ZEKARIA 8:23 - Pathien Lekhabu Inthieng (BSI)

²³ Sipaihai Lalpa chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet si a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

ZEKARIA 8:23 ပူးပေါင်းရင်းမြစ်များ

INṬANNA 31:41

Chuong kum sâwmhni sûng po chu i kuomah ka um a, i naunuhmeihai pahni hlaw dingin kum sâwmpali le, i ranhai hlaw dingin kum ruk i rawng ka bâwl a; ka hlaw hlak chu vawi sâwm lai i sukdanglam si a.

INṬANNA 31:7

Nisienlakhawm, in pa chun a mi hlêm a, ka hlaw hi vawi sâwm lai a mi sukdanglampêk ta a; nisienlakhawm, Pathienin ka pawi a tawk a phal naw a nih.

2 LALHAI 2:6

Chun, Elija chun a kuomah, “Hitaka hin lo um rawh, ka ngên che hi, Lalpa chun Jordan vadung chena fe dingin a mi tir si a,” a ta. Chun, ama chun, “Lalpa hringna le nanga hringna sâlin ka hril a nih, um san naw tawp ka ti che,” a ta. Chuongchun an pahni chun an fe pei ta a.

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung ta a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si che a,” a ta. Chun, David chun anni chu a lâwmlût ta a, sipai pâwl hotuhaiah a siem tâwl ta a.

2 CHANCHIN SUINA 15:9

Juda le Benjamin rama mi po po le, Ephraim le Manasse le Simeona inthawka chutaka hung inpêm lûthai chu a ko khâwm vawng a; Lalpa a Pathien chu a kuomah a um ti an hmu chun Israel rama inthawkin mi tamtak chu ama kuoma chun an lo kai ta si a.

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve ta a; an chunga chun Juda mihai ṭitna chu a tlung ta si a.

JOB LEKHABU (THE BOOK OF JOB) 19:3

Hieng vawi sâwm rau hi in mi kâwk ta a, Ngartaka in mi thaw hi in inzak naw a ni hi.

THUHRILTU 11:2

Chan chu hmun sariah sem lem la, anih, hmun rieta khawm; Hnuoi chunga hin thil ṭha naw ieng am a hung ding ti i hriet si naw a.

ISAI 3:6

Miin a unau a pa ina chelin, “Nang chun silfên i nei a, kan rorêltuah um la, hi sietna hi i kutah um raw se,” a ti pha chun;

ISAI 4:1

Chun, chu ni chun nuhmei pasariin pasal pakhat chel an ta, “Keini bu fâng kan ta, keini silfên inbel kan tih, i hming chau mîn puttir la; kan hming sie hi mîn khumpêk rawh,” tîng an tih.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 45:24

Miin, ‘ Lalpaa chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

ISAI 55:5

Ngai ta, i hriet naw hnam chu ko i ta, nangma hre ngailo hnam chu i kuomah hung tlân an ta; Lalpa i Pathien lei le, Israelhai Mi Inthieng lei chun; ama chun a chawimawi si che a.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

ISAI 60:3

Chuongchun, hnam tin chu i var tieng chun hung an ta, lalhai khawm i hung suok varna tieng chun hung bawk an tih.

ISAI 66:18

An thilthawhai le an ngaituohai chu ka hriet si a; hnam tinrêng le ṭawng tinrêng ka ṭhuoi khâwm hun a la hung tlung ding a nih; chuongchun, hung an ta, ka ropuina hmûng an tih.

MIKA 5:5

Chun, hi hi ei inremna ding nîng a tih, Assuria mi chu ei ramah a hung a, ei lal inhai a hung sir pha chun ama do dingin berâmpu pasari le mi ropui pariet inthlangsuok ei tih.

ZEPHANIA 3:19

Ngai ta, chu pha chun nangma sukrimsituhai che chu keiin sawisâng ka ta: A ngîr chu sandam ka ta, hnawt hmanga um chu kei khâwm ka tih; Hnuoi chung po poa an hmaimâwkna lo um ta chu, Hming le inpâkna siempêk ka tih.

NAMBAR 14:22

Aigupta ram le thlalêra ka ropuina le ka thilmak thawhai hmua, chuongsa khawma vawi sâwm zet mi la fie a, ka thu la pawm lo mi po pohai hin,

LUKA 8:44

ama chu a hnungah a hung a, a puon hmawr a them a, kârlovin a thipût chu a bo nghâl ta a.

THILTHAWHAI 19:12

Chuongchun, rawmawlhai amanih, a pang tâwk fênthuohai chu damnawhai kuomah an hung chawi a, an natnahai a bo hlak a, an sûnga inthawkin khawhrihai khawm an suok hlak a.

1 KORINTH 14:25

a lungril thurûk chu phawr nîng a ta, chuongchun, bawkkhupin Pathien chibai bûk a ta, Pathien nangni lai a um takzet ti hril a tih.

JOSUA 8:35

Mosie thupêk ang po po chu Israel pungkhâwm po pohai le nuhmeihai le naupang chite tehai le anni laia hnam dang chêng vehai hrieta chun Josua chun tiem ṭhel hrim hrim a nei nawh.