ZEKARIA 3:1 - Pathien Lekhabu Inthieng (BSI)

¹ Chun, thiempu lal Josua Lalpa vântirko hmaa ngîr le, Setan chu a khingpui ni dinga a changtienga ngîr chu a mîn entir a.

ZEKARIA 3:1 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

1 CHANCHIN SUINA 21:1

Setan chu Israel mihai chunga chun a hung tho a, David chu Israel mihai chu ân tiemtir ta a.

2 CHANCHIN SUINA 29:11

Ka naupasalhai, tuhin ngaitha naw ro; riminhnikhai raw a, a rawngbâwltuhai nia, ama rawngbâwl ding le, a hmaa ngîr dingin Lalpa chun a thlang ta si cheu a,” tiin.

EZRA 10:18

Chun, thiempuhai naupasalhai lai ngei khawm chun hmêlmak nuhmei lo neituhai chu hmusuok an hung ni ta a: hming lamin hieng, Jozadak naupa Jesua naupasalhai, an unauhai leh; Maaseia, Eliezer, Jarib le Gedalia hai hi.

EZRA 2:2

chuonghai chu Zerubbabel, Jesua, Nehemia, Seraia, Reelaia, Mordekai, Bilsan, Mispar, Bigvai, Rehum le Baana hai ruolin an hung ve a. Israel chi patling zât chu:

EZRA 5:2

Chun, Sealtiel naupa Zerubbabel le Jozadak naupa Jesua chu an tho a, Jerusalema um, Pathien in chu an bâwl ṭan ta a; chun, an kuoma chun Pathien zâwlneihai chu anni ṭhangpuiin an um bawk a.

INPÂKNA HLABU 106:23

Chuleiin, sukbohmang rawi a tih, tia, a lunginsen sukkîr dingin, A mi thlang Mosie chu a lûtna dinga chun a hmaah ngîr naw sien lem chu, Sukbohmang a tih, ti a hril a.

INPÂKNA HLABU 109:6

Nangin a chungah mi suol sie la, A changtieng chun hêktu ngîr raw se.

JEREMIA 15:19

Chuleichun, Lalpa chun hieng hin a tih: I hung kîr chun, ka hmaa i ngîr theina dingin hung ṭhuoi nâwk ka ti che; mi suolhaia inthawka thil hluhai i lâk suok chun, ka bau ang nîng i ta; anni chu i kuomah hung kîr an ta, nang ruok chu an kuom tieng kîr naw ti nih.

EZEKIEL 44:11

Ina chun rawngbâwlin, in dâi kawtkhârhaia chun enkawlin, ka hmun inthienghaia chun rawngbâwltu nîng an tih; mipuihai ta dinga inthawina le pumrawhmang thilinhlâna ding chu that an ta, anni rawngbâwlpêk dingin an hmaa chun ngîr an tih.

EZEKIEL 44:15

“Amiruokchu, thiempu Levi mihai, Zadok naupasalhai, keimaa inthawka Israelhai an invâk hmang lai khawma ka hmun inthieng enkawlna sin kawltuhai chu, ka ta dinga rawngbâwl dingin keia hnaiah hung an ta; sathâu le thisen chu inhlân dingin ka hmaa chun ngîr an tih, Lalpa Pathien chun a tih;

HAGGAI 1:1

Lal Daria inlal kum hnina, thla ruknaa, chu thla ni khat nia chun, zâwlnei Haggai hmangin Sealtiel naupa Zerubbabel, Juda ram rorêltu le Jehozadak naupa Josua, thiempu laltak kuoma chun Lalpa thu chu a hung tlung a.

HAGGAI 1:12

Chuongchun, Sealtiel naupa Zerubbabel le, Jehozadak naupa, Josua, thiempu lal le, chu chi la um sunhai chun Lalpa an Pathien râwl le, Lalpa an Pathienin ama a tir angin, zâwlnei Haggai thuhai chu an pawm ta a; chuongchun, mipui chun Lalpa chu an ṭi ta a.

HAGGAI 2:4

Anachu, Aw Zerubbabel, tuhin insukhrât rawh,’ Lalpa chun a ti a nih; Lalpa chun, ‘Aw Josua, nang Jehozadak naupa thiempu lal, insukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai Lalpa chun a tih:

ZEKARIA 1:13

Chun, vântirko kei mi betu chu Lalpa chun thu ṭhatakhai, thu thlamuongumtakhai chun a dawn ta a.

ZEKARIA 1:19

Ama chun, “Hi kihai hi Juda le Israel le Jerusalem sukdartuhai chu an nih,” tiin a mi dawn a.

ZEKARIA 1:9

Chun, keiin ‘Aw pu, hienghai hi ieng am an ni a?’ ka ta. Vântirko kei mi betu chun ka kuomah, ‘Hieng hi ieng am an ni inentir ka ti che,’ a ta.

ZEKARIA 2:3

Chun, ngai ta, vântirko a mi betu chu a fe suok ta a, chun, vântirko dangin ama chu ân tuokpui a, a kuomah,

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni si a; ngai ta u, a Kau, ka siehlaw chu ka hung lâk suok ding a ni si a.

ZEKARIA 4:14

Chun, ama chun, “Hieng hi hrieknâl naupasal pahnihai chu an nih, leihnuoi po po Lalpa sîra ngîr hlakhai chu an nih,” a ta.

ZEKARIA 6:11

anih, tangkaruo le rângkachak lapêk la, lukhum siem la, Jehozadak naupa thiempu lal Josua lua chun bel rawh;

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.

LUKA 21:36

Chuongchun, chuong thil hung tlung dinghai po po chu pumpel tlâk le Mihriem Naupa hmaa ngîr tlâka ruot in ni theina dingin, ieng lai khawmin ṭawngṭai pumin ngaiven ro,” a ta.

LUKA 22:31

“Simon, Simon, ngai ta, Setanin, bu rel anga a rel theina ding cheuin, nangni rawi hi a hni cheu annaw;

DÂN PAHNINA 10:8

Chuong lai chun tu chena Lalpa thuthlung bâwm zâwn a, Lalpa hmaa a rawng bâwl a, a hminga malsâwmpêktu ni dingin Levi chi chu a suktum a.

DÂN PAHNINA 18:15

“Lalpa in Pathienin keima ang hi in unauhai laia mi, zâwlnei siempêk a ti cheu; a thu chu in zâwm ding a nih.

1 PETER 5:8

Ngaiven unla, fimkhur ro; in khingpui Diebol chu sakeibaknei inrûm hlak angin a fâk thei ding zawngin ân vêl ruoi hlak a nih.

1 SAMUEL 6:20

Beth-semes khuoa mihai chun, “Hi Pathien inthieng Lalpa hmaa hin tu am ngîr thei a ta, ei kuoma inthawk hi khâwlai am fe suok tâng a ta?” an ta.