ZEPHANIA 1:17 - Pathien Lekhabu Inthieng (BSI)

¹⁷ Chuongchun, mihriemhai chunga chun rinumna intlungtir ka ta, Lalpa chungah thil an lo suksuol ta leiin mitdelhai angin lâwn an ta, an thisen chu pilvut anga bunthlâk nîng a ta, an taksahai chu êk ang elin.

ZEPHANIA 1:17 ပူးပေါင်းရင်းမြစ်များ

INPÂKNA HLABU 83:10

Chuong mihai chu Endor khuoah an bohmang a, Hnuoi dingin êkdûr ang el an lo ni ta kha.

ISAI 29:10

Lalpa chun îmu hêna thlarau chu in chungah a buok a, in mit, zâwlneihai chu, ân sîmtir a; in lu, hmutheituhai chu, ân khum ta si a.

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

JEREMIA 10:18

Lalpa chun hieng hin a ti si a: Hieng ang huna hin ram hluotuhai chu the suok ka ta, an tuorna dingin anni chu sukrinum ka tih.

JEREMIA 15:3

Chun, an chunga tlung dingin thil chi li ruot ka ta; Lalpa chun a tih: kâwlhnâm chu sukhlum dingin, uihai chu keinawitu dingin, chun, chunglêng vatehai le hnuoia ramsahai chu fa zotu ding le suksetu dingin.

JEREMIA 18:21

Chuleiin, an thlahai chu ṭâm kuoma chun pe la, anni chu kâwlhnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 2:17

Lampuia chun a ṭhuoi lai chea, Lalpa i Pathien i nghatsan khan, hi hi nang chun i nei tlat ni lo am a nih?

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 4:18

I thilthawhai le i lampui chun hieng thilhai hi ân neitir che a ni hi; hi hi i khawhlona chu a nih: khâk khawm a kha si a; i lung chen a tlung ta si a.

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

ṬAP HLA 1:14

Ka bawsietnahai chu rîngkawlah a khitde a, Ama kuthai ngeiin a khit têl a; Ka rîngah ân bâttir a, ka hrâtna a châu ta a, Ka ido zo lohai kutah Lalpa chun a mi pêk ta a.

ṬAP HLA 1:18

Lalpa chu a fel a nih; a thupêk dodâlin ka hel si a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâlhai chu salah an fe ta a.

ṬAP HLA 1:8

Jerusalem chu lungngaithlâktak elin a lo suol ta a; chuleiin, thil thieng naw ang a hung ni ta a; A saruokna chu an hmu leiin, ama lo inza hlaktuhai po po khawm khan an hmusit ta a; Anih, ân rûm a, nawtieng a ngha a.

ṬAP HLA 2:21

Mi a naupang le upa khawm chu kawtthlêra chun hnuoiah an zâl a; Ka nunghâkhai le ka tlangvâlhai chu kâwlhnâmah an tlu a; I lunginsenna nia chun anni chu i sukhlum a, Anni chu i that a, i lunginsiet naw a,

EZEKIEL 16:38

Chun, nuhmei inneina dân bawse le, mâni nau thisen insuo chunga rorêl angin i chungah rorêl ka tih; i chunga chun îtthîkna le lunginsenna thisen chu hung intlungtir ka tih.

EZEKIEL 24:7

A thisen chu ama sûnga chun a um si a, lungpui ruok chunga chun ân suo a; pilvuta zuk vurkhum theina ding, leihnuoi chunga chun a bunthlâk si naw a.

EZEKIEL 24:8

Phuba la dinga hung tlung dinga lunginsenna chu ân umtir theina dingin, a thisen chu lungpui ruok chunga chun kân suo a, inkhum a ni nawna dingin.

AMOS 4:10

“Aigupta ram angin nangni lai hripui ka tir a, kâwlhnâmin in tlangvâlhai chu ka that ta a, in sakawrhai ka ṭhuoi hmang tah a nih; chun, in sipai hmun rimsie chu hnâra innam khawpin kân umtir a, chuong khawm chun ka kuomah in hung kîr nawh,” Lalpa chun a tih.

MIKA 7:13

Chuong sa khawm chun ram chu a sûnga chênghai le a thilthaw ra lei chun râusan nîng a tih.

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si naw a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:7

Iengtin am ni tâng a ti leh? Israel mihai chun an zawng chu an hmu naw a; Thlanghai ruok chun an hmu a, a danghai po po chu an ngawng zo ta a.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

2 PETER 1:9

Tûkhawm chuong thil nei naw chu mitdel a na, hnaitaka mi chau a hmu thei a, hi hmaa a suolhai sâwpfai pêkna chu a theinghil ta si a.

1 JOHAN 2:11

Mâni unau theidatu ruok chu inthimah a um a, inthimah ân vâk bawk a nih; inthimin a mit a sukdel ta leiin a fena khawm a hriet ngai nawh.

THUPUONGSUO 3:17

‘Ka hausa a, sum ka hau a, iengkhawm ka tlasam nawh,’ i ti lei le, nang mi rimsi, lungsietum, pasie, mitdel, saruok chu i ni ti în hriet naw leiin,