ZEKARIA 6:5 - Pathien Lekhabu Inthieng (BSI)

⁵ Vântirko chun a mi dawn a, ka kuomah, “Hieng hi vân thlarau pali, leihnuoi po po Lalpa hmaa ngîr hlaka, fe suok hlakhai chu an nih.”

ZEKARIA 6:5 ပူးပေါင်းရင်းမြစ်များ

1 LALHAI 19:11

Ama chun, “Va suok la, tlânga sawn Lalpa hmaah va ngîr rawh,” a ta. Chun, ngai ta, Lalpa chu a hung a, thlipui hrâttakin tlâng dâm chu Lalpa hmaa chun a hung mût kak a, lungpuihai chu a kawi remrum a, nisienlakhawm, thlia chun Lalpa chu a um nawh; chun, thli hrâng zo chun simkhawleihnuoi a hung inhnîng a; nisienlakhawm, simkhawleihnuoi inhnînga chun Lalpa chu a um nawh;

1 LALHAI 22:19

Chun, Mikaia chun, “Chuleiin, Lalpa thu hi lo ngai ta u, Lalpa chu a lalṭhungphaa ṭhung ka hmu a, vâna mipuihai po po, a changtieng le vawitienga ngîrhai leh.

JOB LEKHABU (THE BOOK OF JOB) 1:6

Tuhin Pathien naupahai chu Lalpa hmaa inlang dinga an hung ni a um a; Setan khawm anni lai a hung ve a.

INPÂKNA HLABU 148:8

Mei le riel dâm, vûr sûr le sûmhai, A thu zâwm hlak thlipuihai;

INPÂKNA HLABU 68:17

Pathien tawlailîr chu a sînga sîng, a sânga sâng tamtak a nih. Lalpa chu Sinai tlânga a um ang khan, chuong laia chun hmun inthiengah a um tah.

ISAI 54:5

Nangma siemtu chu i pasal a ni si a; a hming chu sipaihai Lalpa a nih; Israelhai Mi Inthieng chu nangma intlantu a ni bawk a nih; ama chu khawvêl po po Pathien tîng an tih.

JEREMIA 49:36

Chun, Elam chunga chun vân hmun palihaia inthawka thli palihai chu hung inhrângtir ka ta, chu thli fena tienga chun anni chu sukdar vawng ka tih, Elama inthawka hnaw dawkhai tlung nawna hnam hrim hrim um naw ni hai.

EZEKIEL 11:22

Chun, cherubhai chun an thlahai chu an zâr a, kekuolhai chu an sirahai chun a um a; chungtienga chun Israel ropuina chu an chungah a um a.

EZEKIEL 37:9

Chun, ama chun ka kuomah, “Thli kuomah thu hril la, mihriem naupa thu hril rawh, thli kuoma chun, Lalpa Pathien chun hieng hin a tih: ‘Aw thli, hnuoi kil lia inthawk chun hung la, hieng thata umhai chunga hin hung inthli rawh, an hring theina dingin,’ tiin,” a ta.

DANIEL 11:4

A hung ngîrsuok phingle chun a ram chu sukkhawi nîng a ta, kawlkil palihai anga chun sem dar nîng a tih; a thlahai amani le a rorêlna ram dungzui chun ni chuong naw ni a, a ram chu hieng mihai titâk lo khawm mi danghai ta ding khawma sukthlawng a ni ding a ni si a.

DANIEL 7:10

Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um ta a.

DANIEL 7:2

Daniel chun a hril a, “Zâna hin ka thil hmulâwkna chun, ngai ta, vân thli hai pali chu tuipui lien chunga an hrâng hi ka hmu a.

ZEKARIA 4:10

Thil chînhai ni chu tuin am a hmusit hlak hrim a? Hlim an ta, Zerubbabel kuta chun enremna, hieng pasarihai ngei, chuong Lalpa mithai ngei chu an hmu ding a ni si a; anni chu khawvêl po po kil tin kil tanga chun an tlân vêl ta a,” tiin.

ZEKARIA 4:14

Chun, ama chun, “Hieng hi hrieknâl naupasal pahnihai chu an nih, leihnuoi po po Lalpa sîra ngîr hlakhai chu an nih,” a ta.

ZEKARIA 6:1

Chun, ka mithai ka hang inlên nâwk a, tlâng pahni inkâra sakawr tawlailîr pali hung suok hi ka hmu a, ka en zing a; chu tlânghai chu dârsen tlâng an nih.

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

MATTHAI 24:31

Chun, a vântirkohai chu tawtawrâwt ri nasatak leh tir suok a tih. Anni chun a ithlanghai chu kâwl kil lia inthawkin, vân tâwpa inthawka a tâwp khing tieng chenin lâwr khâwm an tih.

LUKA 1:19

Vântirko chun a dawn a, a kuomah, “Gabriel, Pathien hmaa ngîr hlak ka na; a be ding che le, chuong thu ṭha chu hril ding chea hung tir ka nih.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 1:7

Chun, vântirko chungchâng thua chun hi hi a hril a nih: “Ama chun a vântirkohai chu thliah a siem hlak a, A rawngbâwltuhai chu meichawkah a siem hlak,” ti hi.

JOSUA 3:11

Ngai ta u, khawvêl pumpui Lalpa thuthlung bâwm chun in hmaah Jordan vadung chu a kân a nih.

THUPUONGSUO 7:1

Chu hnunga chun khawmuola le tuipuia le, thing hrim hrima chun thli hrim a hrâng nawna dingin, hnuoi thli pali chu chelin hnuoi kil lia ngîr vântirko pali ka hmu a.