ZEKARIA 8:9 - Pathien Lekhabu Inthieng (BSI)

⁹ Sipaihai Lalpa chun hieng hin a tih, “Lalpa in, biekin ngei chu, bâwl a ni theina dinga lungphûm phûma a um nia, zâwlnei lo um tahai baua inthawka thuhai vawisûn nia hretuhai, in kuthai chu sukhrât ro.

ZEKARIA 8:9 ပူးပေါင်းရင်းမြစ်များ

1 CHANCHIN SUINA 22:13

Israel chungthua Lalpain Mosie thu a pêk, rorêlna hai le dânhai chu thaw dinga i zâwm tlat chun hung hlawtling i tih; insukhrât la, insukhuoi la, beidawng naw la, ṭit khawm ṭi naw rawh.

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; Lalpa Pathien, ka Pathien ngei chu i kuomah a um si a; Lalpa ina rawngbâwlna sin po pohai chu zo a ni vawng hmakhat chun inhlawsamtir naw ni che a, nghatsan bawk naw ni che.

2 CHANCHIN SUINA 15:7

Amiruokchu, insukhrât unla; inthlada naw ro, in sinthaw chu lâwmman pêk in ni ding a ni si a,” tiin.

EZRA 6:14

Chu, zâwlnei Haggai le Iddo naupa Zekaria hril ang ngeiin Juda upahai chun an bâwlin an hlawtling ta ngei a, Israel Pathien thupêk ang le Persia lal Artazerzia le Daria le Kura thupêk ang ngei chun an bâwl a, an zo ta a.

ISAI 35:3

Kut hrâtnawhai chu sukhrât unla, khûp zawihai chu sukdet ro;

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun Lalpa thu chu a hung tlung a.

HAGGAI 1:12

Chuongchun, Sealtiel naupa Zerubbabel le, Jehozadak naupa, Josua, thiempu lal le, chu chi la um sunhai chun Lalpa an Pathien râwl le, Lalpa an Pathienin ama a tir angin, zâwlnei Haggai thuhai chu an pawm ta a; chuongchun, mipui chun Lalpa chu an ṭi ta a.

HAGGAI 2:18

“Ka ngên cheu hi, vawisûna inthawka hi hnungtieng po po ngaituo ro; thla kuona, ni sâwmhni pali ni, Lalpa biekin lungphûm phûm ni china inthawk chu ngaituo ro.

HAGGAI 2:21

“Zerubbabel, Juda chunga rorêltu kuoma chun hril la, ‘Hnuoi le vânhai chu sukhnîng ka ta:

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

ZEKARIA 8:18

Chun, sipaihai Lalpa thu chu ka kuomah a hung tlung a,

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

2 TIMOTHE 2:1

Chuongchun, nang, ka nau, Krista Isua lunginsietna uma hin suknghetin um rawh.

JOSUA 1:6

Hrâttak le huoitakin um rawh, inkhâma an thlatuhai pêk ka lo tiem ta ram kha anni hi în hluotir ding a ni si a.

JOSUA 1:8

Hi dân bu hin i bâu chu suoksan hlek naw sienla, chu thu ziekhai po po chu i zâwm tlat theina dingin sûn le zânin i ngaituo ding a nih, chuongchun, i lampuihai chu suktluong pei i ta; i hung tluongtlung pei ding a nih. Thu ka pêk che a ni naw am a nih?