ZEPHANIA 1:14 - Pathien Lekhabu Inthieng (BSI)

¹⁴ Lalpa ni ropuitak chu a hnai ta a, Lalpa ni ri ngei chu a hnai ta a, a tlung ṭêp ân tah; chu huna chun mi thilthawtheitak chu rinumtitakin a khêk a nih.

ZEPHANIA 1:14 ပူးပေါင်းရင်းမြစ်များ

ISAI 15:4

Chun, Hesbonhai khawm chu an khêk a, Eleale mihai leh; an râwl chu Jahaz khuo chen khawma an lo hriet a; chuleiin, Moab mihai râlthuoma inthuomhai chu inringtakin an khêk a; an hringna chu an phîng sûnga chun ân thin a.

ISAI 33:7

Ngai ta, an pasalṭhahai chu tuoltieng an khêk a, inremna palaihai chu an ṭap an ṭap a.

ISAI 66:6

Ngai ro, khawpuia sa mur mur ri chu! biek ina ri a ni chu! a hmêlmahai thungtu Lalpa ri a ni chu!

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 25:36

Berâmpuhai khêk râwl ri le ran ruol hotuhai inrûm ri chu! Lalpa chun an ran tlatna hmunhai chu a suksiet ta si a.

JEREMIA 30:7

Ahei, chu ni chu a ropui si a, chu ang hrim chu a um naw a, Jakob buoina hun ngei chu a ni el a nih; nisienlakhawm, chutaka inthawk chun sansuokin um a tih.

JEREMIA 46:5

Iengtizie am an ta le? An beidawng zo a, an hnungtawl ta a; an mi hrâthai chu hnein an um a, an tlân dar a, hnungtieng an ngha ta nawh; ṭium chu sîr tinah a um a nih, Lalpa chun a tih.

JEREMIA 48:41

Kerioth chu lâkin a um a, kul dethai chu maktiin an um a; chu ni chun Moab mi thilthawthei lungril chu nuhmei na tuor lai lungril ang nîng a tih.

EZEKIEL 12:23

Chuleiin, an kuoma chun hril la, Lalpa Pathien chun hieng hin a tih, ‘Hi thuvar hi suktâwp ka ta, Israel rama chun thuvarah hmang ta naw ni hai; amiruokchu, an kuoma chun hril la; thilhmulâwk thu tin tlungna chu a hnai tah,’ tiin.

EZEKIEL 30:3

Ni chu a hnai a, Lalpa ni chu a hnai ta si a; Sûm zingna ni, Hnamhai sietna ni chu nîng a tih.

EZEKIEL 7:12

A hun chu a hung tlung a, a ni chu a hung hnai tah; inchawtu chu hlim naw sienla, a zawrtu khawma pawiti bawk naw raw se; mi po po chungah lunginsenna chu a um si a.

EZEKIEL 7:16

Nisienlakhawm, chutaka lo suokthleng chu suokthleng an ta, vaṭhu angin tlângahai chun um an ta, an rêng el chun sûn an tih, mi tinin mâni suolna seng chu.

JOEL 1:15

Chu ni chu a chung a rik ie! Lalpa ni chu a hnai ta si a, Iengkimthawtheia inthawka bohmangna ang hung tlung a tih.

JOEL 2:1

Ziona chun tawtawrâwt mût unla, ka tlâng inthienga chun inrâlringna sukri ro, hi ram sûnga mi po pohai chu inthin raw se; Lalpa ni chu a hung tlung mêk a, a hnai ta si a;

JOEL 2:11

Lalpa chun a sipai ruolhai hmaa chun râwl ân suo a, a riebûkhai chu a ropui hle si a; a thu muolsuotu chu a hrât hle si a. Lalpa ni chu a ropuiin a râpthlâk êm êm si a; tuin am tuor thei a ta?

JOEL 2:31

Nisa inthimin inchang a ta, thla chu thisenah inchang a ta, Lalpa ni ropuitak le râpthlâktak chu a hung tlung hma chun.

JOEL 3:14

Mipuihai, thusukthlûkna kâwna mipui um mur murhai! Lalpa ni chu thusukthlûkna kâwna chun a hnai ta si a.

JOEL 3:16

“Chun, Lalpa chu Zion tlânga inthawkin inrûm dur dur a ta, Jerusalema inthawkin a râwl insuong a ta; vân le hnuoi inhnîng an ta; nisienlakhawm, Lalpa chu a mihai ta dingin inhumhimna nîng a tih, Israel mipuihai ta dingin kulbîng nîng a tih.

AMOS 8:2

Chun, ama chun, “Amos, ieng am i hmu a?” a ta. Keiin, “Nisapuithei bâwm,” ka ti a. Chun, Lalpa chun ka kuomah, “Ka mi Israelhai chungah tâwpna a hung tlung tah; anni chu khêl nâwk ta naw ning,” a ta.

ZEPHANIA 1:10

Chun, chu ni chun nga kawtkhâra inthawk chun khêk ri nasatak um a ta, muolhaia inthawka kawihâwp ri nasatak le Misneha inthawka ṭap inrûm ri nasatak um bawk a tih, Lalpain a tih.

ZEPHANIA 1:7

Lalpa Pathien hmaihmaa chun to ṭhiep unla, Lalpa ni chu a hnai ta hle si a: Lalpa chun inthawina chu a buotsai ta a, a mikhuolhai khawm chu a hlânthieng ta si a.

MALAKI 4:5

Ngai ta u, Lalpa hungna ni ṭium- tak le nasatak hma ngei chun zâwlnei Elija chu hung tirpêk ka ti cheu.

THILTHAWHAI 2:20

Nisa inthimin inchang a ta, Thla thisenin inchang a ta, Lalpa ni ropuitak le hming inthangtak chu A hung tlung hma chun;

PHILIPPI 4:5

Lalpa chu a hnai a, ienga khawm lunginzing naw ro.

1 THESSALONIKA 4:16

Lalpa ngei chu khêkri leh, vântirko chunghnungtak râwl leh, Pathien tawtawrâwt ri leh, vâna inthawkin a hung ṭum ding a ni si a; chun, Kristaa thi tahai chu tho hmasâng an tih.

HEBRAIHAI 12:26

Chu lai chun a râwl chun hnuoi hi a sukhnîng a, nisienlakhawm, tuhin chu, “Vawi khat chu hnuoi chau ni lovin, vân khawm la sukhnîng ka tih,” tiin a tiem ta lem a.

JAKOB 5:9

Unauhai, thiemnaw changa in um nâwna dingin inchier khum naw ro; ngai ta u, rorêltu chu kawtkhâr bulah a ngîr zing a nih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.