ZEPHANIA 1:1 - Pathien Lekhabu Inthieng (BSI)

¹ Juda lal Amon naupa Josia inlal laia, Hezekia naupa Amaria, chu naupa Gedalia, chu naupa Kusi naupa Zephania kuoma Lalpa thu hung tlung chu.

ZEPHANIA 1:1 ပူးပေါင်းရင်းမြစ်များ

2 LALHAI 21:18

Chun, Manasse chu a pi le puhai kuoma chun a in a, Uzza huona ama in bul huonah an phûm ta a; chuongchun, a naupa Amon chu ama aiawin ân lal ta a.

2 LALHAI 21:26

Chun, Uzza huonah ama thlânah an phûm a, chun, a naupa Josia chu ama aiawin ân lal ta a.

2 CHANCHIN SUINA 33:20

Chuongchun, Manasse chu a thlatuhai lai a in ta a, ama ina ngei chun an phûm ta a, a naupa Amon chun ama aia chun ro a rêl ta a.

JEREMIA 1:2

Ama kuoma chun Juda lal Amon naupa Josia hun lai, a rorêl a kum sâwm le pathum kum chun Lalpa thu chu a hung tlung a,

JEREMIA 22:11

Juda lal Josia naupa Sallum a pa aia rorêla, hi hmun mâksantu chungthua chun Lalpa chun hienghin a ti si a:

JEREMIA 25:3

“Juda ram lal Amon naupa Josia inlal kum sâwmpathum kuma inthawka vawisûn ni chen hin, hi kum sâwmhni pathum sûng hin Lalpa thu chu ka kuomah a hung tlung hlak a; chun, in kuoma chun ṭhahnemngaitakin ka lo hril hlak cheu a; amiruokchu, in awi ngai naw a.

EZEKIEL 1:3

Kebar vadung panga Kaldaihai rama chun, Buzi naupa thiempu Ezekiel kuoma chun Lalpa thu chu fietakin a hung tlung ta a; chutaka chun ama chunga chun Lalpa kut chu a um a.

HOSEA 1:1

Juda lalhai Uzzia, Jotham, Ahaz le Hezekia inlal lai le Israel lal Jeroboam, Joas naupa inlal laia Beeri naupa Hosea kuoma Lalpa thu hung tlung chu.

2 TIMOTHE 3:16

Pathien Lekha Thu tinrêng hi Pathien inthuok khuma pêk a ni a; inchûktir kawnga dâm, thiemnaw inchangtir kawnga dâm, kâwk kawnga dâm, felna inchûktir kawnga dâm a ṭhahnem bawk a nih;

2 PETER 1:19

Chun, hrillâwkna thu det nâwkzuol chu kan nei a nih, khuo a hung var a, sikhawvar chu in lungrila a hung suok hmakhat, hmun inthima khâwnvar var ngaisak anga in ngaisak chun thaw ṭhang in tih.