ZEKARIA 9:9 - Pathien Lekhabu Inthieng (BSI)

⁹ Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

ZEKARIA 9:9 ပူးပေါင်းရင်းမြစ်များ

1 LALHAI 1:38

Chuongchun, thiempu Zadok hai, zâwlnei Nathan hai, Jehoiada naupa Benaia hai, Kereth mihai, Peleth mihai chu an zu fe a, Solomon chu David sabengtung chunga chun an inchuongtir a, Gihon hmuna chun an ṭhuoi a.

INPÂKNA HLABU 149:2

Israelhai chu anni siemtu chunga chun lâwm hai sienla, Zion nauhai chu an Laltak chunga chun hlim raw hai se.

INPÂKNA HLABU 2:6

“Keima ngeiin ka tlâng inthieng Ziona chun, Ka lal siem chu kân ṭhungtir tah a nih” a ti a.

INPÂKNA HLABU 45:1

Ka lungril hi thil ṭhain a liem zar zar a; Laltak chungchâng thua ka thil phuok chu ka hril ding a nih: Ka lei hi lekhaziek thiemtak kawlawm a nih.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 30:6

Sim rama sahai phurrik chu. Lunginzîngna le thlaphângna ram, sakeibakneipui le sakeibakneichal, rûlhmuk le rûl chawk vuong thei suokna ram chu, an sum chu sabengtungte chunga dâm, an rohai chu sanghâwngsei zângpâwngahai chun phurin an ta dinga ṭhathnemna nei naw mihai kuoma pêk dingin, an fe tlâng duol duol a.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 43:11

Kei, keima ngei hi, Lalpa chu ka nih; keima naw chu sandamtu hrim hrim an um nawh.

ISAI 43:3

Kei hi Lalpa in Pathien Israelhai Mi Inthieng, nangni sandamtu ka ni si a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei Lalpa hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

ISAI 52:7

Tlângahai chanchin ṭha intluna, in- remna thu khêkpuia, thil ṭha chanchin ṭha intluna, sandamna thu khêkpuia, Zion kuomah, “I Pathien chu lalah a ṭhung,” tituhai ke chu a va mawi de!

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 62:11

Ngai ta u, Lalpain leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

JEREMIA 30:9

amiruokchu, Lalpa an Pathien rawng le, an lal David an kuoma ka tungding ding chu a rawng bâwl lem tâng an tih.

EZEKIEL 21:32

Nang chu meia thingthu ding chau ni tâng i ta; i thisen chu rama chun um a ta; nang chu hriet zing ni ta bawk naw ti ni, kei Lalpa hin ka hril ta si a,” tiin.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

MIKA 4:8

Aw nang, ran ruol kul, Zion naunu umna tlâng, i kuomah hung tlung a tih: anih, inlalna hmasa chu hung tlung a tih, Jerusalem naunu inlalna chu.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

ZEKARIA 2:10

Aw Zion naunu, hlim la, hla sak rawh, en ta, ka hung mêk a, nangni lai chun ka chêng ding a ni si a, Lalpa chun a tih.

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

MATTHAI 2:2

“Judahai lal hung pieng chu khâwlai am a um a? A arasi khawsak tieng kan hmu a, ama chibai bûk dingin kan hung a nih,” an ta.

MARKA 11:7

Chun, sabengtungte chu Isu kuomah an hung kei a, a chunga chun puonhai an pha a; chuongchun, a chungah a chuong ta a.

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 19:15

Chun, anni chu an khêk a, “Sukbohmang rawh, sukbohmang rawh, krawsah hemde rawh,” an ta. Pilatin an kuomah, “In lal hi krawsah hemdêng ka ti maw?” a ta. Thiempu Lalhaiin, “Kaisar naw chu lal dang kan nei nawh,” an ta, an dawn a.

RORELTUHAI 10:4

Ama chun naupasal sâwmthum, sabengtungte sâwmthum chunga chuong hlak mi a nei a, chun, Gilead rama chun khaw sâwmthum an nei a, chuong chu tu chen hin Havvoth-jair an tih.