ZEKARIA 6:8 - Pathien Lekhabu Inthieng (BSI)

⁸ Chun, ka kuomah a hung khêk a, “Ngai ta, hmâr tieng rama fehai khan hmâr tieng rama chun ka lungril chu an suksâwldam tah,” a ta.

ZEKARIA 6:8 ပူးပေါင်းရင်းမြစ်များ

THUHRILTU 10:4

Rorêltu lungril chu i chungah a tho chun, I umna hmun chu mâksan naw la; Intuklûtna hin lungninawna nasatak chu a sukrê si a.

ISAI 1:24

Chuleiin, Lalpa, Sipaihai Lalpa, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêlmahai chungah phuba lâng ka tih:

ISAI 48:14

Nangni rawi po pohai, inkhâwm unla, ngai ro; anni lai chun tuin am hieng thil hi a hril hlak a? Lalpa chun ama chu a hmangai a, ama chun Babulon chunga chun a dit zâwng thâwng a ta, a bân chu Kaldaihai chungah inletin um a tih.

EZEKIEL 16:42

Chuongchun, ka lunginthakna chu i chungah hrîtthlâng ka ta, ka îtthîkna chu nangmaa inthawk chun fe hmang tâng a ta, to ṭawk ṭawk ka ta, lunginsen nâwk ta naw ningah.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa Pathien chun a tih,” tiin.

EZEKIEL 24:13

I pawrchenaa chun hurna a um a; ka sukfai che a, sukfaia i um naw leiin, i pawrchenaa inthawkin sukfai ni ngai ta hrim hrim naw ti ni, ka lunginsenna hi i chunga ka suklungâwi hmakhat chun.

EZEKIEL 5:13

“Chuongchun, ka lunginsenna chu sukpuitling ni tâng a ta, ka lung inthakna chu an chunga chun suktlai tâng ka ta, inhawi ti tâng ka tih; chun, an chunga ka lung inthakna ka sukpuitling pha chun kei Lalpa hin ṭhahnemngaia ka lo hril a ni ti hre tâng an tih.

ZEKARIA 1:15

Chuongchun, hnam nuomsaa umhai chunga chun ka lungni naw êm êm a; lungni naw dep chu ka ni de a, anni chun sukrinumna chu an sukzuol pei si a, tiin,’ a ta.

RORELTUHAI 15:7

Chun, Samson chun an kuomah, “Hieng anga in thaw a ni si chun in chungah phuba ka lâk hmakhat chu to naw ning,” a ti a.

RORELTUHAI 8:3

Pathien chun Midian lalhai, Oreb le Zeeb chu in kutah a hung pêk ta cheu a, nangni nêkin kei hin ieng am ka thaw thei chuong leh?” a ti a. Chuongchun, chu thu a hang hril chun a chunga an lunginsen chu a re ta a.