ZEKARIA 7:12 - Pathien Lekhabu Inthieng (BSI)

¹² Anih, an lungrilhai chu lungthîr angin an siem a, chuong ni naw sien chu dân le inhmaa zâwlneihai hmanga a thlaraua sipaihai Lalpain a pêk thuhai chu an hriet ta ding bah; chuleiin, sipaihai Lalpaa inthawka lunginsenna nasatak chu a hung tlung ta a.

ZEKARIA 7:12 ပူးပေါင်းရင်းမြစ်များ

2 CHANCHIN SUINA 36:13

Pathiena ṭawng inkhâmtirtu Nebukadnezzar chunga khawm chun a hel bawk a; Israel Pathien Lalpa kuoma kîr dingin, a lungril a sukngar a, ân sukkâwmâw bawk a.

2 CHANCHIN SUINA 36:16

nisienlakhawm, Pathien tirkohai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga Lalpa lungsenna chu chawkthoa a um hiel chen chun.

JOB LEKHABU (THE BOOK OF JOB) 9:4

Ama chu lungrila var, hrâtnaa thilthawthei a na, Ama chunga insukngara hlawtling tu am um an ta?

INPÂKNA HLABU 50:17

Thunun i theida a, Ka thuhai hi i hnungtieng i dehâwn pei si a.

FESUOKNA 7:13

Pharao lungril chu sukngarin a um a, Lalpain a hril ang khan an thu chu a ngai naw a.

ISAI 46:12

Lungril uong, felna hlata umhai, ka thu hi ngai ro; ka felna chu ka hung lâk hnai a, hlatakah um naw ni, ka sandamna khawmin sâwt riel naw nih;

ISAI 48:4

Mi kâwmaw in na, in rîng chu thîr tha a na, in chal chu dâr a ni ka hriet leiin,

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

ISAI 65:12

ka ko lai cheu khan in mi dawn nuom naw a, thu ka hril lai khan nain in hriet nuom naw a, ka mithmuah thil suol chu in thaw lema, ka thil lâwm naw zâwng chu in thlang leiin kâwlhnâmin in chantâwk chu rêlpêk ka ti cheu a, in rêngin thatnaa chun kûn vawng in tih.

JEREMIA 17:1

Juda suolna chu thîr kawlawm le, lunghlu hmawr zuma ziek a nih; an lungril lungphêka chun a kera ker a na, in maichâm kiahai le chun;

JEREMIA 17:23

nisienlakhawm, an ngai naw a, an na khawm an sit naw a, an rîng an sukngar a, an hriet nawna ding le inchûktirna chu an pawm nawna dingin.

JEREMIA 26:19

Juda ram lal Hezekia le, Juda mihai po po chun ama chu an that el am a nih? Lalpa chu a ṭi a, Lalpa ditsakna chu a hni a; chuongchun, Lalpa chun an chunga thil ṭha naw a lo hril ta kha a lamlêt a ni nâwm a ni kha? Chuong a ni chun eini thlatuhai ta ding ngeiin thil ṭha nawtak ei thaw a ni ding a nih,” an ti a.

JEREMIA 42:21

vawisûn hin in kuomah ka hrilfie ta a, nisienlakhawm, in kuoma a mi hung tirna ang thil ienga khawm chun Lalpa in Pathien râwl chu in awi si naw a.

JEREMIA 5:3

Aw Lalpa, i mit chun thudik chu a hmu a ni naw am a nih? Anni chu i vuok a, amiruokchu, an lungngai naw a; anni chu i fâk zo a, anachu, sukdikna chu an dangkîr si a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 7:20

Chuleiin, Lalpa Pathien chun hieng hin a tih: Ngai ta, ka lunginsenna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thinghai chunga le, hnuoia rahai chunga chun; chun, kâng a ta, ṭhel ni ngai naw ni.

EZEKIEL 11:19

Anni chu lungril hmunkhat pêng ka ta; nangmaa chun lungril thar sie bawk ka tih; chun, an tisaa lungril lung anga ngar chu lâng ka ta, an kuoma chun tisa lungril innêm pêng ka tih.

EZEKIEL 14:5

an milimhai leia keimaa inthawka an invâkhmang vawng tâk leiin, Israel sûngkuo chu an lungrilhai ka lâk theina dingin’ tiin.

EZEKIEL 2:4

Chu thla chu zakmawtak le lungril ngar an na; an kuoma chun ka tir che a ni hi; chun, an kuoma chun hieng ang hin hril i tih, ‘Lalpa Pathien chun hieng ang hin a tih,’ tiin.

EZEKIEL 36:26

Lungril thar pêng ka ti cheu a, thlarau thar nangniah sie bawk ka tih; chun, in taksaa inthawkin lungril lung ang chu la hmang ka ta, lungril taksa anga innêm pe lem ka ti cheu.

ZEKARIA 1:2

“In thlatuhai chunga khan Lalpa chu a lungni naw êm êm a.

ZEKARIA 7:7

Hausakna le Jerusalem le a vêla khawpuihai le Simtieng le ramphaihai chu hluo a ni laia, zâwlnei hmasahai hmanga Lalpain thu a khêkpuihai chu in ngai naw ding am a nih?’ tiin,” a ta.

MATTHAI 13:15

Hi chihai lungril hi a lo ngawng ta a, An nahai a lo sêt ta a, An mit an insîm bawk a. Chuong naw chun an mitin hmûng an ta, An nain hrieng an ta, An lungrilin hre bawk an ta, Ngha kîr nâwk an ta, Keiin anni sukdam hlau rawi ka tih,’ a ti kha.

MARKA 4:12

chuongchun, ‘Hmu chu an hmu thei de a, hriet ruok chu an hriet thei nawna ding le na ruok chun an hriet thei de a, a ngaina ruok chu an hriet thei nawna dingin, chuong naw chun ngha kîr nawk an ta, ngaidam hung ni hlau rawi an tih,’ ” a ta.

LUKA 8:12

Chun, lampui sîra mi chu thu hre tahai hi an nih; chun, diebol chu a hung a, an awi naw a, sandam an ni thei nawna dingin an lungrila inthawkin thu a lâkpêk hlak.

THILTHAWHAI 28:27

Hi chihai lungril hi a lo ngawng ta a, An nahai a lo sêt deu a, An insîm bawk a, Chuong naw chun ei mitin hmûng ei ta, Ei nain hrieng ei ta, Ei lungrilin hre bawk ei ta, Ngha kîr nâwk rawi ei ta, Amain mi sukdam hlau rawi a tih,’ an ti a,” a ti kha.

2 PETER 1:21

Thu hrillâwk hrim hrim hi mihriem thua suok a ni ngai si naw a, mihaiin Thlarau Inthieng tirin, Pathien kuoma inthawkin an hril lem hlak a nih.