ZEKARIA 8:3 - Pathien Lekhabu Inthieng (BSI)

³ Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.

ZEKARIA 8:3 ပူးပေါင်းရင်းမြစ်များ

INPÂKNA HLABU 2:6

“Keima ngeiin ka tlâng inthieng Ziona chun, Ka lal siem chu kân ṭhungtir tah a nih” a ti a.

INPÂKNA HLABU 48:1

Lalpa chu a ropui a, nasataka inpâk ding a nih; Ei Pathien khawpuiah, a tlâng inthienga chun.

FESUOKNA 29:45

Israel mihai lai chun um zing ka ta, an Pathien nîng ka tih.

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 1:26

chun, i chungah rorêltuhai chu a tîra an um ang khan inumtir nâwk ka ta, i sûnga remruottuhai chu a hmasa taka an um ang khan inumtir nâwk bawk ka tih; chu hnunga chun, ‘Felna khawpui, khawpui ringumtak,’ la tîng an ti che.

ISAI 11:9

Ka tlâng inthienga hrim hrim chun insuknat um ta naw ni a, insuksiet um bawk ta naw ni; tuihai hin tuisuoriet ân khum zing angin, leihnuoi hi Lalpa hrietnain a sip zo vawng ta ding a nih.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 32:16

Chupha chun rorêl felna chu thlalêra chun chêng a ta, felna chu hnuoi ṭhatakna hmuna chun um a tih.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

ISAI 65:25

Satene le berâmte chu tla hmunkhat tâng an ta, sakeibaknei chun bâwngchal angin bupâwl fa tâng a tih; pilvut chu rûl bu ni bawk a tih. Ka tlâng inthienga hrim hrim chun sukna ta naw ni hai a, sukse ta bawk naw ni hai, Lalpain a tih.

ISAI 66:20

Israel thlahaiin an thilinhlân chu bûrlebêl inthiengtaka Lalpa ina an hung lâklût hlak ang hin, Lalpa kuoma thil inhlân dingin hnam tin laia inthawka in unauhai po po chu sakawr chunga dâm, tawlailîra dâm, zâwnnaa dâm, sabengtung lien chi chunga dâm, sanghâwngsei chunga dâm, Jerusalem ka tlâng inthienga chun hung ṭhuoi an tih; Lalpain a tih.

ISAI 8:18

Ngai ta, kei le Lalpa mi pêk naupanghai hi, Israelhai lai hin sipaihai Lalpa Zion tlânga um kuoma inthawka inchikna ding le thilmakhai ding dâm kan nih.

JEREMIA 14:9

Ieng dingin am mi maktia um, mi thilthawtheitak sandam thei silo ang chu nîng i ta? Nang chu, Aw Lalpa, keini lai hin i um a, i hming chawia ko kan na; keini mi mâksan naw rawh.

JEREMIA 26:18

“Moras mi Mikaia khan Juda ram lal Hezekia inlal laiin thu a hril a; Juda rama mi po pohai kuoma chun ‘Sipaihai Lalpa chun hieng hin a tih: Zion chu lo anga inlet nîng a ta; Jerusalem chu hmunhnawk sienkhâwm nîng a ta, in hmun tlâng chu ramhnuoia bâwlhmun tlâng ang nîng a tih,’ tiin.

JEREMIA 31:23

Sipaihai Lalpa, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, Lalpa chun mal sâwm raw se che,” ti dâm le, “Aw inthiengna tlâng,” ti dâm hi.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘Lalpa chu ei felna a nih,’ ti hi koa a umna ding hming chu ni ta bawk a tih.

EZEKIEL 48:35

A vêl chun tawng sîng khat sâng riet nîng a ta; chu khawpui hming chu chu nia inthawk chun, “Jehova Samma nîng a tih,” tiin.

DANIEL 9:16

Aw Lalpa, i felna ang peiin i lunginsenna le i ṭiumna chu i tlâng inthieng, Jerusalem i khuoa inthawk chun, ka hni che hi, herhmang ni raw se. Kan suolnahai lei le, kan thlatuhai khawhlonahai lei chun Jerusalem le i mihai chu kan vêla mi po pohai hrilinsîm kan lo ni ta hi.

JOEL 3:17

Chuongchun, Lalpa in Pathien ka tlâng inthieng Ziona chêng ka nih ti hrieng in tih; chuongchun, Jerusalem khuo chu inthieng a ta, mikhuol tukhawm fethleng nâwk ta dêr naw ni hai.

JOEL 3:21

Chun, an thisen ka isâwpfai naw chu sâwpfai ka ta, Lalpa chu Ziona chun a chêng zing si a.”

MIKA 4:1

Nisienlakhawm, ni nuhnungahai chun hieng ang hi hung nîng a ta; Lalpa in umna tlâng chu tlâng lienhai chunga chun sukdet nîng a ta, tlâng chînhai chunga chun chawisângin um bawk a tih; chutaka chun chi tinrênghai chu fe hum hum an tih.

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni si a,” a ta.

ZEKARIA 1:16

Chuleiin, Lalpa chun a tih: ‘Zângaina leh Jerusalema chun ka hung kîr nâwk a; chutaka chun ka in chu bâwl a ni ding a nih, sipaihai Lalpa chun a tih; chun, Jerusalem chunga hin inkhina hmawl keimar nîng a tih.

ZEKARIA 12:6

“Chu nia chun Juda lalhai chu thing laia mei thuk ang le, buphal laia meiser angin siem ka ta; vawitienga le changtienga, an vêla hnam po pohai chu sukbo an ta; chun, Jerusalem chu ama hmun Jerusalema ngei chun a la chêng ding a nih,” tiin.

ZEKARIA 14:10

Ram po po chu Araba, Gebaa inthawka Jerusalem sima Rimmon tienga a lêtkîr angin inher tâng a ta; chun, Jerusalem chu chawisângin um a ta, ama hmun ngei, Benjamin in kawtkhâra inthawka kawtkhâr hmasatak, kul kil kawtkhâr chen le, Hananel in insânga inthawka lal uoin sâwrna khur chenin, chang tâng a tih.

ZEKARIA 8:16

Hienghai hi thil in thaw dinghai chu an nih: mi tinin mâni tuolbâwm kuomah thu indiktak hril raw se: in kul kawtkhârhaia chun inremna le indikna rorêlna chu suksuok unla,

ZEKARIA 8:19

“Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

KOLOSSA 2:9

Amaa chun Pathien famkimna tinrêng chu taksa neiin a um zing si a.

THUPUONGSUO 21:10

Chun, ama chun Thlarauin tlâng lientak insângtakah a mifepui a, Jerusalem khaw inthieng chu, Pathien kuoma vâna inthawka hung ṭum a mîn entir a.

THUPUONGSUO 21:27

Nisienlakhawm, thil inthiengnaw hrim lût dêr naw ni a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;