ZEKARIA 9:10 - Pathien Lekhabu Inthieng (BSI)

¹⁰ Ephraima inthawkin tawlailîr chu sât thlâng ka ta, sakawr chu Jerusalema inthawkin; chun, indona thalngul chu sât thliek ni tâng a tih; chun, ama chun hnamhai kuoma chun inremna thu hril a ta; a ramawp chu tuipuia inthawka tuipui chen, Vadungpuia inthawka leihnuoi tâwp chen nîng a tih.

ZEKARIA 9:10 ပူးပေါင်းရင်းမြစ်များ

1 LALHAI 4:21

Chuongchun, Solomon chun Vadunga inthawkin Philistin mihai ram le Aigupta ramri chenin ram po po chunga chun ro a rêl a; lâwmmanhai an hung chawi hlak a, Solomon dam sûng po chun a rawng an bâwl hlak a.

INPÂKNA HLABU 72:17

A hming chu kumkhawtluongin dei naw ni a. A hming chu ama a um sûng chu dei lovin um pei a ta, Mihai chu amaa chun malsâwmin um an ta, Hnam tinrêngin ama chu hamṭha tîng an tih,

INPÂKNA HLABU 72:3

Tlâng lien le tlâng chînhai hin felnain Mihai kuomah lungmuongna hung intlun an tih.

INPÂKNA HLABU 85:8

Pathien Lalpa thu hril ding chu ngai ka ta, A mihai le a mi inthienghai kuomah lungmuongna thu a hril ding a ni si a; Nisienlakhawm, anni chu invêtna tieng ngha nâwk ta naw raw hai se.

INPÂKNA HLABU 89:26

Ama chun, ‘Nang chu ka pa, Ka Pathien, ka insandamna lungpui i nih,’ tiin mi ko a tih.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw ni a, indo dân khawm inchûk ta bawk naw ni hai.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 60:12

I rawng bâwl nuom naw hnam le ram chu a bohmang âwm si a; anih, chuong hnamhai chu suksiet dêrin um an tih.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

HOSEA 2:18

Chu nia chun ramsahai, chunglêng vatehai, hnuoia thilhringhai le an ta dingin thuthlung siem ka ta; thalngulhai, kâwlhnâm dâm le indo nahai hi hnuoia inthawkin sukbohmang ka ta, himtakin inum hmunkhattir ka tih.

HOSEA 2:20

Ringumnain huol ka ti che a, chuongchun, Lalpa chu hrieng i tih,

MIKA 4:8

Aw nang, ran ruol kul, Zion naunu umna tlâng, i kuomah hung tlung a tih: anih, inlalna hmasa chu hung tlung a tih, Jerusalem naunu inlalna chu.

MIKA 5:4

Ama chu ngîr a ta, Lalpa hrâtnain a ranruol chu châwm a tih: Lalpa a Pathien hming ropuina ngei chun: chun, anni chu um zing an tih: ama chu hnuoi tâwp chenin a ropui ding a ni si a.

MIKA 5:9

I kut chu nangma dotuhai chunga inletin um sienla, i hmêlmahai po po chu sukbohmangin um raw se.

HAGGAI 2:22

ramhai lalṭhungpha khawm chu pei thlâng ka tih; chun, hnamhai lalram hrâtna chu sukse bawk ka tih; chun, tawlailîrhai chu pei thlâng ka ta, a chunga chuongtuhai le chun; sakawrhai le a chunga chuong, mi tin chu mâni unau kâwlhnâm ngeia suktlâwm ni tâng a tih,’ tiin.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

2 KORINTH 5:18

Nisienlakhawm, iengkim Pathiena inthawka suok a nih; ama chun Krista leiin ama le inremin a mi siem a, inremna rawngbâwl sin a mi pêk a;

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

DÂN PAHNINA 11:24

In kephaa in sirna taphawt chu in ta nîng a tih, thlalêra inthawk le Lebanon tlânga inthawka vadung, Euphrates vadunga inthawk chun thlangtieng tuipui chenin in ram nîng a tih.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.