mahlahai chu kâwlhnâmah tlûng an tih; i naupasalhai, i naunuhmeihai chu lâng an ta, i la mahlahai chu meiin kâng hmang vawng a tih.

EZEKIEL 7:11

Thawluinaa inthawkin rîtlona hmawl a hung suok a, a tu el khawm um sawng thei naw ni a, an mipuihai khawm, an hausaknahai khawm; anni lai chun a ṭhabik ti khawm um naw nih.

EZEKIEL 7:19

An tangkahai chu kawtthlêrhaia chun dehâwn an ta, an rângkachakhai khawm chu thil thieng naw ang hung nîng a tih; an tangka le rângkachak chun Lalpa lunginsenna nia chun anni chu sansuok naw ni a; an lungril chu suktlaiin, an phîng khawm chu sukkhawp bawk naw ni hai, an suolnaa tlûkna lung a ni tâk leiin.

EZEKIEL 7:5

“Lalpa Pathien chun hieng hin a tih; Thil ṭha naw, ṭha naw tak meu; en ta a hung a nih.

ZEPHANIA 1:11

Nangni Maktes hmuna chênghai, inrûm inrûm ro; Kanaan sumdâwngtuhai po po chu hmangna bo an ni ta a, tangkaruo bûk hlaktuhai po po khawm chu sukbohmang an ni ta si a.

ZEPHANIA 1:15

Chu ni chu lunginsenna ni, buoina le rinumna ni a na, sietna le sukrêmna ni, inthimna le lungzîngna ni, sûm zîngna le inthim sâmup ni,

ZEPHANIA 2:2

thupêk chu lâk suok a ni hma hin, busi anga ni chu a liem el hma hin, in chunga Lalpa lunginsenna ṭiumtak a hung tlung hma ngei hin, in chunga Lalpa lunginsenna a hung tlung ni hma ngei hin.

ZEPHANIA 3:8

Lalpa chun, “Chuleichun, kei mi nghâk unla, râllâk la dinga ka ngirsuok ni chen chu. Ka lungawinawna ṭium tak le ka lunginsenna nasatak chu bun khum dinga, ramhai ka kei khâwmnaah chun hnamhai ṭhuoi khâwm chu ka thiltum a ni si a; leihnuoi hluo po po chu ka îtthîkna mei chun a kânghmang ding a ni si a.

MATTHAI 16:26

Mîn khawvêl hi a pumin nei sien, ama hringna chân si sienla, a ta dingin ieng am ṭhahnem a ta? Annawleh, mîn a hringna sikin ieng am pêng a ta?

1 KORINTH 10:22

Annawleh, Lalpa chu thîk dingin chawk tho ei tum a ni maw? Ama nêkin ei hrât lem am a nih?

DÂN PAHNINA 31:17

Chu pha chun an chungah ka lung chawk a ta, nghatsan ka ta, inbîksan ka tih, bohmang an ta, thil ṭha naw le lunginzîngna tamtak an chungah tlung a tih; chuongchun, chu ni chun, ‘Ei Pathien eini lai a um naw leiin hieng thil ṭha naw ei chungah a hung tlung a ni naw am a nih?’ tîng an tih,