ZEKARIA 9:15 - Pathien Lekhabu Inthieng (BSI)

¹⁵ Sipaihai Lalpa chun anni chu hliekhûng a ta; chun, fa zo an ta, vailungdêngin hnêng an ta; chun, dâwn an ta, uoin inrui angin risie siem an ta, mâichâm kilhai ang le thlêngkûmhai anga suksip nîng an tih.

ZEKARIA 9:15 ပူးပေါင်းရင်းမြစ်များ

JOB LEKHABU (THE BOOK OF JOB) 41:28

Thalhai chun ama chu a suktlân thei naw a, Saihlumhai khawm chu ama kuoma chun pâwlbul ang a nih.

INPÂKNA HLABU 78:65

Chuong lai chun Lalpa chu,mi an in an har angin, a har ta a, Mi hrât uoin leia khêk ang hin.

FESUOKNA 27:2

A kil pali chunga chun kihai siem i ta, chu kihai chu ama le chun zawm khat an ni ding a nih; dârsenin inluon khum bawk i tih.

HLAHAI HLA 1:4

Mi hîp la, i hnungah hung tlân kan tih: Lal chun a pindanhaia chun a mi ṭhuoi a; Nangmaa chun hlimin lâwm kan tih; Uoin nêk chun i hming chu hung hril lem kan ta; An hmangai takzet che a nih.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Aw ruolhai, fa ta u, Dâwn unla, dâwn ṭeu ro aw hmangaitak.

HLAHAI HLA 7:9

I bau chu uoin thlumtak ang hi nih, Ka hmangaitak ta dinga luong thla ziei ziei a, A hmûrhai le a hahai chu luongkhum ang hi a nih.

ISAI 37:35

Keima le ka siehlaw David leiin hi khawpui hi sanhim dingin ka hum ding a nih’ tiin,” a ti a.

ISAI 55:1

Hung ta u, dangchâr taphawthai, tuiahai hin hung ro, tangka nei nawhai khawm hung unla, inchaw unla, fa ro; anih, hung unla, uoin le nênetui tangka pe lovin, a man khawm pe lovin inchaw ro.

LEVI DÂN 4:18

Chun, thisen aṭhen chu intuokna puon inah Lalpa hmaah maichâm kia chun nâl a ta, thisen la um po chu intuokna puon in kawtkhâr kâwlah pumrawhmang thilinhlânna maichâm bula chun a bunthlâk ding a nih.

LEVI DÂN 4:25

Chun, thiempu chun suol inthâwina thisen chu a kutpârin tlâwmte lâng a ta, pumrawhmang thilinhlânna maichâm kihaia chun nâl a ta, pumrawhmang thilinhlânna maichâm bula chun a thisen la um po chu a bunthlâk ding a nih.

LEVI DÂN 4:7

Chun, thiempu chun a ṭhen chu Lalpa hmaah, intuokna puon ina riminhniktak maichâm kihaia chun thisen chu tlâwmte nâl a tih; chun, bâwngchal thisen la um po chu intuokna puon in kawtkhâr kâwla pumrawhmang thilinhlânna maichâm bula chun a bunthlâk ding a nih.

MIKA 5:8

Jakob mi hlâbîkhai chu hnamhai laia le chi tamtakhai laia chun ramhnuoi sahai laia sakeibaknei ang le berâm ruol laia sakeibaknei vânglai angin um a tih; ama chun a fe thleng phawt chun, a sirde a, a keinâwi a, santu ding khawm tukhawm an um nawh.

ZEKARIA 10:5

Chun, indona chun an hmêlmahai chu kawtthlêra chirhak chîl anga chîlin mi thilthawtheitakhai hung nîng an ta, Lalpa chu an kuomah a um zing leiin, anni chu do an tih; chun, sakawr chunga chuong mihai khawm chu sukhamhaiin um an tih.

ZEKARIA 10:7

Chun, Ephraimhai kha chu mi thilthawtheitak ang nîng an ta, uoin leiin an lungril chu hlim a tih; anih, an thlahai chu hmûng an ta, lâwm an tih; an lungril khawm chu Lalpaa chun lâwm bawk a tih.

ZEKARIA 12:6

“Chu nia chun Juda lalhai chu thing laia mei thuk ang le, buphal laia meiser angin siem ka ta; vawitienga le changtienga, an vêla hnam po pohai chu sukbo an ta; chun, Jerusalem chu ama hmun Jerusalema ngei chun a la chêng ding a nih,” tiin.

ZEKARIA 12:8

Chu ni chun Lalpa chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa Lalpa vântirko ang chu nîng a tih.

ZEKARIA 14:20

Chu nia chun sakawr dârṭhihai chunga chun, “ Lalpa TA DINGA INTHIENG,” ti um tâng a ta, Lalpa ina bêlhai khawm chu mâichâm hmaa maihûnhai ang ni tâng a tih.

ZEKARIA 14:3

Chun, Lalpa chu fe suok a ta, indona nia a do angin, chuong hnamhai chunga chun do a tih.

ZEKARIA 2:9

Ngai ta u, anni chunga chun ka kut chu thin ka ta, chuongchun, anni rawng bâwlpêktuhai ta dingin râllâk sum hung ni tâng an tih; chun, sipaihai Lalpa chun kei a mi tir a nih ti hre tâng in tih.

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm de aw! bu chun tlangvâlhai chu sukhlim a ta, uoin thar chun nunghâkhai chu sukhlim a tih.

1 KORINTH 1:18

Kraws thu chu bohmang zinghai ta ding chun invêtna a ni si a, eini sandam zinghai ta ding ruok chun Pathien thilthawtheina a ni lem.

EPHESI 5:18

Chun, uoin inruiin um naw ro, chutaka chun insûm nawna a um si a; Thlaraua sipin um lem ro.

1 SAMUEL 17:45

Chuongchun, David chun Philistin mi kuoma chun, “Nang chu kawlhnâm dâm, fei dâm, phaw dâm chawiin i hung inthawk a, kei chu sipaihai Lalpa Israel sipaihai Lalpa i cho hmingin ka hung inthawk lem a nih.