ZEKARIA 6:12 - Pathien Lekhabu Inthieng (BSI)

¹² chun, a kuoma chun hril la, ‘Sipaihai Lalpa chun hieng ang hin a tih: Ngai ta, mi pakhat a hming chu Kau a nih; ama chu a hmuna inthawkin hung inṭhang a ta, Lalpa biekin chu hung bâwl a ta:

ZEKARIA 6:12 ပူးပေါင်းရင်းမြစ်များ

2 SAMUEL 7:13

Ama chun ka hming dingin in bâwl a ta; chun, a ram lalṭhungpha chu kumkhuoa dingin suknghet ka tih.

EZRA 3:10

Chun, in bâwltuhai chun Lalpa biekin lungphûm chu an phûm lai chun thiempuhai chu tawtawrâwt chawiin an thuoma inthuomin an ngîr a, chun, Israel lal David thupêk angin Lalpa chu inpâk dingin Asaph naupasal Levi mihai chu dârbenthekhai leh an ngîr bawk a.

EZRA 3:8

Chun, Jerusalema Pathien ina an hung chin a kum hninaa, thla hninaa chun, Sealtiel naupa Zerubbabel le, Jozadak naupa Jesua le an unau dang thiempuhai le, Levi mihai le, sala intâng suoka Jerusalema hung po pohai chun an ṭan a; Levi mihai chu kum sâwmhnia upa le a chung tieng pohai chu Lalpa ina sinthawna chu enkawl dingin an ruot ta a.

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 4:2

Chu ni chun Lalpa kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

ISAI 53:2

A hmaa chun thil ṭo innotak angin ama chu ân dâwn suok si a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei naw a, ama ei hmuin ama ei ditna dingin mawina hrim hrim a nei nawh.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

JEREMIA 33:15

Chuong nihaia le, chu huna chun, David kuoma chun felna Kau hung indâwntir ka ta, rama chun rorêlna le felna chu tir suok a tih.

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

EZEKIEL 41:1

Chun, ama chun Pathien biek ina chun a mi ṭhuoi a, chun, kawtkhâr bieng chu ân khi a, hi tieng sîrah tawng ruka lien a na, khing tieng sîra khawm tawng ruka lien bawk a nih; chu chu biekbûk khang tieng ruol a nih.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,

MIKA 5:5

Chun, hi hi ei inremna ding nîng a tih, Assuria mi chu ei ramah a hung a, ei lal inhai a hung sir pha chun ama do dingin berâmpu pasari le mi ropui pariet inthlangsuok ei tih.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai Lalpa chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni si a; ngai ta u, a Kau, ka siehlaw chu ka hung lâk suok ding a ni si a.

ZEKARIA 8:9

Sipaihai Lalpa chun hieng hin a tih, “Lalpa in, biekin ngei chu, bâwl a ni theina dinga lungphûm phûma a um nia, zâwlnei lo um tahai baua inthawka thuhai vawisûn nia hretuhai, in kuthai chu sukhrât ro.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

MATTHAI 26:61

“Hi mipa hin, ‘Pathien biekin hi ṭhiek a, ni thum sûnga bâwl nâwk thei ka nih,’ a tih,” an ta.

MARKA 14:58

“Hi mipa hin, ‘Hi Pathien biekin kuta bâwl hi ṭhiek ka ta, ni thum sûng chauin biekin dang, kuta bâwl naw mi bâwl ka tih,’ a ti kan hriet,” an ta.

MARKA 15:29

Chun, mi fe vêl po chun an lu thinin, “A hei! nang Pathien biekin ṭhiek a, ni thum kâra bâwl nâwktu,

MARKA 15:39

Chun, a hmaa sipai za hotu ngîr chun, a thlarau chuonga ân thla a hmu chun, “Hi mipa hi Pathien Naupa a ni ngei el,” a ta.

LUKA 1:78

Ei Pathien lunginsietna leiin, Chungtienga inthawkin nisa suokin mi hung sir a ta,

JOHAN 1:45

Philip chun Nathanael a hmu a, a kuomah, “A chanchin Mosiein Dân lekhabua a ziek le, zâwlneihaiin an ziek kha, ama chu kan hmu tah, Nazareth Isu, Josef naupa chu,” a ta.

JOHAN 19:5

Chun, Isu chu hling lukhum le puon sen duk chu sil pumin a hung suok a. Chun, Pilatin an kuomah, “En ta u, mihriempa hi,” a ta.

THILTHAWHAI 13:38

“Chuongchun, unauhai, hre ro; ama lei chun, suol ngaidamna thu in kuomah hril a ni hi;

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

1 KORINTH 3:9

Keini chu Pathien sinthawpuituhai kan ni si a, nangni Pathien lohma chu in na, Pathien in bâwl chu in ni bawk a nih.

HEBRAIHAI 10:12

ama ruok hi chu, chatuona dingin suolhai ta dinga inthâwina ṭum khat chau ân hlân hnungin, Pathien changtieng a hang ṭhung ta lem a.

HEBRAIHAI 7:24

ama ruok chu chatuona a um zing leiin a Thiempu nina chu thleng thei ruol lovin a nei ta lem a nih.

HEBRAIHAI 7:4

Chuongchun, chi thlatu Abrahamin a râllâk ṭha po sâwma pakhat a ipêk chu, chu mihriem ropuizie chu ngaituo ta u.

HEBRAIHAI 8:3

Thiempu Laltak taphawthai chu thilpêk le inthawinahai inhlân dinga ruot an ni si a; chuongchun, hi Thiempu Laltak khawm hin ieng amani bêk inhlân ding nei a ngai a nih.