ZEKARIA 4:6 - Pathien Lekhabu Inthieng (BSI)

⁶ Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

ZEKARIA 4:6 ပူးပေါင်းရင်းမြစ်များ

INṬANNA 41:16

Josef chun Pharao chu a dawn a, “Chu chu keimaa um a ni naw a, Pathienin Pharao chu thlamuongthlâktakin dawn lem a tih,” a ti a.

1 LALHAI 19:12

Chun, simkhawleihnuoi in- hnîng zo chun mei a hung suok a, nisienlakhawm, meia chun Lalpa chu a um nawh;

2 CHANCHIN SUINA 14:11

Asa chu a Pathien Lalpa kuoma chun a khêk a, “Lalpa chau naw chu, hrâtna nei lo mihai ta dinga, mi thilthawtheia inthawka ṭhangpui ding mi dang tukhawm an um naw a; Aw Lalpa kan Pathien, mi ṭhangpui la; nangmaah kan innghat si a, hi mipui hi i hming leiin kan hung do a ni hi. Aw Lalpa nang chu kan Pathien i na, nangma chu tukhawma hne naw raw se che,” tiin.

EZRA 2:2

chuonghai chu Zerubbabel, Jesua, Nehemia, Seraia, Reelaia, Mordekai, Bilsan, Mispar, Bigvai, Rehum le Baana hai ruolin an hung ve a. Israel chi patling zât chu:

EZRA 3:10

Chun, in bâwltuhai chun Lalpa biekin lungphûm chu an phûm lai chun thiempuhai chu tawtawrâwt chawiin an thuoma inthuomin an ngîr a, chun, Israel lal David thupêk angin Lalpa chu inpâk dingin Asaph naupasal Levi mihai chu dârbenthekhai leh an ngîr bawk a.

EZRA 5:2

Chun, Sealtiel naupa Zerubbabel le Jozadak naupa Jesua chu an tho a, Jerusalema um, Pathien in chu an bâwl ṭan ta a; chun, an kuoma chun Pathien zâwlneihai chu anni ṭhangpuiin an um bawk a.

INPÂKNA HLABU 33:16

Lal hrim hrim hi sipaihai tam lei ngawta sandama um an um ngai nawh: Mi hrât hi hrât bêk bêk lei ngawta sanhim an ni ngai nawh.

THUHRILTU 9:11

Ka thlîr nâwk a, nisa hnuoia chun intlânsiekna chu a hrâthai ta ding chau a ni naw a, indona chu a hrâthai ta ding chau a ni naw a, bei chu mi varhai ta ding chau a ni naw a, hausakna chu hrietthiemna nei mihai ta ding chau a ni naw a, ditsakna chu themthiemhai ta ding chau a ni nawh; amiruokchu, hun le remchâng chu an rênga kuomah a tlung seng a ni lem ti ka hmu a.

ISAI 30:1

Lalpa chun, “Nau helhmanghai chu an chung a rik ie! chuonghai chun mi an râwn a, kei ruok chu an mi râwn si naw a, an suol chunga suol an belsana dingin inkhumnain an inkhum a, ka thlarau thu ruok chun an inkhum si naw a;

ISAI 32:15

Chung tienga thlarau chu ei chunga bura a um a, thlalêr chu hnuoi ṭhatak hmuna ân chang a, hnuoi ṭhatak hmun chu rampuia ngaia a um hmakhat chun.

ISAI 34:16

Lalpa lekhabuah zawng unla, tiem ro; chuonghai laia chun pakhat khawm a kim naw um naw ni a, pakhat khawm kawppui nei naw um naw ni; ka bau ngeiin thu a pêk a, a thlarau ngeiin chuong chu a ṭhuoi khâwm tâwl ta si a.

ISAI 59:19

Chuongchun, Lalpa hming chu thlangtienga inthawkin ṭîng an ta, a ropuina chu nisa suoknaa inthawkin ṭi bawk an tih; ama chu tui lien thut, Lalpa thuoka mût luong vut vut angin a hung ding a ni si a.

DANIEL 2:34

Chun, kut lovin lungpui a hung insât thlâk a, chu milim thîr le pil kehaia ngîr chu a hung del a, nawi tamtaka a suknawi vawng chen i en a.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun Lalpa thu chu a hung tlung a.

HAGGAI 2:21

“Zerubbabel, Juda chunga rorêltu kuoma chun hril la, ‘Hnuoi le vânhai chu sukhnîng ka ta:

ZEKARIA 6:12

chun, a kuoma chun hril la, ‘Sipaihai Lalpa chun hieng ang hin a tih: Ngai ta, mi pakhat a hming chu Kau a nih; ama chu a hmuna inthawkin hung inṭhang a ta, Lalpa biekin chu hung bâwl a ta:

NAMBAR 27:16

“Lalpa, tisa po po thlarauhai Pathien chun pungkhâwmhai chunga chun hotu ruot sienla,

EPHESI 6:17

Chun, sandamna lukhum le Thlarau ngûnhnâm (Pathien Thu chu) la unla, ṭawngṭaina le hnina tinrêngin,

1 PETER 1:12

Chuong thu chun mani rawng inbâwl lovin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.

1 SAMUEL 17:47

chun, hitaka pungkhâwmhai po po hin Lalpa chun kâwlhnâm le feiin a sandam nawh ti hre thei an tih; indona chu Lalpa indona a ni sih a, ama chun kan kuta hin nangni hi a mi pêk ding a nih,” a ta.