ZEKARIA 7:5 - Pathien Lekhabu Inthieng (BSI)

⁵ “Hi rama mi po pohai le thiempuhai kuoma chun hieng ang hin thu hril rawh, ‘Hi kum sâwmsari sûnga thla sarina le thla nganaa bu in ngheia in insuklungngai hin, keia kuoma, keima kuom ngeia bu nghei am in ni ngût le?

ZEKARIA 7:5 ပူးပေါင်းရင်းမြစ်များ

2 LALHAI 25:23

Chuongchun, sipai pâwl hotuhai po po le an rawihaiin Babulon lalin Gedalia chu awptu dingin a siem ti an hriet chun Mizpa khuoah Gedalia kuomah an fe a; chuonghai chu Nethania naupa Ismael hai, Karea naupa Johanan hai, Netophath mi Tanhumeth naupa Seraia hai, Maaka mi naupa Jaazania hai, an rawihai leh an nih.

2 LALHAI 25:25

Nisienlakhawm, thla sarinaa chun lal thla, Elisama naupa, Nethania naupa Ismael chu mi sâwm ṭhuoiin a fe a, Gedalia chu Mizpa khuoah Judahai le Kaldaihai a kuoma umhai le chun an thaw a, an that ta vawng a.

ISAI 43:23

Pumrawhmanga in thilinhlân ran chînhai chu in mi hung pêk ngai naw a, in inthâwina tieng chun in mi chawimawi ngai bawk nawh. Thil inhlânin rawng kân bâwltir ngai naw cheu a, berawin ka suksâwl ngai bawk naw cheu a.

ISAI 58:3

‘Ieng leiin am bu kan nghei a i hriet si naw a, ieng leiin am kan insukrimsi a i hriet si naw maw?’ an ti hlak a. Ngai ta u, in bu nghei ni chun nangni nunkhuo in phâm a, in sinthawtuhai po po in nêksâwr hlak.

JEREMIA 25:11

Chuongchun, hi ram pumpui hi rausan le maktiah um a ta; chun, hnamhai chun kum sâwmsari sûng Babulon lal rawng chu bâwl an tih.

JEREMIA 29:10

Lalpa chun hieng hin a ti si a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

JEREMIA 52:12

Chun, thla nganaa, chu thla ni sâwm ni chun, chu chu Babulon lal Nebukadnezzar inlal kum sâwmpakuona a nih; vêngtu hotu Nebuza-radan lal hmaa ngîr hlak chu Jerusalema chun a hung a,

DANIEL 9:2

a rorêl kum khat kuma chun kei Daniel hin kum sâwmsaria Jerusalem khuo suksieta a um ding hun tlungkimna ding, zâwlnei Jeremia kuoma Lalpa thu hung tlung, kumhai nizât chu lekhabuhaia inthawkin ka lo hriet ta a.

HOSEA 7:14

An lungril takin an mi ko naw a, An khum laizâwlah an chierinthluok mei mei a nih; Bu le uoin dingin an inkhâwm a, ka chunga chun an hel si a.

ZEKARIA 1:12

Chun, Lalpa vântirko chun a dawn a. ‘Aw sipaihai Lalpa, kum sâwmsari sûng rau an chunga nasataka lunginsenna i nei, Juda khawpuihai le Jerusalem chunga hin ieng chen am zângaina nei lovin i um ding a na?’ a ta.

ZEKARIA 7:3

sipaihai Lalpa thiempuhai kuoma le zâwlneihai kuoma chun, “Kum khâng chena ka lo thaw ta hlak ang khan, keima chu insuktumin, thla kuonaa hin ka ṭap ding am a nih,” tia indawn dingin an tir a.

ZEKARIA 7:4

Chun, sipaihai Lalpa thu chu ka kuomah a hung tlung a,

ZEKARIA 7:6

In fâk a in dâwn lai khawmin in ta dingin in fâkin in dâwn ni lo am a nih?

ZEKARIA 8:19

“Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.

MATTHAI 23:5

An thilthaw po po chun mihriem hmu dingin a nih an thaw lem hlak; an iengkhat bunhai le khumhai chu an suklien a, an puon hmawrkai an sukbuk hlak a;

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak si a. Titakzetin ka hril cheu hi, an lâwmman chu an hmu zo tah.

MATTHAI 6:2

Chuongchun, mi kuoma thil i pêkin, mi vervêkhaiin mi inpâk an hlaw theina dinga, inkhâwmna inhaia le, kawtthlêrhaia an thaw hlak angin, i hmaah tawtawrâwt inmûttir naw.

MATTHAI 6:5

“Chun, in ṭawngṭaiin, mi vervêkhai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina si a. Titakzetin ka hril cheu, an lâwmman chu an hmu zo tah.

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

2 KORINTH 5:15

Chun, a hringhai chu anni ta dinga hring ni ta lova, an thi aia thia thonâwk ta ding chun an hring ta lemna dingin a nih, mi po po aia a thi chu.

KOLOSSA 3:23

Iengkim in thaw taphawt chu mihriem ta ding anga thaw lovin, Lalpa ta ding anga thaw lemin, inhâwktakin thaw ro;