ZEKARIA 9:17 - Pathien Lekhabu Inthieng (BSI)

¹⁷ A ṭhatna chu a va nasa lâwm lâwmin, a mawina chu a va nasa lâwm lâwm de aw! bu chun tlangvâlhai chu sukhlim a ta, uoin thar chun nunghâkhai chu sukhlim a tih.

ZEKARIA 9:17 ပူးပေါင်းရင်းမြစ်များ

INPÂKNA HLABU 144:12

Ei naupasalhai an tleirâwl a, thing inno anga an um a, Ei naunuhmeihai khawm lal in um dâna a kia lung sut anga an um pha:

INPÂKNA HLABU 145:7

I ṭhatna ropuitak an hriet zing chu hril an ta, I felna thu hi hlimtakin hlain sak an tih.

INPÂKNA HLABU 27:4

Lalpa kuomah thil pakhat ka hni a chu mawl chu zawng ka tih, Lalpa mawizie hmu ding le a biekina thu indawn dingin, Ka dam sûng poa Lalpa ina ka um zing theina ding chu.

INPÂKNA HLABU 31:19

Aw i ṭhatna, nangma ṭituhai ta dinga în khâwl chu a va nasa de; Mihriem nauhai mithmuha nangmaa ringna innghattuhai ta dinga i thawpêk chu.

INPÂKNA HLABU 36:7

Aw Pathien, i ngilneina chu a va hlu de! Mihriem nauhai chun i thla hnuoi an inchû hlak.

INPÂKNA HLABU 45:2

Mihriem nauhai nêk hin i hmêl a ṭha lem a, Lunginsietna hi i hmûra chun buok a nih; Chuleiin, Pathienin kumkhuoa dingin mal a sâwm che a nih.

INPÂKNA HLABU 50:2

Mawi famkimna, Ziona inthawk chun, Pathien chu a var suok ta a.

INPÂKNA HLABU 86:15

Nisienlakhawm, aw Lalpa, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

INPÂKNA HLABU 86:5

Lalpa, nang chu i ṭha a, ngaidam i pei a, A kotuhai che phawt kuomah zainêmna i hau si a.

INPÂKNA HLABU 90:17

Chun, Lalpa kan Pathien mawina chu kan chungah um raw se: Kan kut sinthaw hi kan chungah sukdet bawk la, Anih, kan kut sinthaw hi sukdet rawh.

FESUOKNA 15:11

Aw Lalpa, pathienhai lai hin nanga ang tu am an um a? Inthiengnaa ropui, thilthaw ropuihaia ṭium, Thilmakhai thaw, Nanga ang tu am an um a?

HLAHAI HLA 5:10

Ka hmangaitak chu a ngo sen sier a, Sâng sâwm laia chun a ṭha tak a nih.

HLAHAI HLA 7:9

I bau chu uoin thlumtak ang hi nih, Ka hmangaitak ta dinga luong thla ziei ziei a, A hmûrhai le a hahai chu luongkhum ang hi a nih.

ISAI 33:17

I mithai chun lal chu a mawinaa chun la hmûng a ta, ram par lientak la thlîr a tih.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnemngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

ISAI 63:7

Lalpain thil iengkima a mi vur ang peiin Lalpa zainêmzie thuhai le Lalpa inpâkna thuhai chu hril ka tih; a lunginsietnahai ang pei le a zainêmna nasatzie ang peia Israel sûnghai chunga a ṭhatna nasataka an chunga a vur thu khawm kha hril bawk ka tih.

JEREMIA 31:12

Chun, hung an ta, Zion tlâng insângna laiahai chun hla hung sak an ta; Lalpa ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

JEREMIA 31:14

Thiempuhai thlarau chu thâuin sukkhawp ka ta, ka mihai chu ka ṭhatnain tlai an tih, Lalpa chun a tih.

JOEL 2:26

Tamtak nei in ta, tlai in tih, maktaka ngaituo hlaktu cheu Lalpa in Pathien hming chu inpâk in ta, ka mihai chu muolpho hrim hrim naw ni hai.

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:20

Chun, bawsietna chu ân lang nawk zuol theina dingin Dân a hung um nâwk nghâl a. Nisienlakhawm, suol a pungna poah lunginsietna chu a pung zuol pei hlak;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:8

Nisienlakhawm, Pathien chun a mi hmangaina chu inpâk tlâkin ân langtir a, mi suolhai ei la ni laia Krista eini aia a thinaa khan.