ZEKARIA 3:8 - Pathien Lekhabu Inthieng (BSI)

⁸ Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni si a; ngai ta u, a Kau, ka siehlaw chu ka hung lâk suok ding a ni si a.

ZEKARIA 3:8 ပူးပေါင်းရင်းမြစ်များ

INPÂKNA HLABU 71:7

Mi tamtak ngaiin thilmak ang ka na, Nisienlakhawm, nang chu kân humhimna dettak i nih.

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 20:3

Chun, Lalpa chun, “Ka siehlaw Isai hi Aigupta mihai chunga le Ethiopia mihai chunga thilmak le inchiknaa dingin kum thum sûnga saruok le kekawk bun lova a fe ang hin,

ISAI 4:2

Chu ni chun Lalpa kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 49:3

chun, ka kuomah, “Nang chu ka siehlaw i na; Israel, chawimawia ka umna ding chu i nih,” a ti a.

ISAI 49:5

Tuhin chu Lalpa, Jakobhai a kuoma ṭhuoi nâwkna ding le, Israelhai a kuoma ṭhuoi khâwma an umna dingin siehlawa um dinga sula inthawka mi thlangtu chun a hril a, (Lalpa mithmu chun mi inzaum ka ni si a, ka Pathien chu ka hrâtna a ni ta bawk a) anih,

ISAI 52:13

Ngai ta, ka siehlaw chun vartak- in thâwng a ta, chawimawi le chawisângin um a ta, insângtakin um a tih.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 53:2

A hmaa chun thil ṭo innotak angin ama chu ân dâwn suok si a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei naw a, ama ei hmuin ama ei ditna dingin mawina hrim hrim a nei nawh.

ISAI 8:18

Ngai ta, kei le Lalpa mi pêk naupanghai hi, Israelhai lai hin sipaihai Lalpa Zion tlânga um kuoma inthawka inchikna ding le thilmakhai ding dâm kan nih.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

JEREMIA 33:15

Chuong nihaia le, chu huna chun, David kuoma chun felna Kau hung indâwntir ka ta, rama chun rorêlna le felna chu tir suok a tih.

EZEKIEL 12:11

Hril la, in ta dinga inchikna ka na, ka thaw ta angin an kuoma chun hung tlung a tih, hnawt suoknaa chun, salah an fe ding a nih.

EZEKIEL 12:6

An mithmua chun i liengkoah phur i ta, inthima chun phur pei i ta; i hmai khawm hnuoi hmu lo dingin în khum ding a nih; Israel sûngkuohai ta dinga inchiknaah ka sie ta si che a,” tiin.

EZEKIEL 24:24

Chuongchun, Ezekiel hi in ta dingin inchikna nîng a ta; amain a thaw ang tak hin thaw vêng in tih; hienghai hi a hung tlung pha chun Lalpa chu ka nih ti mi hre tâng in tih.’

EZEKIEL 34:29

Anni lai chun hming inthang khawp thlâichingna pêng ka ta, chu rama chun ṭâm ifâk zoin um ta naw ni hai a, hnam danghai biekrâwpna chu tuor ta bawk naw nihai.

EZEKIEL 37:24

Chun, ka siehlaw David chu an chunga lal nîng a ta, chuongchun, berampu pakhat nei an ta, ka rorêlhai khawm chu hrâwng an ta, ka thu- ruothai chu pawmin thaw bawk an tih.

ZEKARIA 6:12

chun, a kuoma chun hril la, ‘Sipaihai Lalpa chun hieng ang hin a tih: Ngai ta, mi pakhat a hming chu Kau a nih; ama chu a hmuna inthawkin hung inṭhang a ta, Lalpa biekin chu hung bâwl a ta:

LUKA 1:78

Ei Pathien lunginsietna leiin, Chungtienga inthawkin nisa suokin mi hung sir a ta,