ZEKARIA 8:19 - Pathien Lekhabu Inthieng (BSI)

¹⁹ “Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.

ZEKARIA 8:19 ပူးပေါင်းရင်းမြစ်များ

2 LALHAI 25:1

Chun, ân lal kum kuo kum, thla sâwmna, ni sâwm ni takin Babulon lal Nebukadnezzar chun a sipaihai po po leh Jerusalem khuo chu an hang do a, umhmun an hang khuor a; chun, kulin an inhuol vêl ta a.

2 LALHAI 25:25

Nisienlakhawm, thla sarinaa chun lal thla, Elisama naupa, Nethania naupa Ismael chu mi sâwm ṭhuoiin a fe a, Gedalia chu Mizpa khuoah Judahai le Kaldaihai a kuoma umhai le chun an thaw a, an that ta vawng a.

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve ta a; an chunga chun Juda mihai ṭitna chu a tlung ta si a.

ESTHER 9:22

chuong nihaia chun Juda mihai chun an hmêlmahaia inthawka châwl an neina nihai a ni lei le, chu thla chu an ta dinga lungngaina lâwmnaa inchangna le ṭapna ni ṭhaa inchangna thla a ni leiin: hlimna le ruoiṭhena ni, chanvohai inphurtuona ni le, mi pasiehai kuoma thilpêkhai pêkna nihaiah an nei ding thu a pêk a.

INPÂKNA HLABU 30:11

Ka mithi ngaina chu ka ta dingin lâmnaah în changtir a, Ka saiip puon chu i mi hlîppêk a, ka kâwngah hlimnain i mi khit ta a:

INPÂKNA HLABU 34:15

Lalpa mit chun mi felhai tieng a en hlak a, Ama chun an khêk hre dingin a ngai zing hlak.

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

ISAI 35:10

chun, Lalpa intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

JEREMIA 36:6

chuleiin, nang va fe la, lekhabu zuola ka baua inthawka Lalpa thuhai i ziekhai kha bunghei niin Lalpa inah mipui na hrieta chun va tiem rawh; chun, Juda mi an khawpuihaia inthawka hung suokhai po po na hrieta chun tiem bawk rawh.

JEREMIA 39:2

chun, Zedekia inlal kum sâwmpakhatna, thla lina, chu thla ni kuo ni chun chu khawpuia chun suksietna chu a um ta a.

JEREMIA 52:4

Chun, a rorêl kum kuona, thla sâwmnaa, chu thla ni sâwm ni chun Babulon lal Nebukadnezzar le, a sipaihai po po chu Jerusalem do ding chun an hung a, an umngha ta a; a vêl ela chun kulhai an bâwl khum ta a.

EZEKIEL 18:8

a pung hnawt dinga pe suok ngai lo a, a pung khawm la ngai lo a, suolnaa inthawka a kut keitîm a, mi le mi inkâra rorêlna indiktak lo hmang hlak a,

EZEKIEL 24:1

Kum kuona kum, thla sâwmna, chu thla ni sâwm ni chun Lalpa thu chu ka kuomah a hung tlung nâwk a;

ZEKARIA 7:3

sipaihai Lalpa thiempuhai kuoma le zâwlneihai kuoma chun, “Kum khâng chena ka lo thaw ta hlak ang khan, keima chu insuktumin, thla kuonaa hin ka ṭap ding am a nih,” tia indawn dingin an tir a.

ZEKARIA 7:5

“Hi rama mi po pohai le thiempuhai kuoma chun hieng ang hin thu hril rawh, ‘Hi kum sâwmsari sûnga thla sarina le thla nganaa bu in ngheia in insuklungngai hin, keia kuoma, keima kuom ngeia bu nghei am in ni ngût le?

ZEKARIA 8:16

Hienghai hi thil in thaw dinghai chu an nih: mi tinin mâni tuolbâwm kuomah thu indiktak hril raw se: in kul kawtkhârhaia chun inremna le indikna rorêlna chu suksuok unla,

ZEKARIA 8:18

Chun, sipaihai Lalpa thu chu ka kuomah a hung tlung a,

ZEKARIA 8:3

Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.