ZEKARIA 2:6 - Pathien Lekhabu Inthieng (BSI)

⁶ “Hung ro, hung ro, hmâr rama inthawk dâm chun hung tlân suok ro, Lalpa chun a tih: vân kil liahai chena chun ka lo sukdar ta si cheu a, Lalpa chun a tih.

ZEKARIA 2:6 ပူးပေါင်းရင်းမြစ်များ

INṬANNA 19:17

Chun, khawhnâwma an ṭhuoi suok hnung chun, “I hringna dingin tlân suok rawh: i hnungtieng ngha naw la, phaizâwla hrim hrim hin châwl bawk naw rawh; tlânga sawn tlân rawh, chuong naw chun, bohmang rawi i tih,” a ti a.

INPÂKNA HLABU 44:2

Nangin i kutin hnam tin chu i hnawt suok a, anni chu i phun ta thung a, Mi tin chu i sukrimsi a, anni chu în zârlientir thung a.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 55:1

Hung ta u, dangchâr taphawthai, tuiahai hin hung ro, tangka nei nawhai khawm hung unla, inchaw unla, fa ro; anih, hung unla, uoin le nênetui tangka pe lovin, a man khawm pe lovin inchaw ro.

JEREMIA 1:14

Chun, Lalpa chun ka kuomah, “Hmâr tienga inthawkin ram hluotuhai po po chungah thil ṭha naw hung so suok a ta.

JEREMIA 15:4

Chun, anni chu, Juda lal Hezekia naupa Manasse Jerusalema a thilthawhai lei khan, hnuoi chunga lalram po pohai laia chun hmatieng hnungtienga hnawtlêng dingin inumtir ka tih.

JEREMIA 3:18

Chuong nihaia chun Juda sûngkuo chu Israel sûngkuo le chun intlawn an ta, hmâr tieng rama inthawk chun hung suok hmunkhat an ta, in thlatuhai kuoma rochan dinga ka pêk rama chun hung an tih.

JEREMIA 31:10

Aw nangni hnamhai, Lalpa thu chu ngai unla, thlierkâr hlatakahai chun phuong ro; chun, “Israel sukdartu ngei chun, ama chu kei khâwm nâwk a ta, berâmpuin a berâm ruol a kawl ang chun ama chu kawl a tih,” tiin hril ro.

JEREMIA 31:38

Ngai ta u, nihai chu a hung tlung, Lalpa chun a tih: Hananel in insânga inthawka a kia dai kawtkhâr chenin, Lalpa ta dingin khawpui chu bâwl nîng a tih.

JEREMIA 31:8

Ngai ta u, hmârtieng rama inthawk chun anni chu hung ṭhuoi ka ta, chun, hnuoi hmun hlatakhaia inthawk chun, anni le mitdel dâm, ke inbai dâm, nuhmei nau pawmlai dâm, nauhase nat tuor lai dâm chu hung ṭhuoi khâwm ka tih; chuongchun, pâwl ropuitak chu hitieng hin hung kîr an tih.

JEREMIA 50:8

Babulona inthawk chun tlânsuok unla, Kaldaihai rama inthawk chun fe suok unla, kêl ruol hmaa kêlchal ang ni ro.

JEREMIA 51:45

“Ka mihai, a sûnga inthawk chun fesuok unla, mi tin chu Lalpa lunginsenna ṭiumtaka inthawk chun insandam seng ro.

JEREMIA 51:50

“Nangni kâwlhnâma inthawka suokthlenghai, fe unla, ngîr ṭawk ṭawk naw ro, hlataka inthawk chun Lalpa chu hre zing unla, Jerusalem chu in lungrilah in hungtir hlak ro.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, Lalpa phuba lâkna hun a ni si a; ama chun thungna chu pêng a tih;

EZEKIEL 11:16

chuleiin, hril la, Lalpa Pathien chun hieng hin a tih; ‘Hnamhai laia inthawka hlataka chun ka lo sawn ta de a, ramhai laia chun anni chu ka lo sukdar ta dea chu, an va fena ramhaia chun hun sâwt nawtê sûnga ding chun an ta dingin hmun inthieng la ni ta fan ka tih’ tiin.

EZEKIEL 17:21

Chun, a pâwlhai po po laia a tlân hmanghai po po chu kâwlhnâmah tlûng an ta, chun, a la um zinghai khawm chu kil tinah sukdar ni bawk an tih; chun, kei Lalpa hin ka lo hril ta a nih ti hre tâng i tih.

EZEKIEL 5:10

Chuongchun, i sûnga chun pahai chun naupahai chu fâng an ta, naupahai chun an pahai chu fa bawk an tih; chun, nangmaa chun rorêl chu hung sukthlûng ka ta, nangmaa la mahlahai po po khawm chu thedar vawng ka tih.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.

DANIEL 11:4

A hung ngîrsuok phingle chun a ram chu sukkhawi nîng a ta, kawlkil palihai anga chun sem dar nîng a tih; a thlahai amani le a rorêlna ram dungzui chun ni chuong naw ni a, a ram chu hieng mihai titâk lo khawm mi danghai ta ding khawma sukthlawng a ni ding a ni si a.

AMOS 9:9

“Ngai ta u, thu ka pêk ding a ni si a, chun, sihria bu an rel angin, Israel sûngkuohai chu hnam po po lai chun rel ka tih; nisienlakhawm, a mal chîn tak khawm hnuoi chungah tla naw ni.

ZEKARIA 1:16

Chuleiin, Lalpa chun a tih: ‘Zângaina leh Jerusalema chun ka hung kîr nâwk a; chutaka chun ka in chu bâwl a ni ding a nih, sipaihai Lalpa chun a tih; chun, Jerusalem chunga hin inkhina hmawl keimar nîng a tih.

ZEKARIA 2:7

Babulon naunu le chêng hmunkhat Zion, hung la, hung suok rawh.

MATTHAI 24:31

Chun, a vântirkohai chu tawtawrâwt ri nasatak leh tir suok a tih. Anni chun a ithlanghai chu kâwl kil lia inthawkin, vân tâwpa inthawka a tâwp khing tieng chenin lâwr khâwm an tih.

MARKA 13:27

Chun, vântirko chu tir suok a ta, a thlanghai chu kâwl kil lia inthawkin, hnuoi tâwpa inthawka vân tawp chenin lâwr khawm a tih.

DÂN PAHNINA 28:64

“Chun, Lalpa chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.

THUPUONGSUO 18:4

Chun, vâna inthawkin rawl dangin hienghin a hril ka hriet, “Ka mihai, an rîtlonaahai in ṭhangnawna ding le, a hremnahai in hmu ve nawna dingin a sûnga inthawkin suok ro.

RUTH 4:1

Chuongchun, Boaz chu kul kawtkhâra chun a hang fe a, chutaka chun a ṭhung a. An laibung bul Boazin a hril kha a hung chun, “Ruola, taka hin la hung la, hung ṭhung ta,” a ti a. Ama chu a va fe a, ân ṭhung a.