ZEKARIA 7:14 - Pathien Lekhabu Inthieng (BSI)

¹⁴ amiruokchu, an la hriet ngailo hnam po po laia chun thlivirin anni ka sukdar ta a. Chuongchun, ram chu râusanin a um ta a, tukhawm an fe thlengin an kîr nâwk ngai ta naw a: ram duthusâm tak chu râusanah an siem ta leiin.

ZEKARIA 7:14 ပူးပေါင်းရင်းမြစ်များ

2 CHANCHIN SUINA 36:21

chu ram chun a châwlni a hmang hmakhat chu Jeremia baua Lalpa thu kha sukfamkim a ni theina dingin; râusana a um sûng po chu châwlni chu a hmang a na, kum sâwmsari suktling dingin.

INPÂKNA HLABU 58:9

In bêlhai chun hling thing lum a hriet hma khawmin: Ama chun thlivirin la hmang a ta, A hring le a kâng lai khawm.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

ISAI 21:1

Tuipui thlalêr phurrik chu. Sim rama thlivirin hung mûthmât peiin, thlalêra inthawkin, ram ṭiumtaka inthawk chun, a hung ie.

ISAI 60:15

Tu khawm isir ngai lo khawpa râusan le theidaa i um aiah kumkhaw suong tak, suon tamtak lâwmnaah siem ka ti che.

ISAI 66:15

Ngai ta u, a lunginsenna chu hrîkthla ding le, a kâwkna chu meichawkhaia hrîkthla dingin, Lalpa chu mei leh a hung ding a ni si a, a tawlailîrhai chu thlivir ang el nîng a tih.

JEREMIA 12:10

Berâmpu tamtakhai chun ka grêp huon chu an suksiet a, ka chan chu an ke hnuoiah an sirde a, ka chan inhawitak chu thlalêr ram râusanah an siem ta a.

JEREMIA 23:19

Ngai ta u, Lalpa thlipui chu, a lunginsenna chu, a fe suok a, anih, thlivir thlipui chu, mi khawhlo lu chunga chun hung nuoi a tih.

JEREMIA 30:23

Ngai ta u, Lalpa thlipui chu, a lunginsenna ngei chu, a fe suok a, mûtthieltu thlipui chu: mi rilo lu chunga chun hrâng a tih.

JEREMIA 36:19

Chuongchun, lalhai chun Baruk kuoma chun, “Fe la, Jeremia le nang chu inbihmang ro, khaw lai am in um ti tukhawm inhriettir naw ro,” an ti a.

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni ta a.

JEREMIA 5:15

Ngai ta, hlataka inthawkin i chungah hnam hung ṭhuoi ka ta, Aw Israel sûngkuo, Lalpa chun a tih; hnam hrâttak nîng a ta, hnam hluitak el ni bawk a ta; hnam an ṭawng khawm i hriet lo le, an hril khawm i hriet lo nîng a tih.

JEREMIA 52:30

Nebukadnezzar inlal kum sâwmhni pathum kum chun Nebuzaradan, vêngtu pâwl hotu chun Juda mi sala intâng ding chu za sari, sâwmli panga a ṭhuoi a; chuongchun, mihriem po po chu sâng li le za ruk an nih.Jehoiakin insuoa a um thu le Babulona chawisânga a um thu.

EZEKIEL 12:19

chun, kha rama mipuihai kuoma chun, Israel ram le Jerusalem hluotuhai chungthua chun Lalpa PATHIENIN hieng ang hin a tih; an bei chu ṭitumna leh fâng an ta, an tui chu maktina leh dâwn bawk an tih, chutaka chêngtuhai po po pâwngnêkna leiin, chutaka umhai po pohaia inthawka chu ram chu râusan a ni theina dingin.

EZEKIEL 22:15

Hnamhai laia chun sukdar ka ti che a, rambunghaia chun sukdar bawk ka ti che; i tirdakumna chu nangmaa inthawk chun sukbohmang tâng ka tih,

EZEKIEL 5:10

Chuongchun, i sûnga chun pahai chun naupahai chu fâng an ta, naupahai chun an pahai chu fa bawk an tih; chun, nangmaa chun rorêl chu hung sukthlûng ka ta, nangmaa la mahlahai po po khawm chu thedar vawng ka tih.

DANIEL 8:9

Anni laia pakhata inthawk chun ki chitê a hung suok a, chu chu simtieng le, saktieng le ram ropui tieng chun ropuitakin a hung um ta a.

HOSEA 9:17

Ka Pathien chun anni chu peihâwn a tih. Ama an ngaisak naw leiin; Chuongchun, hnam danghai lai chun invâiin um an tih.

JOEL 2:3

An hmatieng chu meiin a kâng fai a, an hnungtieng meichawkin a hlieu bawk a; an hmaa ram chu Eden huon ang a nih; an hnungtieng chu thlalêr ram ṭâwl a nih, iengkhawmin chuong chu an pumpel ta nawh.

LEVI DÂN 26:22

Nangni lai ramsahai inhungtir ka ta, chuonghai chun in nauhai lâkpêk an ti cheu a, sukkiem tiel tiel an ti cheu a, in lampuihai chu ṭhing ṭhuop a tih.

LEVI DÂN 26:33

Hnam danghai laia chun sukdar ka ti cheu a, a hnawt ding cheuin kâwlhnâm chu phawi ka ta, chuongchun, in ramhai chu sukrêm nîng a ta, in khuohai chu ṭâwp a tih.

AMOS 1:14

chuleiin, Rabba khaw kul chungah mei sêm chawk ka ta; chun, indo nia khêk le, thlivir nia thlipui leh, a lal inhai chu kâng vawng a ta;

NAHUM 1:3

Lalpa chu a lung ân uoi a, nasataka thilthawthei a na, mi suol chu thiem inchangtir hrim hrim naw ni; Lalpa chun thlivira le thlipuia chun lampui a nei a, sûmhai chu a kea pilvut a nih.

HABAKKUK 3:14

A indo mihai lu chu ama hmawl ngei chun i sunthleng a, Kei mi sukdar dingin thlivir angin an hung a: An hlimna chu mi rimsi arûka fâk hmang chu a nih.

ZEPHANIA 3:6

Hnamhai chu ka sât thlâk a, an in insânghai chen khawm chu râusanin a um ta a; an kawtthlêrhai chu ka suksiet vawng a, tukhawma an hraw ta naw a; an khawpuihai chu suksietin a um a, chuongchun, mi an um ta naw a, a hluotu khawm an um ta nawh.

ZEKARIA 2:6

“Hung ro, hung ro, hmâr rama inthawk dâm chun hung tlân suok ro, Lalpa chun a tih: vân kil liahai chena chun ka lo sukdar ta si cheu a, Lalpa chun a tih.

ZEKARIA 8:1

Chun, sipaihai Lalpa thu chu ka kuomah a hung tlung a,

ZEKARIA 9:14

Lalpa chu anni chunga chun hmu nîng a ta, a thal chu kâwlinlep angin fe suok a tih; chun, Lalpa Pathien chun tawtawrâwt chu mût a ta, simtieng thlivir le chun fêng a tih.

DÂN PAHNINA 28:33

In hnuoi râhai le in sin inrim râhai chu in hriet ngai naw hnamin fa zo an tih, nêksâwr ding le suknawmnat ni zawmzat in tih,

DÂN PAHNINA 28:49

Hlataka inthawk, kâwlkawdawnga inthawkin nangni thaw ding hnam Lalpain mupui bir angin hung tir a ta, an ṭawng khawm in hriet naw hnam;

DÂN PAHNINA 28:64

“Chun, Lalpa chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.

DÂN PAHNINA 4:27

Lalpa chun hnam tin lai chun sukdar a ti cheu a, Lalpain ân fe hmangtirna cheu hnamhai lai chun tlâwmte chauin um in tih.