ZEKARIA 8:13 - Pathien Lekhabu Inthieng (BSI)

¹³ Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

ZEKARIA 8:13 ပူးပေါင်းရင်းမြစ်များ

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INPÂKNA HLABU 44:16

Hrilhnuoltu le hrilsetu râwl lei le, Hmêlma le phubalatu leiin,

INPÂKNA HLABU 72:17

A hming chu kumkhawtluongin dei naw ni a. A hming chu ama a um sûng chu dei lovin um pei a ta, Mihai chu amaa chun malsâwmin um an ta, Hnam tinrêngin ama chu hamṭha tîng an tih,

INPÂKNA HLABU 79:4

Kan vêla mihai hrilsietin kan lo um a, Kan dep vêla mihai hmusit le nuisanin kan lo um a,

ISAI 43:28

Chuleiin, hmun inthienga mi lienhai chu sukthieng nâwng ka ta, chuongchun, Judahai chu ṭawngsephurah siem ka tih; Israelhai chu insêlna bûrah siem bawk ka tih.

JEREMIA 24:9

anni chu thil ṭha nawa hnungtieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 25:18

Chuong chu hieng Jerusalem le Juda khawpuihai le a sûnga lalhai le rorêltuhai chu, vawisûn ni anga hi, anni chu râusan le maktia le, incheknaa le, ṭawngsephura siem dingin;

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawngdâwng dingin hnuoia lalram po po laia hnungtieng hmatienga nawrlênga um dingin pe suok ka tih;

JEREMIA 33:24

“Hi mi, Hnam pahni Lalpa thlanghai chu, anni chu a pei thlâk tah, tituhai chu ngaituo naw rawh; chuongchun, anni hmaa hnam hrim an ni ta nawna dingin, anni chun ka mihai chu an hmusit a nih.

JEREMIA 42:18

Sipaihai Lalpa Israel Pathien chun hieng hin a ti si a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwmhnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

JEREMIA 44:12

Juda la um sunhai chu ṭhuoi ka ta, chutaka va mikhuol dinga Aigupta ram tieng an hmai innghathai chu; chun, anni chu bohmang vawng an ta, Aigupta rama chun tlûng an ta; ṭâmna le kâwlhnâmin anni chu sukbohmang nîng an tih; thîng an ta, a chîn taka inthawka a lien tak chenin kâwlhnâm le ṭâmin thîng an tih; chuongchun, anni chu hnâwmhnawk le, makti ding le, ṭawngsephur le ṭawngsekawk nîng an tih.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

ṬAP HLA 4:15

“Fe hmang ro, thieng nawhai,” tiin mihaiin an khêk khum a, “Tir hmang ro, Tir hmang ro, Tâwk naw ro”, tiin. Tlânsie le invai an hung ni ta a, Hnamhai lai chun mihaiin, Eini lai um ta naw raw hai se, an ti a.

EZEKIEL 34:26

Chun, ka tlâng sîra hmunhai le anni chu malsâwmah siem ka ta; ruohai khawm a huntakah hung insûrtir ka ta; malsâwmna ruohai sûr hlak a tih..

EZEKIEL 37:11

Chun, ka kuoma chun, “Mihriem naupa, hieng ruhai hi Israel sûngkuohai po po chu an na, ngai ta, anni chun, ‘Ei ruhai hlak a ṭâwl zo ta a, ei beisei hlak a bo dêr ta a; sâtthlâk ei ni ta a ni hi,’ an ti a.

EZEKIEL 5:15

Chuongchun, vauna ṭiumhai le, lunginthak le lunginsennaa rorêlnahai ka hung suktlung pha chun, i vêla hnam umhai ta ding chun makti ding le, inchûkna ding le, hrânghla le, invaunaa hmang la nîng a tih, kei Lalpa hin ka hril ta a nih:

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

MIKA 5:7

Jakob mi la um sun chu chi tamtakhai laia Lalpaa inthawka daidaw tla ang le, hlobet chunga raw sûr angin um a tih, chu chun mihriem a nghâk naw a, mihriem naupasal a nghâk bawk nawh.

ZEPHANIA 3:16

Chu ni chun Jerusalem kuoma chun, “Ṭi ta naw rawh: Aw Zion, i kut chu inzawitir naw rawh.

ZEPHANIA 3:20

Chu pha chun hung la lût kati che a, chu pha chun la khâwm ka ti cheu; In mithmu ngeia in sal intângna ka hung lâk kîr pha chun, Leihnuoia hnam po polaia chun, inpâkna le hming ka siempêk ding cheu a ni si a,” Lalpa chun a tih.

HAGGAI 2:19

Bu ina chun a chi chu a la um rawp am a nih? Grêphrui dâm, theichang kûng dâm, theibufai dâm, oliv thinghai le chun ra an insuo ngai naw a; vawisûna inthawk hin chu mal ka sâwm ding cheu a nih,” tiin. Zerubbabel kuoma Lalpa thutiem

HAGGAI 2:5

Aigupta rama inthawka in hung suok laia in kuoma ka thuthlung thu anga khan in kuomah ka um a, ka thlarau chu nangni laia chêng zing a ni si a: ṭi dêr naw ro, Lalpa chun a tih,” tiin.

ZEKARIA 1:19

Ama chun, “Hi kihai hi Juda le Israel le Jerusalem sukdartuhai chu an nih,” tiin a mi dawn a.

ZEKARIA 14:11

Chun, mihai chu a sûnga chun chêng an ta, ṭawngsie hrim um ta naw ni a; Jerusalem chu himtaka hluo ni lem tâng a tih.

ZEKARIA 8:15

chuong ang tak chun, hieng nihaia hin Juda insûng le Jerusalem chunga hin thil ṭha thaw ka lungril a nih, ṭi dêr naw ro.

ZEKARIA 8:9

Sipaihai Lalpa chun hieng hin a tih, “Lalpa in, biekin ngei chu, bâwl a ni theina dinga lungphûm phûma a um nia, zâwlnei lo um tahai baua inthawka thuhai vawisûn nia hretuhai, in kuthai chu sukhrât ro.

ZEKARIA 9:13

Ka thalngul dingin Juda chu ka kuoi a, Ephraim chu a thalah ka siem a; Aw Zion, i naupasalhai chu i naupasalhai chunga ngei chun ka chawktho ding a nih; aw Grik, mi hrâttak kâwlhnâm angin siem ka ti che.

1 KORINTH 16:13

Invêng unla, ringnaa chun ngîr det unla, insukhuoi unla, hrâttakin um ro,

GALATI 3:14

Chuongchun, Abraham chunga malsâwmna chu Krista Isua chun Jentailhai chungah hung um thei a ta; chuongchun, ringna leiin Thlarau tiem chu hmu thei ei tih.

DÂN PAHNINA 26:19

a lo hril ta anga Lalpa in Pathien ta dinga mi inthieng in ni theina ding le hnam a siem po po laiah a bîka inpâk dâm, hming ṭhat dâm, chawimawi dâm hlaw dingin Lalpain a thlang cheu a nih,” tiin.

DÂN PAHNINA 28:37

Chuongchun, Lalpain a la ṭhuoi hmangna ding cheu hnam po po lai chun makti le sehnâwkna le a se tieng hrilhmêna nîng in tih.