ZEKARIA 2:8 - Pathien Lekhabu Inthieng (BSI)

⁸ Lalpa chun hieng hin a tih: A ropuina ding ang peiin ama chun nangni suksetu cheu hnamhai kuoma chun a mi tir a; nangni tâwktu cheu chun ama mit naulêng a tâwk a ni si a:

ZEKARIA 2:8 ပူးပေါင်းရင်းမြစ်များ

INṬANNA 20:6

Chun, Pathienin a manga chun, “Anih, hi hi lungril ṭhatak putin i thaw a nih ti ka hriet a; chuongchun, kei khawmin ka chunga i thil thaw suol ding chu ka khap che a nih; chuleiin a nih ama i them ka phal naw chu.

2 LALHAI 24:2

Chun, Lalpain Kaldai pâwlhai, Suria pâwlhai, Moab pâwlhai, Ammon thla pâwlhai ama thaw dingin a tir suok ta a; a siehlaw zâwlneihai hmanga a hril Lalpa thu anga Juda ram chu insuksiettir dingin.

INPÂKNA HLABU 17:8

Mit nautê angin mi kawl ṭha la, I thla hnuoiahai chun mi thup rawh,

THUVARHAI 7:2

Ka thupêkhai hi kawlin khawsa la, Ka închûktirna chu i mitnau lêng angin;

ISAI 49:19

I hmun se ta le rausan hnunghai le sukbohmang hnung thua chun tuhin a umhai ta ding chun i chîn talaw ngei ngei ding a ni si a; nangma lemtuhai kha hlatakah an um ta ding a nih.

JEREMIA 12:14

Ka tuolbâwm rilohai po po, ka mi Israelhai hluo dinga ka ti lo tâwksetu chunga chun Lalpa chun hieng hin a tih: Ngai ta u, an rama inthawk chun anni chu hmalthlâng ka ta, anni laia inthawk chun Juda sûngkuo chu hmalthlâng ka tih.

JEREMIA 27:7

Chuongchun, ama ram ngei a ni hun a tlung hmakhat chun, hnamhai chun ama le a naupasal le, a naupasal naupa rawng chu bâwl an tih; chuongchun, hnam tamtakhai le lal ropuitakhai chun ama chu suokin man an tih.

EZEKIEL 25:12

“Lalpa Pathien chun hieng hin a tih: Edom hi Juda sûngkuo chungah phuba lain le, maw nasatak inphurtirin le, an chunga thungin a lo sawisak tâk leiin,

EZEKIEL 25:15

“Lalpa Pathien chun hieng hin a tih: Philistin mihai chu phuba lâk angin an lo sawisakin, theida zing zinga sukse dingin lungrila hmusit pumin phuba an lo lâk a,

EZEKIEL 26:2

“Mihriem naupa, Tura chun Jerusalem chunga chun, E he, hnam tinhai dâi kawtkhâr chu a tliek a ni ta hi; tuhin keia kuom tieng a hung inher ta a, kei chu hluosip nâwkin um ka ta; tuhin ama chu suksiet a ni hi, a ti leiin,

EZEKIEL 26:20

Chun, tienlaia mihai vânsama ṭumhai kuoma chun ṭhuoi ka ti che a, vânsama lo fe thla tahai lai, tienlaia inthawka râusana um tah hmuna hai, leihnuoi hnuoi tieng panga chêng dingin siem ka ti che a; hluo ni ta ngai hrim hrim naw ti ni; chun, mi hring rama chun i ropuina chu sie bawk ta naw ning;

EZEKIEL 35:5

Hun tâwpa hremna huna, an vângsiet lai hunah Israel thlahai chu kâwlhnâm thilthawtheina kuoma i lo pêk a, anni chu hmêlmâkna rê lo i nei leiin;

EZEKIEL 36:11

in sûnga chun mihriem le sa khawm sukpung ka ta; pung an ta, ra hlâwk an tih; chun, a hmaa in lo um dân pângngai ang bawk khan hluoa um dingin siem ka ti che a, in um ṭantir lai nêk hman khan in chungah thaw ṭha lem ka tih; chun, Lalpa chu ka nih ti mi hre tâng in tih.

EZEKIEL 38:11

khuohai kul neilova an umna rama chun hang fêng ka ta, to ṭawk ṭawka chênghai, himtaka chênghai kuoma chun; an rêngin kul neilovin an chêng a, dai kawtkhârhai le kalna thîrtluonhai bovin;

EZEKIEL 38:14

“Chuleiin, mihriem naupa, thu hril la, Gog kuoma chun hieng hin ti rawh, Lalpa Pathien chun hieng hin a tih: Ka mi Israelhai hi himtaka an chêng nia chun, i hriet naw ding maw?

AMOS 1:11

Lalpain hieng ang hin a tih, “Edom bawsietna pathum leiin, anih, pali leiin, a hremna sukbo naw ning; a unau chu kâwlhnâm leh a hnawt a, a lunginsietna po po a peihâwn vawng a, a lunginsenna chu ân puokdartir rawp hlak a, kumkhuoin a lunginsenna chu a vawng zing leiin;

AMOS 1:13

Lalpain hieng ang hin a tih, “Ammon nauhai bawsietna pathum leiin, anih, pali leiin, a hremna sukbo naw ning; an ram an suklien theina dingin, Gilead khaw nuhmei nau vawnhai an phirthlêr leiin;

AMOS 1:9

Lalpain hieng ang hin a tih. “Tura khaw bawsietna pathum leiin, anih, pali leiin, a hremna sukbo naw ning; Edom mi kuomah mi po po chu a pêk a, unau thuthlung chu an hriet zing naw leiin;

MIKA 4:11

Tuhin hnam tamtak chu nangma doin an inkhâwm a, “Sukpawrchein um sienla, ei mit hin Zion chunga a châk zâwng chu hmu raw se,” an ti a.

MIKA 5:6

Assuria ram chu kâwlhnâmin suksieng an ta, Nimrod ram chu a lûtnaa chun sukse bawk an tih; chun, ama chun ei ramah Assuria mi a hung a, ei ram chu a hung sir pha chun, amaa inthawk chun mi sansuok a tih.

MIKA 7:10

Chuongchun, ka hmêlma ka kuoma, “Khâwlai am Lalpa i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

HABAKKUK 2:17

Lebanon chunga inpâwngnêkna le, Ramsahai chunga suksietna, anni sukṭi hlakna chun, Ram le khawpui le a sûnga chênghai chunga le, Mihriemhai thisen le thil lo thaw ta po po lei chun, Nang chu ân khum ding che a nih.

HABAKKUK 2:8

Hnam tamtak i suksiet ta leiin, mihriem thisen le Ram le khawpui le a sûnga chênghai chunga Mihriem thisen le inpâwngnêkna thil lo thaw ta po po lei khan, Nang khawm chi a la um sunhai po po chun sukse vêng an ti che.

ZEPHANIA 2:8

Moab mihai hrilsietna le, Ammon thlahaiin an chierkhumnahai, ka mihai an hrilsieta an ramrihai ngeiah an vân suklien thu chu ka lo hriet a.

ZEKARIA 2:11

Chun, chu nia chun hnam tamtakhai chu Lalpa tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai Lalpa chun i kuomah a mi hung tir a nih ti hre tâng i tih.

ZEKARIA 2:9

Ngai ta u, anni chunga chun ka kut chu thin ka ta, chuongchun, anni rawng bâwlpêktuhai ta dingin râllâk sum hung ni tâng an tih; chun, sipaihai Lalpa chun kei a mi tir a nih ti hre tâng in tih.

ZEKARIA 8:5

Chun, a khawpui kawtthlêrhai chu pasaltê le nuhmeitê kawtthlêrhaia inhnelin la sip bawk an tih,” tiin.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 25:45

Chun, ama chun an kuomah, ‘Titakzetin ka hril cheu hi, hieng mi chîntak laia mi pakhat chunga in thaw naw chu ka chunga thaw naw in nih,’ tiin la dawn a tih.

JOHAN 14:26

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

JOHAN 17:18

Nangin khawvêla kei i mi tir ang khan, kei khawmin anni chu khawvêlah ka tir hi.

THILTHAWHAI 9:4

Chun, hnuoiah a tlu a, a kuomah, “Saula, Saula, nangin iengdinga i mi suknawmna am a na?” tiin rawl a hriet a.

DÂN PAHNINA 32:10

“Thlalêr ram ruok inrûm vung vunga chun; A vêla umnghain a enkawl a, A mitnaulêng angin a kawl a.

2 THESSALONIKA 1:6

Chuongchun, hi hi Pathien ta dingin thil feltak a nih: a sukrinumtuhai cheu chu rinumnaa thung le;

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu ta a, ei inhriettir a nih.