16 Hienghai hi thil in thaw dinghai chu an nih: mi tinin mâni tuolbâwm kuomah thu indiktak hril raw se: in kul kawtkhârhaia chun inremna le indikna rorêlna chu suksuok unla,
David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.
Lalpa chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.
“Lalpa Pathien chun hieng hin a tih; Aw Israel lalhai, inhuntâwktir ta ro; pâwngnêkna le suksietna chu sie hmang unla, indikna le rorêl fel chîng ta unla; ka mihai hnawt suok hi ma ta ro; Lalpa Pathien chun a tih.
Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun Lalpa, sipaihai Pathien chun lunginsietna a nei el rawi mawh.
Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?
Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni si a,” a ta.
“Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.
Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.
chu kawnga chun tûkhawmin bawsein, a unau chungah thil ṭha naw chu thaw naw sien la, Lalpa chu chuong ang thil thawtuhai po po phuba latu a ni leiin keini khawmin kan hril lâwkin kan inhriettir ta cheu ang khan.
Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.