ZEKARIA 9:7 - Pathien Lekhabu Inthieng (BSI)

⁷ A thisen chu a baua inthawkin le a tirdakumna chu a hahai kâra inthawkin la hmang ka ta; ama khawm chu ei Pathien ta dinga a la um sun hung nîng a tih; Judaa chun lal hung nîng a ta, Ekron mihai chu Jebus mi ang hung nîng an tih.

ZEKARIA 9:7 ပူးပေါင်းရင်းမြစ်များ

1 CHANCHIN SUINA 1:14

Chun, Jebus mihai, Amor mihai, Girgas mihai;

1 CHANCHIN SUINA 21:15

Chun, Pathien chun sukse dingin Jerusalema chun vântirko a tir a; chuonga a suksiet ding lai tak chun Lalpa chun a hmu a, thil ṭha naw thaw a tum chu ân kîr a; chuongchun, a suksetu ding vântirko kuoma chun, “A hun tah, i kut tuhin chel hri rawh,” a ta. Chun, vântirko chu Jebus mi Ornan hrizâwla chun a ngîr ta zing a.

INPÂKNA HLABU 3:7

Aw Lalpa, tho la, aw ka Pathien; mi sandam rawh! Ka hmêlmahai po po bekbawra chun i benpêk tâwl ta si a; Mi rilohai hahai chu i suktlam a.

INPÂKNA HLABU 58:6

Aw Pathien, an baua chun an hahai chu suktlam la, Aw Lalpa, sakeibaknei vânglaihai ha lientak takhai chu khel dawk la,

ISAI 65:4

thlân laiahai ṭhunga, hmun fienrielhaia riek hlakhai, vawk sa faa, an bêlhaia thil tirdakumhai tuihâng um hlakhai,

JEREMIA 48:47

Nisienlakhawm, Moab sal intângna chu nakie tieng niahai chun la hung la kîr nâwk ka tih, Lalpa chun a tih”tiin. Moab chunga rorêlna chu chuong chen chu a nih.

JEREMIA 49:39

Amiruokchu, ni nuhnungahai chun hieng hi hung nîng a ta; Elam sal intângna chu hung la kîr nâwk ka tih, Lalpa chun a tih”tiin.

JEREMIA 49:6

Nisienlakhawm, Ammon mihai sal intângna chu hung la kîr nâwk ka tih, Lalpa chun a tih”tiin.

AMOS 3:12

Lalpa chun hieng ang hin a tih. “Berâmpu chun sakeibaknei baua inthawkin ke pahni amanih, nakâwr hlek amanih a sansuok angin, chuong angin Samari khuoa khum kila le khum tuktulungêk puon phan lukham chunga Israel nau umhai chu sansuok a tih.

ZEKARIA 8:23

Sipaihai Lalpa chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet si a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

ZEKARIA 9:6

Asdoda chun hnam inthlapawl chu chêng an ta; Philistin mihai chapona chu sât thlâng ka tih.

ZEKARIA 9:8

Chun, sipai râl vêng pâwl angin ka in vêla chun umnghâng ka ta, tukhawm fe thlengin kîr naw ni hai a; nêksâwrtuhai khawm fe thleng nâwk ta ngai hrim hrim naw ni hai, tuhin keia mit ngeiin ka hmu ta si a.

GALATI 3:28

Chutaka chun Juda mi an um thei naw a, Grik mi khawm an um thei bawk nawh; suok an um thei naw a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni si a.