ZEKARIA 8:17 - Pathien Lekhabu Inthieng (BSI)

¹⁷ nangni laia mi tukhawma mâni tuolbâwm chungah thil ṭha naw a lungrilah suongtuo hlek naw raw se; inkhâmna indik naw chu ngaina naw unla, hienghai ku hi a nih thil ka theida chu, sipaihai Lalpa chun a tih,” tiin.

ZEKARIA 8:17 ပူးပေါင်းရင်းမြစ်များ

INPÂKNA HLABU 10:3

Mi rilo chun a lungril thil dit zâwng chu a suong hlak a. Mi duâm chun Lalpa chu a peithlâk a, a hmusit hlak.

INPÂKNA HLABU 101:3

Thil ṭha naw hrim hrim ka mithmua chun sie naw ninga a, Fe pêthai thilthaw chu ka theida a nih; Keimaah kawp naw nih.

THUVARHAI 3:29

I lakah lungmuongtaka a um hmu zing si chun, I tuolbâwm chunga chun thil ṭha naw suongtuo naw.

THUVARHAI 6:14

A lungrila chun kâwmâwna a um a, thilsuol a rawt suok rawp a, Indarna a tu hlak.

THUVARHAI 8:13

Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

JEREMIA 44:4

Zingkâra tho a, anni hung tirin, ka siehlaw zâwlneihai po po, ‘Aw hi thil tirdakum ka theida hi chu thaw naw ro,’ tiin in kuomah ka hung tir a.

HABAKKUK 1:13

Nang chu suolna hmûna hlak nêka mit inthieng lem nei i na, Khawhlona chu i en thei naw a nih, Chuleiin, khawhlotaka thawtuhai chu hmu zingin, Mi rilovin ama nêka mi fel lem a lem zo lai khawmin, Iengdinga i tosan ṭawk ṭawk am?

ZEKARIA 7:10

hmeithai amanih, fahrâ amanih, mikhuol amanih, mi pasie amani khawm chu nêksâwr naw unla, chun, nangni tukhawma mâni unau chungah a lungrilin thil suol suongtuo naw raw se,” tiin.

ZEKARIA 8:18

Chun, sipaihai Lalpa thu chu ka kuomah a hung tlung a,

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

MATTHAI 12:35

Mi ṭha chun a robâwm ṭhaa inthawkin thil ṭhahai a the dawk hlak, mi suol chun a robâwm siea inthawkin thil ṭha naw a the dawk hlak.

MATTHAI 15:19

Lungrila hin ngaituona suolhai, tuolthatna hai, uiretna hai, inditna hai, inrûkna hai, inhêkna hai, hrilsietna hai a hung suok hlak si a.

MATTHAI 5:28

Kei ruok chun, tukhawm nuhmei dit ena en taphawt chun, a lungrilah a uire zing a nih ti ka hril cheu hi.