ZEPHANIA 1:13 - Pathien Lekhabu Inthieng (BSI)

¹³ Chuongchun, an hausaknahai chu râllâk sum ang hung nîng a ta, an inhai chu râusan hung nîng a tih: anih, inhai chu bâwl hlak an ta chu, a hluo ruok chu hluo ngai naw ni hai a, grêphruihai khawm phun an ta, nisienlakhawm, chutaka a uoin chu dâwn dêr naw ni hai.

ZEPHANIA 1:13 ပူးပေါင်းရင်းမြစ်များ

ISAI 6:11

Chun, kei chun, “Lalpa, ieng chen am nîng a ta?” ka ti a. Chun, ama chun a hril a, “Khawpuihai mihriem um lova inram a na, inhai hluotu um lovin a ṭîek a, râusana a um vawng a,

JEREMIA 15:13

I ramrihai po poa chun, i suolhai po poa ding chun, i thuomhnaw le i rohai chu man boa râllâk sum dingin pêng ka tih.

JEREMIA 17:3

Aw rama ka tlâng, i thuomhnawhai le i rohai chu i bâwlhmunhai le, i ramri sûng po poa i suolna lei chun râllâk sumah ka pêk ding a nih.

JEREMIA 4:20

Bohmangna chungah bohmangna a tlung a; ram pumpui chu suksiet a ni ta si a, chawmkhat kârin ka puon inhai chu suksiet an na, mitkhap kâr lovin ka puonzârhai khawm chu.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 5:17

Anni chun i lohma suok le i bu fâng an ta, i naupasalhai le i naunuhmeihai fâk ding ngei chu; berâm ruolhai le i bâwng ruolhai chu fa zo vawng an tih; i theichang kûng hai le i grêphruihai chu fa zo an ta, i khawpui kulneihai kâwlhnâm le i în hnêmnahai chu sukchim an tih.

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

JEREMIA 9:19

Ziona inthawk chun ṭapinrûm ri chu hriet a ni si a; Ei siet nasat tâkzie chu! ram chu ei nghatsan a, ei chêngnahai chu an sukchim tâk leiin nasataka sukbuoiin ei um a.

ṬAP HLA 5:2

Kan rochan chu hnam danghai taah ân chang a, Kan inhai chu ram dang mihai kuomah.

EZEKIEL 22:31

Chuleiin, ka lunginsenna chu an chunga chun ka bunthlâk a, ka lunginsenna mei chun anni chu ka kâng hmang ta a; an lampuihai chu anni lu chunga ngei chun ka hung intlungtir ta a, Lalpa Pathien chun a tih,” tiin.

EZEKIEL 7:19

An tangkahai chu kawtthlêrhaia chun dehâwn an ta, an rângkachakhai khawm chu thil thieng naw ang hung nîng a tih; an tangka le rângkachak chun Lalpa lunginsenna nia chun anni chu sansuok naw ni a; an lungril chu suktlaiin, an phîng khawm chu sukkhawp bawk naw ni hai, an suolnaa tlûkna lung a ni tâk leiin.

EZEKIEL 7:21

Man dingin ramdang mihai kutah pêng ka ta, mi rilohai kuomah râllâk dingin; chuongchun, sukpawrchêng an tih.

EZEKIEL 7:24

Chuleichun, awi naw mi ṭha nawtakhai chu hung ṭhuoi ka ta, an inhai chu neipêk an tih; mi hrâthai chapona chu suktâwp bawk ka ta; chun, an hmun inthienghai chu sukpawrche nîng an tih.

AMOS 5:11

Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

MIKA 6:15

Chîng chu chîng i ta, sîk naw ti ni, oliv rahai chu sirsâwr i ta, nisienlakhawm, a hriek chu nâl naw ti ni; grêp ra chu sâwr la khawm, a uoin chu dâwn naw ti ni.

ZEPHANIA 1:9

Chun, chu ni chun hlêmna le nunsietna leia an hotuhai in suksip hlaktuhai, hrizâwl chunga inchâwm hlakhai chu hrem bawk ka tih.

DÂN PAHNINA 28:30

Nuhmei huol in ta, mi dangin zâlpui an tih; in bâwl in ta, hluo ruok chu hluo naw ti niu; grêp huon siem in ta, a ra chu sawr naw ti niu.

DÂN PAHNINA 28:39

Grêp huon siem in ta, enkawl in ta, nisienlakhawm, a uoin chu dâwn naw ti niu a, grêp chu lo bawk naw ti niu, a ngêin a fâk zo ding a nih.

DÂN PAHNINA 28:51

“Chun, in ran ruol punghai, in hnuoi rahai dâm, sukram in ni hmakhat chu fâng an ta, bu dâm, uoin dâm, hriek dâm, in bâwng punghai dâm, in berâm ruol têhai chu hlapêk naw ni hai cheu; in siet letdêr chenin.