ZEKARIA 8:12 - Pathien Lekhabu Inthieng (BSI)

¹² Inremna chi chu a um ta ding a ni si a; grêphrui chun a ra insuong a ta, leihnuoi khawm chun a hlâwkna chu insuo bawk a ta, vânhai khawm chun daidaw chu hung pêng an ta; hi chi hlaa umhai hi chuong thilhai po po chu inhluotir ka tih.

ZEKARIA 8:12 ပူးပေါင်းရင်းမြစ်များ

INṬANNA 26:12

Chun, Isak chun chu rama chun bu a chîng a, chu kum chun a let za a hmu a. Lalpain ama chu mal a sâwm a,

INṬANNA 27:28

Chuongchun, Pathienin vân daidaw, Le hnuoi ṭhatna hmun, Le bu le uoin tamtak pe raw se che.

1 LALHAI 17:1

Tisbe khuo, Gilead rama Tisbe khuoa mi Elija chun Ahab kuoma chun, “Lalpa, a hmaa ka ngîrna hlak, Israelhai Pathien hringna sâlin ka hril a nih; kum ieng zât amani sûng chu ka thu naw chun ruo le dâidaw tla hrim hrim naw nih,” a ta.

INPÂKNA HLABU 72:3

Tlâng lien le tlâng chînhai hin felnain Mihai kuomah lungmuongna hung intlun an tih.

INPÂKNA HLABU 85:12

Anih, Lalpa chun thil ṭha pêng a ta, Ei ram hin a thilkak chu pe bawk a tih.

THUVARHAI 19:12

Lal lunginsenna chu sakeibaknei inrûm ri ang a na, A ditsakna ruok chu hlohna chunga daidaw ang a nih.

ISAI 30:23

Chuongchun, ama chun in bu chi hnuoia in tu ding ta ding chun ruotui chu pêng a ta; hnuoia thil mâwnghai chu bu dingin pêng a tih; chu chu ṭhatak, hlâwktak nîng a ta, chu nia chun in ranhai chu ran tlatna hmun lientakahai chun tlâng an tih.

ISAI 61:7

An muolpho aiah a let hniin hmûng an ta; an inzak aiah an chanvoah hlimin hla sak an tih: chuleiin, an rama chun a let hni hluong an ta, kumkhaw hlimna an kuomah um a tih.

JEREMIA 31:12

Chun, hung an ta, Zion tlâng insângna laiahai chun hla hung sak an ta; Lalpa ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

EZEKIEL 34:28

Chun, khawhri be mihai ifâk zoin um ta ngai naw ni hai a, hnuoia ramsahai khawma anni chu fa zo bawk naw ni hai; amiruokchu, himtakin chêng an ta, tukhawma anni chu sukṭi ta naw ni hai.

EZEKIEL 36:12

Anih, in chunga chun mihai inlâwntir ka ta, ka mi Israelhai ngei chun nei an ti che a, nang chu an rochan hung nîng i tih; chuongchun, chu chena inthawk chu an thlahai chu thisanin inumtir ta naw ti ni.

EZEKIEL 36:30

Thing rahai le hnuoi ra hlâwkhai chu sukpung ka ta, hnamhai laia chun ṭâm leia deusâwna tuok ta ngai naw ti niu.

EZEKIEL 36:9

Ngai ta u, kei chu in ta ding ka ni si a; in kuomah hung kîr ka ta, chun, inlet le chîng nîng in tih;

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

HOSEA 14:5

Israel kuoma chun daidaw ang nîng ka ta, Ama chu lili angin hung vul a ta, Lebanon tlânga thing zung angin a zung thlâk dar a tih.

JOEL 2:19

Lalpa chun a dawn a, a mihai kuomah, “Ngai unla, in kuomah bu dâm, uoin dâm, hriek dâm hung intlun ka ta, chuonghaia chun tlai in ta: hnamhai laia chun hrilsietin inumtir nâwk ta naw ning cheu a:

JOEL 2:22

Ranhai, ṭi naw ro, thlalêr hlobet hmun a hung inder a; thing chu a hung ra a, theichang kûng le grêphruihai chu a hung inno si a.

LEVI DÂN 26:3

“Ka thuruothai chu in zâwm a, ka thupêkhai chu in pawm a in zâwm chun,

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni si a,” a ta.

HAGGAI 1:10

Chuleiin, nangni leiin vân chu daidaw intlâktir lo ding le, hnuoi chu ra insuo lo dinga khap an nih.

HAGGAI 2:18

“Ka ngên cheu hi, vawisûna inthawka hi hnungtieng po po ngaituo ro; thla kuona, ni sâwmhni pali ni, Lalpa biekin lungphûm phûm ni china inthawk chu ngaituo ro.

HAGGAI 2:19

Bu ina chun a chi chu a la um rawp am a nih? Grêphrui dâm, theichang kûng dâm, theibufai dâm, oliv thinghai le chun ra an insuo ngai naw a; vawisûna inthawk hin chu mal ka sâwm ding cheu a nih,” tiin. Zerubbabel kuoma Lalpa thutiem

ZEKARIA 8:6

Sipaihai Lalpa chun hieng hin a tih, “Chuong nihaia chun hi chi hlaa umhai mithmua hin a mak hle chun, keia mithmua khawm a mak hle naw ding am a nih?” sipaihai Lalpa chun a tih.

MALAKI 3:11

Chun, nangni lei chun a fa zotuhai chu hal ka ta, in leilunga rahai hrim hrim chu sukse dêr naw ni; chun, in loa in grêphrui khawm chun a hun hmain a ra chu sukṭil dêr naw ni, sipaihai Lalpa chun a tih.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

1 KORINTH 3:21

Chuleiin, tûkhawmin mihriemhai suong naw raw se.

DÂN PAHNINA 32:2

Ruotui angin ka thu chu sûr a ta, Dâidâw angin ka thu chu far a tih; Hlobet innotak chunga ruo ang le, Hlohna chunga ruomuolkhawi angin.

DÂN PAHNINA 33:13

Chun, Josef chungthua chun, “A ram chu Lalpa malsâwmin um raw se, Vân thil hlu dâidâw le, Tui inthûktak hnuoi tienga tuihai ichâwm;

DÂN PAHNINA 33:28

Chun, Israel chu râlmuongtakin a um a, Jakob tuisunsuo chu a pumbil a, Bu le uoin rama chun, Anih, a vânhaiin dâidâw an infartir a,

JAKOB 3:18

Felna ra chu inremna siemtuhai ta ding chun inremnain tu a nih.