ZEPHANIA 1:15 - Pathien Lekhabu Inthieng (BSI)

¹⁵ Chu ni chu lunginsenna ni, buoina le rinumna ni a na, sietna le sukrêmna ni, inthimna le lungzîngna ni, sûm zîngna le inthim sâmup ni,

ZEPHANIA 1:15 ပူးပေါင်းရင်းမြစ်များ

ISAI 13:9

Ngai ta, ram sukbohmang ding le chutaka mi suolhai chu a sûnga inthawka sukbohmang dingin Lalpa ni chu nasatakin lunginsenna le lunginthakna nasatak leh a hung tlung ding a nih.

ISAI 22:5

Lalpa, sipaihai Lalpaa inthawk chun, inlârna ruoma hin buoina le sirdena le lunginzîngna ni a ni si a; kulpui bang suksietna le tlânghai kona chu.

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 30:7

Ahei, chu ni chu a ropui si a, chu ang hrim chu a um naw a, Jakob buoina hun ngei chu a ni el a nih; nisienlakhawm, chutaka inthawk chun sansuokin um a tih.

JOEL 2:11

Lalpa chun a sipai ruolhai hmaa chun râwl ân suo a, a riebûkhai chu a ropui hle si a; a thu muolsuotu chu a hrât hle si a. Lalpa ni chu a ropuiin a râpthlâk êm êm si a; tuin am tuor thei a ta?

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasatak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

JOEL 2:31

Nisa inthimin inchang a ta, thla chu thisenah inchang a ta, Lalpa ni ropuitak le râpthlâktak chu a hung tlung hma chun.

ZEPHANIA 1:18

Lalpa lunginsenna nia chun an tangkain amanih, an rângkachakin amani khawm sansuok thei naw ni a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni si a.

ZEPHANIA 2:2

thupêk chu lâk suok a ni hma hin, busi anga ni chu a liem el hma hin, in chunga Lalpa lunginsenna ṭiumtak a hung tlung hma ngei hin, in chunga Lalpa lunginsenna a hung tlung ni hma ngei hin.

MATTHAI 24:29

“Nisienlakhawm, chuong ni rinum zo phingle chun, nisa inthimin um a ta, thla var ta naw ni a, vâna arasihai hung tlâng an ta, vân thilthawtheinahai chu sukhnîngin um a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

DÂN PAHNINA 28:52

In ram po poa in ringpui, in kul insânghai a chim chenin in kul kawtkhâr po poah inhuol an ti cheu, Lalpa in Pathienin a pêk cheu in ram po poa in kul kawtkhâr po poah inhuol an ti cheu.

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.

THUPUONGSUO 6:17

an lunginsenna ni ropuitak chu a hung tlung ta hi; chuongchun, tu am ngîr thei an ta?” an ti a.