ZEKARIA 7:13 - Pathien Lekhabu Inthieng (BSI)

¹³ Chun, ama a khêk laiin an ngai naw a; chuongchun, anni chu khêk an ta, kei khawma ngai naw ningah, sipaihai Lalpa chun a tih.

ZEKARIA 7:13 ပူးပေါင်းရင်းမြစ်များ

THUVARHAI 21:13

Tukhawm mi pasie khêk ria a nahai suksêt chu, Ama khawm khêk ngei a ta, amiruokchu, ngai ni naw nih.

THUVARHAI 28:9

Dân chu ngai dinga a na sit nawtu chu, A ṭawngṭâina khawm chu tirdakum a nih.

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip si a.

ISAI 50:2

Ieng leiin am ka hung khan mi hrim hrim an um naw a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthawtheina hrim hrim ka nei nâwm a nih? Ngai ta u, ka kâwknain tuipui ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thu a, dangchârin an thi hlak.

JEREMIA 11:10

An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 11:11

Chuleiin, Lalpa chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienlakhawm, anni chu lo ngai naw ning ah.

JEREMIA 11:14

Chuleiin, hi hnam ta ding hin hni naw la, an ta dingin hnina amanih, râwl amanih insuo bawk naw rawh, an buoinaa dinga ka kuoma an khêk pha khawm chun anni chu ka ngai naw ding a ni si a.

JEREMIA 14:12

Bu an nghei pha khawm, an khêkri chu ngai naw ning a; inthâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwlhnâm le, ṭâm le hripuiin sukbohmang lem ka tih” a ta.

JEREMIA 14:2

Juda chun a sûn a; chutaka a dai kawtkhârhai khawm chu an ṭâwp zo a, hnuoi chunga chun a duma inbelin ân ṭhung a; Jerusalem khêk ri chu chungtieng a fe a. a.

JEREMIA 7:27

Chun, hieng thuhai po po hi an kuoma chun i hril ding a nih; amiruokchu, i thu chu ngai naw ni hai; anni chu ko bawk i ta, nisienlakhawm, dawn naw ni hai che.

ṬAP HLA 3:44

Kan hninahai chu a fethleng thei nawna dingin, nang chu sûmpui chun în khum a.

EZEKIEL 14:3

“Mihriem naupa, hieng mihai hin an milimhai chu an lungrilhaia chun an lâk tlat a, an hmaihmaa chun an suolna tlûkna lunghai chu an sie ta a; annihai thu indawn hin ka la um rawp ding am a nih?

EZEKIEL 20:3

“Mihriem naupa, Israel upahai kuoma khan thu hril la, an kuoma chun, ‘Lalpa Pathien chun hieng hin a ti a nih; ka kuomah thu indawn dinga hung in ni maw? Kei ka hring zing angin nangni thu indawn hin um naw ning,’ Lalpa Pathien chun a tih,

EZEKIEL 8:18

Chuleiin, kei khawma lunginsenin thaw vêng ka ta, ka mitin anni chu hla naw ni a, lunginsietna nei bawk naw ning; ka naa chun râwl inringtakin hung khêk hai sien khawm, anni chu lo ngai naw ning,” tiin.

MIKA 3:4

Chu pha chun Lalpa chu ko an ta, nisienlakhawm, anni chu dawn naw nih: anih, chu pha chun an thil thawah an thaw ṭhat nawzie ang peiin, an kuom tieng a hmai thup a tih.

LUKA 13:25

In neitu chu a tho a, kawt a khâr hnung chun, nangnîn tuola ngîrin, ‘Lalpa, kawt mi hawngpêk rawh,’ tia kawtkhâr in hung nawk pha, ama chun, ‘Khâwtieng mi am in na, ka hriet naw cheu,’ tiin dawn a ti cheu.

JAKOB 4:3

in hni a, in hni indik naw leiin in hmu nawh, in inhawitirna dingin hmang in tum si a.